سلسلة الاعطال الخبيثه 20

 سلسلة الاعطال الخبيثه...

عميل بيشتكي من ظهور علامه Sr في ديب فريزر فريش الانتاج الجديد..
راحله فني و قال للعميل تسسيح الفريزر يوم. ولو اتكررت المشكله هانغير حساس كويل..
العميل سيحه و بلغ تاني..
راحله نفس الفني وطلبله الحساس..
راحله فني اخر وقال الحساس سليم و المشكله ان سخان الحوض مش شغال قام طلبه و طلب كارت تشغيل و حساس كويل بتكلفه ٢٨٠٠ جنيه..
العميل اتصل بيا و بيقولي شركه فريش عايزه ٢٨٠٠ جنيه والديب بيجمد فعلا و حكايلي اللي حصل..
روحت للعميل وقست كل مكون لاقيته سليم..
المشكله عند العميل ان حامل الكويل بيكون فيه سخان كويل وسخان حوض وثرمو فيوز و فردتين المروحه وكل ده متجمع في سوكت دكر ٨ طرف..
السوكت ده بيدخل في سوكت نتايه ٨ طرف برضوه..
فرده سخان حوض من الفردتين بتوعه في السوكت النتايه كان داخل جوه شويه ومش ملمس سخان الحوض فالجهاز مش شايف سخان الحوض في الاذابه فكان بيدي Sr
شديت الترمله دي ببنسه ببوز بحيث ترشق في السوكت كويس و ال٨ اطراف تلمس بعض كويس ولفيت حوالين السوكت صلصال و لميت الضفيره وكله تمام..
الخلاصه..
اجهزه القياس من بره مش كفايه للكشف علي الاعطال..
لازم تفك وتبص و تقيس وتفتش الجهاز كويس
منقول من المهندس

طارق جمال
تعليقات



حجم الخط
+
16
-
تباعد السطور
+
2
-