دواير التبريد

 دواير التبريد

التلاجات التكييفات غرف التبريد كل ده عرفنا ان كلهم حاجه واحده الفرق بس فنظام التحكم والتشغيل والهدف من تشغيلها كقدره وسحب امبير وتحكم فعمل الضاغط

اي نوع جهاز قايم علي فكره التبريد له اجزاء اساسيه لا تتغير طول ما المستخدم نوع من انواع الفريون

انهارده بقي حنكمل المنشور

اعطال التلاجه والتكييفات كلها عدم العمل بكفائه عدم التبريد الجيد وده كدوره فريون

اولا المكثف

المكثف يعتبر قطعه مهمه جدا جدا

المكثف وظيفته يبرد الفريون عشان يتم التفاعل الناجح لجزيئاته بامتياز

اهم مشاكل المكثف العزل يعني ايه الكلكيع اللي بقولها دي

العزل يعني يتم تراكم اتربه وبخار زيوت علي المكثف تكون طبقه عازله تحافظ علي الحراره وتضعف تبريد الفريون

طيب ده يعمل ايه يعني اولا حتخلي الفريون مرن ولا ينفجر جزيئاته بالكتمل فالمبخر ده بقي يعمل ايه تديك اعطال من اول ضعف التبريد لحد انعدامه تماما الفريون مبردش ودخل المبخر وهو ساخن مفيش تفاغل حيتم

التلاجه التلامسيه زي التمنيه قدم الاديل والكريازي ال١٢ ده اسمه نظام تبريد تلامسي تلاقي الفليزر ابتدي ميشمعش كويس الطعام جواه يفك او يسيح او يسقع بالعفيه المرايه فالتلاجه البابين متشمعش كويس ضعف تبريد الثلاجه فسد الطعام ...

الدواير الاخري ازاحه جبريه يعني في مروحه بتقلب الهوا فالحيز المطلوب تبريده او تجميده يعني المبخر والمكثف بيكونو بمراوح زي نظام التلاجات والفليزرات النوفروست والتكييفات واغلب غرف التبريد وتكييف السيارات والايس ميكر وثلاجات المطاعم والكفيهات ده بقي المروحه باظت اللي علي المكثف الجهاز مش حيبرد ولا يجمد ولو المروحه سليمه وفي تكون اتربه كتير زي التكييفات الجهاز ميبردش والسنسورات متحسش وتدي خطاء والاجهزه القديمه تلقي التكييف شغال زي عدمه تبريد ضعيف جدا او معدوم

وتلاجات المطاعم تكون ابخره الزيوت المتصاعده من الطعام وتراكمها والتصاقها بالمكثف بيعزل المكثف وبيخلي الفريون سخن فمفيش تبريد جيد ليه ...

وبرضو لو تم تقصير المكثف يدي نفس العطل ولو تم تطويله حيشتغل حلو فبعض الموديلات بس بعد فتره حيفوت او يتحرق الكباس لانه بيضغط فمساحه اكبر من قدرته ده اولا وثانيا زياده الفريون او نقصانه كل ده بيبوظ الكباس

حتت مكثف يخليك تلف حوالين نفسك

ازاي اعرف عيب المكثف بسرعه

الفلتر اذا كان دافئ اكثر من درجه حراره الغرفه العاديه او ساخن يبقي المكثف محتاج يتغسل ويتنضف ولو ازاحه جبريه وفي عيب فالمروحه تتصلح وهو ده سبب رايسي فضعف التبريد وتشميع جزء من الكويل او عدم التشميع نهائي .........

طيب لو سد المكثف يحصل ايه فيه سدد يعني الماتور لو في سدد جزئي فالمكثف حتلاقي امبيره اعلي من الطبيعي ودرجه حراره الضاغط اعلي من الطبيعي والتبريد ضعيف ودايما حتلاقي حاجه غريبه هزه فالمكثف ده ممكن يفوت الكباس او يفضل الكباس يفصل اوفرلود لحد ميتحرق او يفوت

كل ده عيوب عدم نضافه المكثف فالتلاجات كلها والتكييفات اي كان نوعها او حجمها

ثاني جزء الفلتر ده بقي حاجه منفوخه فالنص انا بشبهه بحمام للفريون بينضف فيه ده وظيفته اختزان الرطوبه والشوايب من الفريون كل ميعدي فيه ده بقي عيوبه غريبه

بيؤدي لعيوب رخمه مثلا سدد فالدايره او لو سد من الشوايب يفوت الكباس او يتحرق

الكبلري

ده بقي روح اجهزه التبريد والتكييف كلها وعشان يتحكمو فدرت انفجار الجزيئات للفريون بيستخدموه هو وعشانه هو الضاغط والمكثف دول والفلتر مهمين لاتمام الدوره بنجاح

