random

ملاحظات مهمة بيقع فيها كتير من الفنيين

الصفحة الرئيسية

 حبة ملاحظات مهمة بيقع فيها كتير من الفنيين من التشخيصات الخطأ لتحديد العطل محددة في نقاط ::

** لو غيرت خرطوم طرد لازم تعمل وسادة في الغسالات التوب لودنح اسفل المكان اللي الخرطوم بيخبط فهو اثناء العصر علشان إطالة عمر الخرطوم وتنبه على العميل تقليل استخدام الكلور بقدر الإمكان لأنه بيحجر الخراطيم وبيعرضها للقطم والقطع .
** لو عملت أي إصلاح لاي غسالة لازم تتأكد من ثبات البودي على الأرض ولو الرجول مدمرة استخدم ابلاكاش أو مشبك خشب لضبط الاتزان وتعرف جهازك مظبوط ولا لا عن طريق ميزان مياه أو تجيب بلية زجاج أو اي جسم كروي تحطه على القرصة العلوية للغسالة وتعرف أن الدنيا مظبوطة لما تلاقي البلية ثابته في مكانها .
** متنساش بعد ما تغير شربون الموتور تدخل الغسالة عصر مرة أو مرتين علشان الشربون يطبع على مكانه ومهم جدا انك تقيس الامبير والغسالة بتلف بسرعة علشان لو الموتور بيسحب امبير عالي تعرف على طول أن اكيد هايحصل انذار على الكارت ويبقى كدة الموتور بالسلامة
** لو غيرت سير لاي غسالة توب لازم السير يكون مشدود في المتوسط يعني لامرخي ولا مشدود علشان ميرفعش امبير الموتور و المروحة تلف بسهولة ومرونة
** لو غسالة توب بتعمل رجة جامدة في العصر والمساعدين سليمة وكله تمام بس بتطلع الغسيل مبروم على بعضه يبقى معني كدة أن الغسالة أثناء العصر بتلف المروحة شوية وبعد كدة بتجر الحلة الداخلية معاها لان المفروض أن المروحة والحلة يلفوا مع بعض ككتلة واحدة وطبعا ده بيكون عيب جيربوكس ويلزم تغييره
** مسمار الطارة بالذات لو تقيل معاك اوي متشدش عليه لاحسن يتقطم وتغير اكس من غير داعي وخد الحلة عند اي لمبة لحام وسخن على المسمار لسهولة فكه علشان اللوكوتايد بيقفش المسمار جدا
** لو بتغير طلمبة أو اي شيء الغسالة توب بلاش حوار انك تقلب الغسالة وتشتغل لان ممكن المية تقع على الكارت وتلمس اطراف السوكتات ببعض وتبوظه ومش عيب والله لو نيمت الغسالة وقعدت على سجادة في الارض علشان ترتاح وتصلح من غير ما تبوظ حاجة تانية
** لو الدنيا اتشقلبت متسدش خرطوم الطرد بالجبس العميل في الصرف لان لو الصرف اتسد هايدخل كل وسخات الصرف جوة غسالة الملابس أو غسالة الأطباق وهاتعمل مشاكل عدم نظافة وعدم طرد وريحة كريهة
** بلاش تسيب بلف الشحن في الدائرة بعد ما تشحن واخفس واقطم ولحم افضل لان بيحصل تسريب شحنة ياما بسبب البلف ده وممكن يكون سبب ان فيه فنيين غيرك يلعبوا في الشحنه من وراك لو العميل استعان بحد غيرك بعد كده وممكن يفوت الكباس ويلبسها فيك
** لو هاتغير كباس r600 بكباس تاني ١٣٤ خليك حافظ حاجة أن لو كباس مثلا خمس ٦٠٠ تحط مكانه كباس ربع ١٣٤ يعني تغير بالسعة الأكبر درجة لان ضغط و مرونة وسيولة غاز ال ٦٠٠ اخف بكتير من ال ١٣٤ و وزنه اخف فا بيحتاج كباس اصغر من ال ١٣٤
** لو اديت شحنه وشغلت الكباس والعداد نزل تحت الصفر اعرف ان فيه سدد حصل
** بنسة الامبير تكون معاك زي موبايلك متفارقكش في اي جهاز وصدقني هاترفع من مستواك الفكري و هاتسهل عليك كتييير جدا وهات أنضف نوع لدقة القرءات
** اي غساله فول اوتوماتيك فرونت لوود لو عايز تميلها ميلها ناحيه درج المسحوق علشان لَ الحله فيها حبه ميه متنزلش علي الكارت او غيره..
** ياريت يكون كلامك مع العميل في القليل وفي الجهاز فقط وادخل بيته وانت اعمي واطرش ومتحاولش تشارك العميل في شغلك مهما حصل وصدقني انت بكدة بتحافظ على ذبونك
مش عايز اطول عليكم اكتر من كدة
مساكم زي العسل
طارق جمال



google-playkhamsatmostaqltradent