شرح التلاجه بشكل اعمق

 التلاجه

عباره عن حيذ يمتص الحراره ويبدلها بالبروده .. يعني تبادل حراري
فكره عملها بسيطه جدا ...اذا كان الحيذ بارد فالموجود فيه يمتص درجه حرارته ويفقد حرارته العاليه عن طريق التبادل الحراري التاثر الحراري من حيث الحجم بمعني كل ما بداخل الثلاجه يعتبر كتله حراريه مراد حفظها بتخفيض درجه حرارتها عن طريق انها تمتص سخونيه الطعام طيب هنا حصل ايه الطعام فقد السخونه بقي في نقص عوضه بالبروده اللي منتشره حواليه من كل جانب طيب السخونه راحت فين وهي المفروض محبوسه فحيز مغلق السخونه طلعت لاعلي الثلاجه لامست المبخر المبخر امتصها وعوض مكانها البروده والفريون جوه المبخر امتص السخونه وعوض مكانها البروده فقد حرارته واكتسب حراره اعلي .....
يعني نظريه فزيائيه الخواص الفزيائيه للمواد تشمل الحراره والوزن والكتله
الهواء الساخن يطفو اخف وزن وتمدد اكثر والواء البارد ينكمش ويثقل وزنه فيسقط للاسفل ويستسلم للجازبيه
دي اساس فكره التلاجات والمكيفات لذالك نري السنسورات فالتكييف بالاعلي والتكييف نفسه يفضل تركيبه فاعلي نقطه ممكنه في الغرفه والثلاجه الاغلب المبخر فالاعلي لسرعه التبريد .......
ناجي بقي للمهم
اجزاء الثلاجه وفائدت كل منها بس فحكايه صغننه حلوه
الفريون انواع ويصنف الفريون تبعا لقدره تحمله لضغوط معينه ليتمدد وينكمش وينفجر ففي منه انواع منها القابل للاشتعال ومنها الغير قابل للاشتعال ومنها من هو ضغوطه خفيفه ك٢٢ و٤٠٤ و٦٠٠ وغيرهم ولكن تختلف ضغوطهم قليلا عن بعضهم ولكن سريع الحركه فسرعه مروره من الدائره ذهابا وايابا يعتبر اسرع من انواع اخري كفريون ١٣٤ و١٢ فتختلف الضواغط الخاصه بيه لقدرتها لتوصيله للضغط المناسب لاحداث انفجار فالمبخر لجزيئات الفريون ...
لذالك الاكسبنشن والضاغط يختلغو باختلاف الفريون لملائمه انفحاره بشكل افضل ....
يعتبر هو العامل المتحرك في الثلاجه بمعني هو الساكن الوحيد الدائم فالثلاجه وهو يعتبر اهم موظف فيها بس مشكله الموظف ده مينفعش احطه كده واسيبه مكنش حد غلب لا الفريون تاجي تضغطه يسخن ويتمدد ويذداد مرونه فبينضغط بالضاغط يسخن جدا عشان يبردو حطو مكثف عباره عن مواسير مفصله بشكل معين لتمرير الهواء بينها وفقد حرارته
المكثف نوعان جبري وغير جبري
المكثف العادي يعتبر ما ليس عليه ازاحه .. ههههههه ايه الكلام المجعلص ده يلا ... يعني ايه ازاحه يعني تغير بالاكراه زي محضراتكم كده بتشغلو مروحه فالاوضه حر عشان ترطب شويه ويروح الحر ... الازاحه الجبريه للمكثف تعني تمرير هواء بالاكراه علي المكثف لكي يجعل الفريون يفقد حرارته العاليه ......
المهم الفريون ده بيبقي سخن ومرن وبيخش فحواري وزناقير ضيقه قوي طول مهو مرن فيبردوه شويه يعمل تصلب خفيف علي جزيئاته ويدخلوه بعد كده فالفلتر
الفلتر هو عباره عن ماسوره مملوئه بحبيبات السيلكا لتمتص الشوائب والرطوبه من الفريون وتنقيته قبل دخوله للكبلري حتي لا يسد الكبلري او المبخر .........
المهم يدخلوه الفريون فيه ياخد شور وهو بيتزحلق بين حبيبات السلكا فكل الشوايب العالقه فيه تلتصق فالسلكا وينضف الفريون مهو لازم ينضف هو برضو ايه الشوايب دي بقي هي عباره عن جزيئات من المعادن اللتي التصقت بالفريون هو وساخن من احتكاك جزيئاته في بدن المكثف المعدني من الداخل وابخره الزيت المتبخر بفعل حراره الضاغط .وبعض الرطوبه المكتسبه بمقدار ضئيل من رجوع الفريون من المبخر للماتور .......
المهم الفريون يخش ينضف من الزنوب بتاعته فالفلتر عشان يخنقوه فخرم ابره لمسافه محدده تناسب الغرض المطلوب منه يعني يضغطه فالكبلري ...
الكبلري يستخدم فالاجهزه الصغيره تكييف او ثلاجه اما الاجهزه الكبيره فتستعمل صمام انتشار اكسبنشن فلف وهو نفس فكره عمل الكبلري ولكن يعطي نتيجه مع المحركات ذات تلقدره العاليه .....
