لماذا يفضل استخدام نقطة ال NC عن ال NO في الليميت سويتش في ال PLC

بالنسبة للتشغيل فمش حيفرق معاك NC من NO لانه على اساس الهاردوير حتكتب السوفتوير فممكن تغيرها في البرنامج لكن من ناحية ال Safety فاستخدام نقطة الNC أفضل من ال NO

نشرح الحالتين

لو انت استخدمت نقطة ال NC في الليميت عشان توقف موتور مثلا فحتاخد نقطة NO في البرنامج كشرط لتشغيل الموتور والليميت موصل اشارة فيفضل الموتور شغال لحد ما يلقط الحساس فييقطع الاشارة فيفصل الموتور

لو حصل ان كابل الاشارة الخاص بالليميت اتقطع الplc حيفهم ان الليميت لقط فيفصل الموتور

أما لو انت مستخدم نقطة ال NO في الليميت فحتاخد نقطة NC كشرط لتشغيل الموتور يعني طول ما الاشارة مقطوعة فالموتور حيفضل شغال لحد ما الليميت يلقط فييبعت اشارة فيفصل الموتور

تخيل بقى لو السلك اتقطع حيفضل الموتور شغال والحمل الي عليه بيتحرك ويخبط في اي حاجة قدامه يكسر ويبهدل الدنيا الا لو الاوفرلود فصل

فكون ان الموتور يقف ويفضل واقف متعرفش تشغله اهون بكتير من انه يشتغل ويفضل شغال وانت مش عارف توقفه

لما تيجي تشغل حاجة بتتحرك على ليميت سويتش فمتاخدش الليميت بس هو الي يوقف

خد تايمر احتياطي يعد زمن لو الموتور ده فضل شغال من غير متيجي اشارة من الليميت سويتش يفصل الموتور لان كده في حاجة غلط وخلي زمن التايمر أكبر بقليل من أكبر وقت الموتور ياخده عشان يلقط الليميت سويتش.

تعديل المقال