تابع

المجموعه الكهربيه والتحكم في الثلاجه

 المجموعه الكهربيه والتحكم في الثلاجه

اي جهاز كهربائي بيبقي تصميمه علي حسب حمله وقوته فالسحب ونوع الفلتيه اللي مشغلاه ...
بصو بقي كل ما هو تحت اسم ضفريه جهاز يتحط تحت بند توصيله لمبه بمفتاح وفيشه ...
يعني من اصغر جهاز لاكبر جهاز هي توصيله فيشه بلمبه ومفتاح ......
سلك داخل من الفيشه واحد رايح للمبه والتاني رايح للمفتاح ويطلع من المفتاح يروح للطرف التاني من اللمبه ..عشان يتحكم في تشغيل اللمبه طيب جهاز فيه اكتر من توصيله لاكتر من قطعه تكرر التوصيله لكل قطعه وحدها وبعد كده تجمع الكل علي اساس توصيله واحده ....
تلاجه
غساله










معده كهربا
كل ما يعمل بالكهربا كده حتي الكرته تعتبر مجموعه مفاتيح متجمعه بس ...وده اللي حتتاكدو منه لما اشرح الدواير لجهاز جهاز باذن الله..
حاليا نرجع لجهازنا
...التلاجه الباب الواحد
اولا نتتبع مصدر الكهربا بدايه
بتركب الفيشه فالبريزه تخش كهربا ٢٢٠ فولت تمشي فسلكين محددين الاتجاه واحد ماشي لحد ميوصل للاوفرلود ...لحظه الاوفرلود عباره عن فيوز بس بشكل تاني واخد وظايف اكتر .اولا بيفصل فحاله سحب الكباس لامبير زايد عن المخصص ليه ...وكمان بيفصل لو سخن الماتور كدرجه حراره اكتر من الطبيعي ليه ....يعني حمايه مزدوجه ...بس ليها ميزه انه مبيبوظش زي الفيوز يتحرق ارمي وحط غيره لا ده بيفصل لفتره زمنيه ويشتغل تاني بعدها ده بقي عباره مفتاح تشغيل الكباس بامان حمايه وجب تواجدها لو اتشال من الدايره يحصل ايه الماتور ممكن يتحرق مع اي تغير فالكهربا تضره .ولو هو فيه عيب ميبوظلكش سلك الكهربا فالحطان ....
فده امان لكل حاجه ....
المهم السلك اللي جاي داخل من طرف وطالع منه ورايح لروزته الكباس فالكومن او التجميع .او الاساسي ..
وسبب اختيار الطرف ده انه يبقي مباشر من غير اي دواير تحكم غير الحمايه ..الطرف ده بيكون تجميعه بين طرفين نهايه الملفات جوه الماتور عشان يوصلهم طرف الكهربا السابت فالتشغيل اي طرف ارضي كهربا اي طرف ييقي سابت عشان لما يتم توصيل الطرف الاخر لبدايه الملفات الاخري يتولد مجال مغنطيسي يلف الموبينه اللي بتحرك البستم يشتغل الماتور ....يعم احمد عبدالله كفايه سرحان نرجع لموضوعنا .................
المهم احنا خلينا فالطرف الكومن بس الاول كده اول طرف فالفيشه واصل للتشغيل فاي وقت مستعد دائما ....
نسيبه خلاص وصلناه لمحطته نرجع لاول السكه نشوف السلك التاني رايح فين نروحله من اول السكه السلك التاني طالع من البريزه للفيشه وماشي فخط لوحده لحد ميوصل ويخش للثرموثتات ..لحظه واحده
الثرموثتات دي ايه بقي
الثرموستات عباره عن ابلتين كهربا يوصل طول مالطبله منفوخه الطبله اتشفطت يفصل التوصيل طيب دي بتنفخ وتتشفط ازاي عشان توصل الكهربا وتفصلها عن الكباس .
بص يمعلم الموضوع بسيط
الجزء ده بقي هو المسؤول عن احساس بدرجه البروده فالتلاجه بحيس انه متكون من علبه مجوفه علي شكل قرص متدرج عامل زي غطا الحله الالمونيوم بس علي صغير فحجم النص جنيه الحديد بس معمول مجوف وفيه طالع منه كبلري طويل اخره مخفوس وده بقي عشان التجميعه دي فيها نوع من انواع الغازات في منها اللي بينكمش فألتبريد وفي منها اللي بينكمش بالتجميد طب ده بيعمل ايه هنا بقي ياسطي احمد عبدالله ده يحس بدرجه البروده وضغطه الداخلي يقل تنكمش القرصه بزياده كل متزيد الدرجه من تبريد لتجميد لحد ميوصل للدرجه المطلوبه لتمام ضغطه فبينكمش القرص تماما ويبقي غير ضاغط علي الابلتين يقطع الكهربا عن الكباس الحراره زادت فالتلاجه الضغط فيه يعلي سنه سنه والطبق ده ينفخ ويضغط بالبطي علي الابلتين يشغل التلاجه وهكذا عشان كده عيوبه قليله والحمد لله هو مجرد مفتاح بيفتح ويقل علي حسب درجه الضغط المتعرض لها ...........وعلي حسب الاستخدام تبريد او تجميد او تلاجه بيتم وضع الغاز المخصوص ليها فالثرموثتات .عشان كده في انواع كتير من الثرموستات فالسوق فبتختار اللي تحتاجه لدرجه التبخير اللي حضرتك محتاجها فالجهاز علي حسب تاثرها بدرجات الحراره القصوي ليها لاكمال الضغط السالب بداخلها المناسب للغاز المستخدم ....
