غسالة تسحب مياه ولا تدور – وتشخيص خاطئ كاد يكلف العميل كتير

 

🔧 غسالة تسحب مياه ولا تدور – وتشخيص خاطئ كاد يكلف العميل كتير

عميل اشتكى إن الغسالة بتسحب مياه لكن ما بتلفش.
الفني اللي راح له قاله إن العطل في الشربون، وإنه لازم يتغير، لكن نبهه إن كده عُمر الموتور الافتراضي هايقل.
📌 فقرر العميل يغير الموتور بالكامل بدل تغيير الشربون فقط.

---

⚠️ العطل رجع تاني!

بعد أول غسلة بالموتور الجديد، العميل اشتكى تاني إن الغسالة بتطلع صوت عالي جدًا أثناء العصر.

فني تاني راح له وشخّص الآتي:

• محتاجة مساعدين

• وكارت تشغيل

لكن...

---

🔍 المعاينة الفعلية

رُحت بنفسي، وجربت الغسالة بحمل فعلي (غسيل).
لاحظت إن الغسالة:

• بتشتغل طبيعي في الغسيل والشطف

• لكن قبل الدخول على العصر، ما بترتبش الغسيل على الجوانب

• وده خلّى الحلة ترزع بقوة جدًا وقت العصر

---

🧠 المشكلة الحقيقية

الموتور الجديد كان راكب عليه تاكو (حساس السرعة)
لكن التاكو ده غير متوافق مع كارت التشغيل الخاص بالغسالة.

وده تسبب في:

• التاكو بيبعت قراءات غير دقيقة للكارت

• الكارت يفهم خطأ إن الغسالة متزنة

• ويدخلها على العصر مباشرة بدون توزيع الغسيل

---

✅ الحل الحقيقي

• تم فك التاكو الموجود على الموتور الجديد

• وتم تركيب تاكو آخر مطابق (مخلوع من موتور نفس موديل الغسالة الأصلي)

• بعد التركيب:

  • ✅ الغسالة رتبت الغسيل على الجوانب

  • ✅ دخلت عصر طبيعي بدون صوت أو اهتزاز

  • ❌ بدون تغيير كارت

  • ❌ بدون تغيير مساعدين

---

🛠️ الخلاصة

مش كل صوت عالي أو خبطة في العصر سببه مساعدين أو كارت.
أحيانًا بيكون السبب بسيط جدًا زي عدم توافق التاكو مع الكارت، خصوصًا بعد تغيير موتور.

تعديل المقال