من النهايه الكبلري هو نجم الحفله دي الشخصيه الvib بتاعت التلاجه

ده بقي في منه نوعين

نوع ثابت اللي هو الكبلري باحجامه واقطاره المختلفه

وده ماسوره نحاسيه ذات ثمك خفيف ومرونه والطول والقطر بيتحدد علي حسب الفريون ونوع الاستخدام

مثلا فريون ١٣٤ وفريون ١٢ ضغوط متماثله الكبلري يشتغل للغازين بنفس القطر والطول لنفس الجهاز لان خواص النوعين متماثله لاكبر درجه ممكنه

يعني محتاج تجميد الطول بيكون من متر وستين لحد ٢ متر باقطار معينه لكل قدره ضاغط يعني مثلا خمس او سدس يبقي تجميد من ٠٢٥ حتي ٠٣١ وده للفليزرات انما بقي لو تلاجه لا الطول بيفرق بيبقي من ٢ونص متر ل٣ متر علي حسب الاعاقه

ايه الاعاقه ايه فايدتها ليه مهمه منا اطلع القديم واقيسه احسن واحط نفس الطول واخلص ليه اوقات تمام واوقات لا

الاعاقه اهميتها التالي الطول والحجم بتاع كل قطعه فدايره الفريون بتاثر علي باقي المكونات يعني المكثف والمبخر دول بقي لو بيختلفو من شركه لاخري ولو تم تعديل حاجه فالجهاز بيفرق فطول الكبلري عشان يدي افضل اداء ممكن

الاعاقه تعتبر موازنه الاطوال واااقطار الداخليه للدايره علي حسب الوضع اللي حتشتغل فيه فالجهاز عشان تبقي الدايره موزونه عن طريق الضغوط مينفعش تزيد ولا تقل وطول مقلنا ضغوط تختلف من فريون لاخر

يعني عايز تبريد ولمساحات واسعه مقدرش احط كبلري اقل من ٠٧٠ عشان استخدامه والغاز بيبقي اخف واسرع فضغطه واسرع فدورته فلازم يكون مناسب للغاز

النوع التاني من الكبلري هو صمام الانتشار الاكسبنشن فلف ده بقي هو هو الكبلري بس بتتحكم فيه وتظبطه وبيديك امكانيات افضل من الكبلري وخاصه فالاجهزه الكبيره تجميد بالاخص وده بيتغير علي حسب ضغوط الفريون ونوعه وده كان بدايه فكره التبريد والتكييف وده بيدي تحكم كامل فسريان وتضييق المسار علي الفريون الكبلري التحكم فيه بيكون مره وحده وشكرا حبيت تغير بتشيل وتحط غيره انما الاكسبنشن لا بيتظبط علي حسب الاحتياج ......

عيوبه اللي بتقابلنا سدد او قطم او ضعف تبريد وده للطول والقطر ودرجه الحراره والسدد فيه بيؤدي لتلف الضاغط او تفويته تلاقي الجهاز بيفصل اوفرلود كتير الامبير عالي سنه وسخن عن الطبيعي

المبخر

ده بقي الوسيط اللي بينقل الحراره من انفجار الفريون فيه للحيز والشركات بتفضل تصنيعه من الالمونيا لسرعتها فالتبادل الحراري عن المعادن الاخري في شركات بتعماه نحاس وفي حديد انما الاغلبيه المونيوم لجودته فالنقل الحراري بيبرد بسرعه ويسخن بسرعه

ده بقي كل حاجه قبل منه تبان عليه هو يتعب ويخستع ويبقي مفرهد كده وزي اللي بيموت بس المبخر مشكلته التعامل فاااجهزه معاه بالنسبه للمستخدم وهو الملحوظ اكتر حاجه اي عيب فديره الفريون تبان عليه هو سبحان الله باب الشقه جوه الجهاز مش براه ههههه ده بقي برضو ليه عيوب مثلا بسبب المعدن المتصنع منه لو حديد بيتخرم ويسرب بعد فتره زي اللي بنشوفه فالفليزرات الدفن متعب وبيتغير وبنخلص وفي برضو بيبقي فالتلاجات التلامسيه الاديل عشره قدم والكريازي ١٢ وخلافه لنفس النظام ان المبخر معرض اكثر للتلف يتخرم يتخفس وخلافه وده ملهوش مفر بعيد عنكم ده استخدام تلاقي الراجل اتدبس فعزومه مثلا بالصدفه يبلغ المدام تكون الحاجه محجره فالفليزر تروح بنصاحه اهلهم يمسكو السكينه وروح المحارب زو السيوف طلعت وهات يطعنات ثقيله خفيفه جانيه ولا كانهم مسكو جندي من جيش العدو فمعركه ناقص يعلقو رقبته علي الرمح ويحطوه علي اسوار القلعه ... وطبعا الفليزر يتخرم ويسحب ميه واحتمال الغلبان اللي بيتفتون علي الفريون وشغال عجن وحشر فيه يبوظ من التشغيل والفكيمه او ميه تروحله وخلافه ده غير انهم حررو الاسير اللي بيطحن علي طول ده الفريون يعني والتبريد يروح خالص ذهب مع الرياح

