طريقة فحص كارت تشغيل الثلاجة: متى يُصلح ومتى يُستبدل؟

النهارده هاتكلم معاكم عن حاجة مهمة جدًا في كارت تشغيل الثلاجة: إزاي تعرف إنه تالف؟ إمتى يتصلح؟ وإمتى لازم يتغير؟

هشرح الموضوع في نقاط علشان يكون سهل وواضح:

كارت التشغيل بينظم شغل الكباس (الموتور)، المروحة، السخانات، وبيغذي لمبة الكابينة.
كمان بيوصل الكهرباء لمراوح التبريد اللي بتشتغل بفولت قليل (زي 9 أو 12 فولت DC).

الثلاجة مش بتشتغل خالص، ولما تفحص تلاقي الكارت واصل له 220 فولت بس مفيش أي إشارة أو تلف ظاهر → في الحالة دي ممكن يكون IC الباور ضارب. جرب تصلحه أو استبدله.
في ثلاجات فيها إضاءة LED بتشتغل بـ12 فولت من الكارت.
- لو الثلاجة شغالة بس الإضاءة لا: افحص الطرفين اللي بيغذوا اللمبة بالـ"أفو" على وضع DC.
- لو فيه 12 فولت: غير الليد.
- لو مفيش فولت: المشكلة من الكارت.
بعض الكروت بيكون عليها ريليه واحد للكابينة والكباس.
- لو الثلاجة منورة بس الكباس أو المروحة مش شغالة، غالبًا العيب في الريليه. غيره أو غير الكارت بالكامل.
الثلاجة بتكوّن ثلج لكن مفيش تسخين أو إذابة رغم إن السخان والثرموفيوز سليمين → الريليه المسؤول عن السخان ممكن يكون تالف أو الكارت مش بيفصل بشكل دوري (كل 6 ساعات مثلاً). في الحالة دي لازم تغير الكارت.
لو الكارت بيطلع إنذار مع إن كل شيء سليم (الحساسات تمام)، فده معناه إن الكارت بيقرأ الحساسات غلط → لازم يتغير.

فني ركب مروحة بدل القديمة اللي اتحرقت، والمروحة الجديدة عملت قافلة. لما اتغيرت، فضلت مش شغالة → الكارت ممكن يكون ضرب.
- ممكن تصلحه أو تستبدله، أو تغذي المروحة من مصدر الموتور.
دواية اللمبة أحيانًا بتعمل قافلة وتسبب تلف في مجموعة الباور داخل الكارت.
بعض العملاء بيشتكوا إن مفيش إنذار عند فتح الباب فترة طويلة (زي أكتر من 3 دقايق)، رغم إن دي ميزة إضافية → المشكلة ممكن تكون في جرس الكارت أو الكارت نفسه.

كارت التشغيل بيعتمد على الحساسات، وفيه مروحة DC، يعني مش مجرد بديل لتايمر الثلاجة التقليدي.
في ثلاجات فيها كارت لوحة وكارت تشغيل: كارت اللوحة غالبًا بينقل بيانات بس، ونادرًا ما بيتلف.
بعض الثلاجات الحديثة بتشتغل كل المكونات لمدة بسيطة، وتفصل، وبعد 10 دقايق تشتغل طبيعي. ده نظام تشغيل طبيعي.
أحيانًا الكباس يشتغل وبعدها بخمس دقايق تشتغل المروحة لما الكويل يجمد:

لو المروحة مش شغالة، ماتشكش في الكارت مباشرة.
افحص حساس الكويل الأول، لأنه بيكون لاصق على المواسير، ولو تالف مش هيدي أمر تشغيل للمروحة.

دردشة فنيين