عشان تعمل فخ للزيت

لازم تعمله في حته الزيت رايحلها غصب عنه عشان يركن و يتجمع عندها ، ولما المكنة تشتغل وتجيب درجة وفصلت ، بعد الفصل مباشرتا ياتي دور الاويل تراب في الفترة الزمنية من بداية لحظة الفصل حتي اعادة التشغيل . في فترة الراحة دي الزيت العالق علي جدار المواسير بطولها الراسي (بيسيّل) علي الجدار الداخلي . طب وده معناه ايه ؟ معناه انك تركب الاويل تراب في الحته دي تحديدا ًاللي هي نهاية الخط الافقي و بداية الخط الراسي عند نقطة الصعود الي اعلي عشان النقطة دي هي نقطة تجميع الزيت بعد ما (سيّل)و مليء الاويل تراب في فترة الراحة بين الفصل والتشغيل ، طب لما الزيت اتجمع في (U) وعمل سدد طب هايرجع للكباس ازاي ؟ هايرجع في اول ثانية من اعادة التشغيل مرة اخري عشان في اللحظة دي بيحدث ضغط فرقي بين يمين ويسار ال( U)، والضغط الفرقي ده هو اللي بيحرك الزيت الي اعلي لان الكباس عمال يشد عمود الزيت لفوق والفريون اللي خارج من الفانة في انجاة ال( U)عمال يضغط من تحت ، وفي اقل من 1/10 من الثانية بيكون عمود الزيت قد تم قذفة الي اعلي بمسافة اكبر من 4 متر ويكون وصل لمحطة الاويل تراب التانية اللي مستنيه فوق، وهكذا الانتقال بين كل اويل تراب والتي تليها حتي وصول الزيت الي حلة الكباس في نهاية خط السحب حتي لو كانت المسافة اكبر من 12 متر راسي ، وما ننساش ان الاويل تراب بتتركب علي (خط السحب ) فقط لما يكون الكباس فوق والكويل تحت ، وان الاويل تراب بتتركب علي (خط الطرد ) في تطبيق الريموت كوندنسر فقط لما يكون الكباس تحت والكويل هو اللي فوق ، انظر الرسم المرفق

تعديل المقال