ده غير بقي السدد فيه وخلافه اوقات بيتصلح واوقات بيتغير خالص المكثف وبتخلصو منه وترتاحو ووقت منحضر روح محارب الساموراي يخرموه تاني وربنا يكتر منكم يارب يمشغلنا علي طول وفاتحين نفسنا علي الشغل دايما يارب يكتر سكاكينكم ادر يكريم يارب ..............

بعد كده بقي يظهر الغلبان مقاول الانفار اللي شغال وسانن سنانه وبالكرباج علي الفريون الغلبان السجان بتاعه ده ضحيه كل عيوب الدايره فبعض الاحيان لو متلحقش ده بقي الضاغط الكباس الماتور اي كان المسمي ده بقي زي مهو نقطه قوه التلاجه وفشخره الشركات بيه الا انه اكتر قطعه قابله للتلف بسبب عيوب الدايره ترفع امبيره او تفوته وكمان عيوب الكهربا قفلات زيادت فولتيه وغيره

وده بقي انواع وحاليا بقي تقسيمه يختلف عن قديما قبل التطور التكنولجي وكده

حاليا الضواغط نوعين عادي وانفرتر

العادي ماتور يوصل كهربا يشتغل بكامل طاقته علي مكثف او من غير وده تلت انواع مغلق زي بتاع تلاجات البيوت باظ يترمي ويتجاب غيره

ميزته بيتحمل ويعيش بس نقاط ضعفه كتير

عيبه لا يقبل الصيانه

اه مبيتصلحش لسبب واحد ده متقفل حتفتحه وتصلح وتاجي تلحم كده حضرتك بوظت اللي عملته ومبقاش ليه عمر اخرو ست شهور ويتحرق عشان سبب بسيط المكنه اللي بتبرد البدن وقت اللحام مش عند حد فمصر فملوش تصليح واللي بيصلحه وبشغله تاني نصيحه بلاش انت مش بتساعد انت بتضر اضراره كتير يبوظ بسرعه من اقل عيب وتهريب كهربا وخلافه ميعيشش كتير .....

النوع التاني النصف مفتوح وده بيبقي للقدرات الكبيره وده اجزاء كتير فيه فابله للصيانه واغلب استخدامه فغرف التبريد وكده

النوع التالت مفتوح بالكامل وده بقي كل حته فيه بتتصين بس حجمه كبير وبيستهاك كهربا كتير ولازم يتحط فدواير كبيره وشغله شلرات وغرف تبريد وهو المفضل عندهم وده افضل ضاغط للمعدات الكبيره

القسم التاني بقي ننوس عين امه اللي ملففنا حوالين نفسنا الماتور الانفرتر

ده بقي لسه تكنولوجيا جديده فالسوق فبتبقي غاليه وصعب ففحصه واغلب الفنيين مش فاهمين ايه البتاع ده

يعني ياربي مسدقنا فهمنا العادي وبنينا عليه اسس وقواعد والكل فهمه وبقي متوفر فكل حته ياجي واحد رخم ينزلنا الانفرتر يعقدنا كلنا عايز اموته او اسحله اللي اخترع التنفرتر ده

المهم الانفرتر عباره عن ماتور بيشتغل بتقسيم الفلت والوات والامبير علي اطراف الضاغط بالتساوي ده غير انه تقدر تتحكم فسرعته وجهده علي حسب المطلوب والتحكم فيه عن طريق سنسورات .... تكنولوديا يابايبي ..... ههههههه

مع الوقت حينتشر وحنفهمه اكتر لحد ميبقي هو السايد معانا علي طول وسهل ويطلعلنا مصمم جديد يقرفنا بانوع جديده لتشغيل والتحكم هم دول اللي بيخلونا نشد فشعرنا عايز اعرف دماغهم دي فيها ايه ايه الصنف اللي بيضربوه حتي عشان نفهمهم بس ..........ده باظ ارمي وهات جديد بكرتته افضل

والكباس الانفرتر بيفضل شغال طول مالجهاز واخد امر تشغيل مبيقفش بس بببقي شغال بسرعات مختلفه من اول التشغيل بكامل طاقته لحد التشغيل بواحد من ميه من قدرته ......... وده حاله السكون بتاعته ميزنه انه بيقلل فسحب الوت والامبير والفاتوره تاجي حنينه علينا شويه خصوصا بتوع الرنجخه تحت التكييف ههههه منورين يمعلمين .......

اتمني اكون افدتكم

تعديل المقال