ديب فريزر الفيستيل

الانتاج التركي اللي في الصوره وده كذا شركه عملاه فريش و زانوسي و وايت بوينت و يونفيرسال و غيره ..

الموضوع كبير وياريت تشيروه وتنشروه علي اوسع نطاق..

وهنا بيجيب ثلاث رموز اعطال

LF.. Lp.. SR

هاناخد كل رمز لواحده

Lf..

وده معناه. Low freeze

يعني التبريد ضعيف و مشكله العطل ده ان حساس الهوا حاسس انه موصلش لدرجه الحراره المطلوبه في وقت معين واسبابه كتير..

**. المروحه تالفه

** تكوين ثلج بسبب سدد في الدرين

** الباب اتفتح فترات كبيره

** ريشه المروحه داقره في الغلاف اللي شايلها

** حساس الهوا بيخرف

وديما الانذار ده مفيش منه اي قلق للعميل واكبر خطا هو ان العميل يشيل الفيشه و يحطها تاني علشان الانذار يروح وبالتالي هايتكون تلج علي تلج ويسد درين..

الحل هو الضغط علي زر مود لاسكات صوت صفاره الانذار وكلمه lf هاتفضل موجوده لغايه ما الديب يحقق تجميد وهي هاتختفي لوحدها. الا بقي لو فيه عطل من السابق زكره وهاتفضل العلامه موجوده علي طول....

Lp...

ودي معناهل low power

يعني الكهربا ضعيفه او اقل من ١٧٠ فولت و الحل ان العميل يصلح الكهربا عنده

اما يغير الفازه اللي داخله علي الشقه

او يجيب منظم او مثبت تيار او رافع جهد ٢ حصان والانذار مش هايظهر تاني

Sr..

ودي معناها service او كان الديب بيقول للعميل الاتصال بالتوكيل لإجراء الصيانه..

ودي بتحصل بسبب قطع او تلف مكون من مكونات الديب فريزر الاساسيه..

** شحن

** كباس

** قطع او تلف سينسور من السناسر

** خلع سينسور الهوا الخارجي اللي بيكون في سقف الديب

** تلف سخان الكويل

** تلف سخان الحوض

** تلف او قطع في الثرمو فيوز.

** ممكن يظهر sr بعد مع الجهاز يطلع انذار Lp وده طبيعي ومش هايحصل منه قلق

** ظهور sr بسبب ان العميل ملاه ماكولات بكميات كبيره مره واحده وده بيعمل اجهاد للكباس و يفصل اوفر لوود وحله الضغط علي المود وبرضوه هايختفي لما الجهاز يحقق تجميد..

التست مود...

الضغط علي زر مود + سيت

Mode + set لمده ١٠ ثواني لغايه ما الشاشه تبقي سوده

المرحله الاولي..

لو ضغطت علي زر السيت كذا ضغطه

هايجيب درجات حراره السناسر

١.. درجه حراره سينسور الهوا الداخلي

٢.. درجه حراره سينسور الكويل الملامس للكويل

٣.. درجه حراره سينسور الهوا الخارجي او درجه حراره الغرفه

المرحله الثانيه للكشف علي المكونات المختلفه

بعد الضغط علي زر المود والست 15 ثانيه و الشاشه تسود

يتم الضغط علي زر مود فقط ١٥ ثانيه لغايه ما الشاشه تديك f0

وهنا تقدر تشغل كل مكون لواحده

والرموز كالاتي :

F0.. وضع السكون

Co.. الكباس

Fn.. المروحه

Dr.. سخان الحوض

Df.. سخان الكويل

Ht.. سخان الكويل والحوض

On.. ريلاهات الكارت واللمبات الخارجيه لكارت اللوحه

وطبعا لازم تكون معلق بنسه الامبير علي فرده من فردتين كابل الديب فريزر لقياس امبير كل جزء ومنه ممكن تعرف اي جزئ تالف او فاصل او عايز تشغله لواحده..

** لو sr ظهرت بمجرد وضع الفيشه علي طول اتاكد ان الشغل هايكون ياسينسور مخلوع من مكانه او كارت تالف..

** كارت تشغيل الديب فريز ده تقريبا مش بيبوظ الا من الكهربا العاليه غير كده كارت ممتاز

تعديل المقال