درجة الحرارة عشرين طعش جوه الصفر

  درجة الحرارة عشرين طعش جوه الصفر


بما ان درجة الحرارة عشرين طعش جوه الصفر.... خل نحاول ندفيكم ونرجع الموضوع الصورة
والي گلنة ليش الشركة مخلية (هاي برشر) عدد اثنين وواحد قيمتة اقل من الثاني..
وگلنة واحد يقرة ارر من نفصلة بينما الثاني ما يقرة ارر..
طبعا اتعددت الاجابات قسم بيها اجابات قريبة جدا من الصحة... وقسم بيها اجابات صحيحة بس عوزها شوية جمالة... واكو اجابات مو يم السالفة اصلا (يلرايح لبغداد مر بالجبايش)
المهم حتى ما اطول السالفة عليكم راح اختصر السالوفة كلش
خوية بعد عيني عينك التفتلي شوية....
صحيح الجوزتين اثنينهن هاي برشر بس شغلهن وحدة عكس الثاني!!!
قبل لا تگول شني هاي راح اجاوبك،،،،،
الجوزة ( الحمرة)
هي هاي برشر وظيفتها تسوي قطع( cut) بالدارة الكهربائية الواصلة للكارت فمن يصعد الضغط ويوصل للحد المحدد الها هنا راح تفصل وتقطع وراح الكارت يفهم بأن اكو مشكلة بأرتفاع الضغوط فراح ينطيك ارر...
اما الجوزة الثانية (الزرگة مدري سمائية)
فهي هم هاي برشر بس وظيفتها تختلف....
من يصعد الضغط يوصل لحد معين وقبل لا الجوزة الاولى تسوي كات...
هي راح تشتغل.. ومن تشتغل راح تنطي ايعازات لثلاثة اجزاء بالجهاز،
الايعاز الاول تنطي اشارة للكارت وهو يأمر فانات القطعة الخارجية ويگللهن يمعودات زيدن السرعة السبلت صعد ضغطة وراح ينجلط... هنا الفانات راح يفترن باقصى سرعة....
وتبقى الجوزة تراقب عن كثب...
اذا بقي الضغط معلگ راح تنطي خبر للكارت وتگلة الفانات ما فادت سرعتهن شوفلنة جارة..
واذا ما نزل الضغط شلون؟
هنا الكارت راح ينطي ايعاز للضاغط ويگلة خفف السرعة يمعود وبنفس الوقت ينطي امر للاكسبانشن ويگلة حبيبي ابو الغيرة بلكي تنطي مجال للغاز يمر اكثر.... هنا راح تصير حملة عمل جماعي بقيادة الكارت
الفانات يسرعن (يوذحن)
الاكسبانشن راح يوسع فتحتة مرور الغاز ويسويها (عررررريضة)
والضاغط راح يخفف دورانة ويگوم يفتر سلولي...
واذا هذا كلة ما فاد وما نزل الضغط..... شلون.....
هنا راح يعبر الضغط للجوزة الاولى.... يعني يعبر خط الدفاع الاول ويوصل للمتأخر....
وهنا الجوزة هي بعد اخر خط دفاع خو ما تخليها سيح وينتحر السبلت..... فراح هنا تسوي كات...
انتبهلي هنا....
هي مو مجرد تنطي ايعاز مثل ذيج الجوزة لا.... هنا هي الحل والربط بيدها راح تسوي كات وتنهي الموضوع برمتة....
حلوة هاي مال (رمتة).....
المهم هاي ملخص السالفة وبعد بيها تفاصيل هواي بس اختصرتها..... وسلامتكم...



تعليقات