هوب .غطا الحله ده ينفخ هوب يوصل كهربا هوب الكهربا تمشي لحد متوصل للريليه ...ايه ريليه ريليه ايه يبرنس احنا مش كده نخش علي الكباس علي طول المفروض .... لا استني في حاجه مهمه لازم تعرفها عشان ادخل الطرف التاني للكباس لازم اعرف بنركبه ازاي والماتور ده بيشتغل ازاي صح .
اي ماتور تلت اطراف طرف كومن اللي هو نهايه الملفين بتوعه متجمعين مع بعض وبعد كده بدايه كل طرف من الملفين التانيين دول بيكونو خارجين كل واحد لوحده فكده حوصل طرف الكهربا اللي فاضل ده ازاي تعالو نستكشف شويه دلوقتي الملفين دول ايه ملف تشغيل دائم وملف تقويم
ملف التشغيل الدائم محتاج فرده الكهربا دي علي طول طيب التالت بقي اللي فاضل ده محتاج الكهربا مره واحده بسرعه عند تشغيل الكباس بس يقومه ويساعده يقوم ويشتغل صح ويطلع بعد كده ملوش لزمه تاني فبدل مكل مره تاجي تشتغل الكباس فيها تلمسه بالفرده الكهربا التانيه وتفلتها متعبه قوي هو انا جايب تلاجه اشتغل عندها بتفصل لوحدها وعشان تشتغل لازم مساعده فراحو عملو الريليه ده ياخد طرف الكهربا اللي فاضل ده ويوزعه دايم علي ملف التشغيل ويدخل الملف التاني ثواني ويطلعه علي طول ....طيب في مواتير بتركبلها كبسترات مكثفات يعني في بيركبلها مكثف واحد وفي بيركبلها مكثفين طب دول لزمتهم ايه بقي ...
دول بقي دعم وتقويه بطاريه بتتشحن واحده تخرج فولتيه اكبر علي دفعه واحده وواحد تاني بيخزن ويطلع الفلتيه مساعده كل مالكباس يضعف طب لزمتهم ايه وبيركبو فكل الكباسات ...
طبعا لا في كباسات مبيركبش عليها اي حاجه ودي بتاكل كهربا اكتر من مثيلتها فنفس الحجم .... وفي كباسات بيركبلها واحد من الاتنين تصميمها كده تقويه وتقليل استهلاك كهربا وفي اللي بيركب عليها الاتنين .... علي حسب تصميم المصنع للكباس فتشغيله ...
بيركبو ازاي هم نوعين تقويم وده يقوم الماتور بيخزن شحنه كهربا ويكبرها ويديها للماتور مره واحده وبس وده بيساعد فبدء حركه تشغيل الماتور بسلاسه وسرعه ...وده دايما لونه اسود وبيكون قيمه الميكروفرات بتاعته عاليه يعني ممكن ٣٠ حتي ٩٠ كمان فالكباسات الصغيره اقل من حصان ......
وده بيركب فالجنب التاني من الريليه المقابل لجنب دخول الكهربا ....عشان ياخد شحنته ويفضيها ميخدش غيرها تاني طول مالتلاجه شغاله ......
التاني مكثف تشغيل دائم وده بقي لونه ابيض قيمه منخفضه يعني خمسه ميكروفرات حتي ٢٥ ميكروفرات للكباسات حتي ١ حصان ... ودايما تلاقي قيم تخزينيه مختلفه عليه ......
ده بقي بيركب جنب مع فرده الكهربا وجنب للملف ااتاني بيفضل واصله كهربا علي طول وده فايدته بيدي الماتور دفعات خفيفه متكرره عشان ميقلش عزمه ودي فايدتها ان الكباس بيوفر فسحب الكهربا ولو الكهربا ضعفت يشتغل بكفائه ميتاسرش وبكده يبقي افضل بكتير من العادي اللي مفهوش المكثفات اوقات بيبقي واحد بس منهم واوقات الاتنين وتجمبعتهم علي الريليه ......تشغيل بتديله من كل طرف يمين وشمال .ولو تقويم شمال بس علي ملف الاستارت بس .....
كده الدايره كملت .......
وقف يولد بفتح التلاجه مضلمه .....يسيدنا ركبلها لمبه بمفتاح فالباب وودي الطرف بتاع المفتاح علي طرف كهربا من الفيشه وودي طرف من اللمبه للطرف التاني من الفيشه بعد كده تعمل طرف بين المفتاح واللمبه تفتح الباب تنور تقفل الباب تنور ....
ياجي عم الحج يقلك ايه لزمه المفتاح توفير بجنيهين كهربا لا شيله ...واللمبه تفضل منوره علي طول متتقفلش تسخن وتحرق مكانها وكمان تسبب ضعف التبريد ...........
مفيش جزء فالجهاز ملوش لزمه حتي لو مسمار كل جزء فيها ليه هدف ولزمه نحترم الجهاز عشان نفهمه صح مهما كان صغير ممكن يبقي مليان تفاصيل تخليك تعرف تفهم اجهزه اكبر ومعقده اكتر عنه عشان هو تصغير ليها فبكده تفهم صح ايهةممكن يقابلك من اعطال مهما كان الموديل حديث ولو بيمشي ويغني لوحده هو بيخدم نفس الهدف الاساسي ومزوقينه ومزودين كفائته بطرق كتير .......


تعليقات
ليست هناك تعليقات
إرسال تعليق



    وضع القراءة :
    حجم الخط
    +
    16
    -
    تباعد السطور
    +
    2
    -