%20-%20Copy.jpg){kind=small}
🔧 غسالة فوق أوتوماتيك تعمل صوت عالي أثناء التشغيل – والتشخيص كان خاطئ!
عميل اشتكى إن غسالته التوب (فوق أوتوماتيك) بتعمل صوت عالي أثناء الشغل، وخصوصًا في مرحلة العصر.
👨🔧 الفني الأول شخّص المشكلة:
-
طلب سحب الغسالة للورشة
-
واقترح تغيير:
-
الجيربوكس
-
المساعدين
-
السير
-
إطار الاتزان الداخلي
-
❗ المشكلة؟ التكلفة كانت تقريبًا أعلى من سعر الغسالة نفسها!
العميل قرر يطلب معاينة من فني آخر.
🔍 الفحص الحقيقي
روحت للعميل، وبدأت تجربة الغسالة بحمل (غسيل فعلي).
لاحظت حاجة مهمة جدًا:
🌀 بعد مرحلة الغسيل، ولما دخلت مرحلة الشطف، كان مستوى المياه في الحلة بيقل تدريجيًا بمعدل بسيط جدًا.
-
ده خلى الغسالة مش قادرة ترتب الغسيل جوه الحلة.
-
فدخلت على مرحلة العصر والغسيل مكلكع ومبروم على بعضه.
-
وبالتالي... صوت عالي جدًا بسبب الاهتزاز وعدم التوازن.
لكن الأغرب؟
❌ الغسالة ما أعطتش أي إنذار إن فيه تسريب أو تفريغ غير طبيعي للمياه!
💡 سبب المشكلة الحقيقي
بعد الفحص، اتضح إن:
-
خرطوم الطرد متوصل في صرف مسدود
-
ومش بس كده، الصرف كان متغلق بـ"جبس" علشان يثبّت الخرطوم!
ده تسبب في:
-
سحب المياه ببطء أثناء الشطف
-
وبالتالي: خلل في عملية التوازن قبل العصر
🛠️ الحل
-
تم إخراج خرطوم الطرد من الصرف المسدود
-
ورفع مستوى الخرطوم عن الأرض بمقدار متر تقريبًا
-
وأعدت تشغيل الغسالة للتجربة
✅ النتيجة:
-
مستوى المياه استقر أثناء الشطف
-
الغسالة قدرت ترتب الغسيل بشكل مثالي
-
دخلت على مرحلة العصر بهدوء تام... بدون أي صوت غير طبيعي
-
ولا تم تغيير أي قطعة غيار، ولا سحب للورشة!
✅ الخلاصة
مش كل صوت عالي في الغسالة سببه جيربوكس أو مساعدين.
أحيانًا العطل بسيط جدًا، والمشكلة كلها في التوصيل الخاطئ للصرف.
