شكوى عميل من ديب فريزر فريش – ظهور رمز الخطأ "Sr"

 

🔧 شكوى عميل من ديب فريزر فريش – ظهور رمز الخطأ "Sr"

المشكلة: عميل اشتكى من ظهور رمز الخطأ "Sr" في ديب فريزر من إنتاج شركة فريش (الجيل الجديد).

التسلسل الزمني للواقعة:

1. الزيارة الأولى للفني:

   • أخبر الفني العميل بأن المشكلة قد تكون بسبب تجمُّد زائد.

   • نصحه بعمل تسييح يدوي للجهاز لمدة يوم.

   • أكد له أنه إذا تكررت المشكلة، سيتم تغيير حساس الكويل.

2. بعد التسييح:

   • العميل قام بالتسييح وأبلغ عن استمرار ظهور نفس الكود.

   • عاد إليه نفس الفني وطلب حساس كويل جديد.

3. زيارة فني آخر:

   • قام بقياس الحساس ووجده سليم.

   • رجّح أن سبب المشكلة هو تعطل سخان الحوض.

   • طلب سخان حوض + كارت تشغيل + حساس كويل، بإجمالي تكلفة 2800 جنيه!

4. تواصل العميل معي:

   • اتصل بي العميل وقال: "شركة فريش طالبة 2800 جنيه، مع إن الجهاز فعلياً بيجمد كويس!"

   • سرد لي القصة بالكامل، فقررت أروح بنفسي أشوف الوضع.

---

🔍 المعاينة الفنية:

قمت بفحص كل مكون داخل الجهاز بدقة:

• الحساسات؟ سليمة.

• السخانات؟ سليمة.

• كارتة التشغيل؟ مفيش مشكلة.

لكن اكتشفت الآتي:

🔸 في ديب فريزر فريش، حامل الكويل يحتوي على:

• سخان كويل

• سخان حوض

• ثرمو فيوز

• فردتين للمروحة

وكلهم متوصلين داخل سوكت ذكر (8 أطراف).

🔸 هذا السوكت يُركّب في سوكت أنثى (8 أطراف أيضاً).

قد يعجبك ايضا

🛠 المشكلة كانت في فردة سخان الحوض داخل السوكت الأنثى:

• كانت غاطسة للداخل شوية ومش ملامسة للسخان كويس.

• النتيجة؟ الجهاز مش قادر يكتشف وجود السخان وقت الإذابة → فبيظهر رمز Sr!

---

✅ الحل:

• استخدمت بِنسة بوز وسحبت الترملة بتاعت الفردة دي لبرا شوية.

• تأكدت إنها راكبة صح ومتماسكة داخل السوكت.

• لفّيت حوالين السوكت شوية صلصال كهربائي لتثبيته.

• جمعت الضفيرة ورتبت الأسلاك.

النتيجة:
الجهاز اشتغل تمام، الكود اختفى، وكل المكونات شغالة 100%.

---

🧠 الخلاصة والدروس المستفادة:

• أجهزة القياس لوحدها مش كفاية.

• لازم تفك، تبص، تقيس، وتفتّش بعينك.

• أحياناً بيكون العطل بسيط جداً – مجرد تلامس مش مظبوط – وممكن فني يطلب كارتة وسخانات وانت مش محتاج تغير ولا حاجة!

تعديل المقال