random

عطل خبيث قابلني في غسالة وستنجهاوس K50

 عطل خبيث قابلني في غسالة وستنجهاوس K50


الغسالة كانت تسحب مياه و موتور التايمر يشتغل ولكن لا تفعل أي شيء لا يمين ولا شمال ولا تسخين .. تقدم التايمر علي الصرف .. تصرف المياه ثم تسحب مياه للشطف وتطرد مرة أخري بدون ما الموتور يلف وعند العصر لا تعصر ..
الفني كان جايبها للمركز ومحدد العطل إنه تايمر .. أنا قلت لمدير المركز .. لأ التايمر مش بايظ .. وقعد كل الفنيين في المركز يجربوا كل حاجة واجتمعوا علي إن التايمر بايظ وأنا أقول لأ .. مع العلم إن روزتة الموتور بيبقي فيها كهربا 220 أثناء الغسيل و بتبدل بين اليمين والشمال .. وطرفين الهيتر بيبقي عليهم كهربا 220 برضه وعند العصر كذلك فيه كهربا 220 علي أطراف الروزتة والموتور والهيتر بيشتغلوا بره الغسالة زي الفل ولما تقيس أسلاك الضفيرة علي البزر يصفر معاك ...
وكلهم قعدوا يلفوا حوالين نفسهم يومين .. والحمد لله عملتها في 5 دقايق ..
في الغسالات دي كان فيه طرف عمومي نازل من التايمر بيغذي الموتور والهيتر والطلمبة الطرف ده كان قاطع من جوه العزل البلاستيك وعامل كربون من جوه .. علشان كده لما تقيس بالأفوميتر علي الفولت تلاقي 220 .. إنما عند تحميل أي أمبير لا يتم التوصيل .. بفضل الله باصابع مدربة وصلت للجزء الداخلي المقطوع وقطعته ووصلت الأسلاك في بعض تاني وإشتغلت زي الساعة .. بدون تغيير أي شيء
google-playkhamsatmostaqltradent