الكبلري يعتبر ماسوره نحاسيه رفيعه جدا من حيث الثمك والالتفاف والقطر ومرنه غرضها تضييق الفريون لافتعال ضغط زائد عليه لمسافات محدده لكي يخرج منها محدثا الانفجار المطلوب لانتاج البروده فالثلاجه ..
الكبلري اهم قطعه فالثلاجه حيث هي قصرت عن المطلوب لها لا ينفجر جزيئات الفريون جيدا ولا تعطي البروده المطلوبه واذا طال عن الحد المسوح له لا يعطي انفجار المطلوب ولا يستطيع ان يجعل الفريون يحدث تغيرا فالحراره وتختلف الكبلري فالقطر والطول تبعا لنوع الفريون والغرض منه .....
يعني زي اللي بيمشي جوه حيطه١٠ متر فيها فتحه قد شباك ٣٠ سنتي بيمشي يحك بالعافيه بفعل ضغط الماتور عليه ..
تلاقي الماتور عامل زي مقاول انفار كل ميطب حبه يحشرهم فالمكثف كل ميطب حبه فريون يحشرهم فتلمكثف شغال المعلم الله ينور يحشر يحشر لحد مالفريون تلقاه بيتحرك وبينضغط لجوه الكبلري عشان في واحد مبيفهمش اصلا حيحشرو حيحشرو ولا كان الفريون شغال عبد عنده شاريه من سوق التلات هههههههه .المهم شركات التصنيع اكتشفت ان الكبلري كل مبرد افضل بيخلي الفريون يتكسر جزيئاته بعنف اكتر وهو بارد عن وهو سخن فيحدث الانفجار المطلوب بكفائه عاليه مما ينتج عنه انتاج البروده والتجميد .. فالشركات بقت تخلي الكبلري جوه خط الراجع عشان يديه تبريد لان الفريون وهو سخن تلقاه بسم الله ماشاء الله الود السالك فكل حته يتمدد ويشغيل الحيذ فكل حته يروحها ويتشكل ويتحرك بسهوله انما بقي لو برد بيبقي جزيئاته تقيله وغير مرنه فتتكثر وتتنفجر افضل ... عشان كده دايما الكل ينبه شركه ومصنع وورشه برجاء وضع الثلاجه فمكان جيد التهويه وتلاقي لو المكثف اتوسخ ولم تراب الجهاز ميسقعش كويس وبتبقي ملحوظه اكتر فالاجهزه اللي شغاله بازاحه جبريه بمروحه علي المكثف لو المروحه وقفت او المكثف اتوسخ واتغلق عليه تراب وابخره الجهاز ميديش عشر كفائته وفاجهزه تانيه ميبردش اصلا او تلاقي المبخر نصه شمع ونصه لا وهكذا ........
المهم الفريون يخش الكبلري يتبرد اكتر ضغط جامد محشور فيه وماشي مسافه الراجل تعبان وطالع عينه هوب يطلع يلاقي نفسه فاوضه كبيره اكتر من عشر مرات من الكبلري اللي اتحشر فيه ومع برودته يتكسر وينفجر الجزيئات بتاعته فالمبخر
المبخر عباره عن غرفه واسعه زات معدن رقيق نسبيا من الالمونيا او النحاس او الحديد في بعض الشركات والموديلات لقدره هذه المعادن علي التبادل الحراري بدرجه عاليهووكفائه ويكون ممتد لمسافه كبيره علي حسب استخدام الجهاز صواعد وهوابط لكي يتخبط جزيئات الفريون في كل جزء منها مكونه تشميع الجهاز للمسافه المطلوبه هناك بعض الشركات اللتي تكتفي بلف مواسير رقيقه لمسافه معينه بشكل معين كي تجعله حيز تحميد او تبريد وهناك شركات تجعله مبخر زو ازاحه جبريه يادي جبريه دي ولكل منها استخدامها فالمبخرات ذات الاشكال اللتي تكون مربعه او مستطيله او فرش تعتبر مبخرات عاديه وتستخدم في الثلاجات الديفروست العاديه بكل انواعها ولكن تم التعديل فيما بعد لتكون ذات ازاحه جبريه الهوا يعدي عليها بالعافيه ياخد بروده ويطلع يرقص ويتنطط فوسط الاكل ياخد حرارته ويديه البروده ليحافظ عليه اطول فتره ممكنه لاةيعطب والنظام ده مستخدم فالتكييفات وغرف التبريد وحديثا الثلاجات المنزليه بعد ثبوت كفائته فثلاجات العرض وخلافه .............
وتولد البروده واحد كان علي رقبته طوق ومحشور فعلبه شلت من رقبته الطوق وطلقته من العلبه لقصر كبير يتمطع ويتفطفط مهو فرحان بالبراح من بعد خرم الابره اللي كان محشور فيه الراجل شم نفسه واتفتون وبقي بينط فكل حته جوه المبخر من الفرحه ومن كتر فرحته فياخد الحرارهوبتاعت المبخر ويديه مكانها بروده بيبقشش من جيب ابوه الجزمه ... هوب الكباس يحس بيه يروح ساحبه تاني بس بالراحه وهو بيتجر من قفاه جوه المبخر الفريون بيكون مبسوط وبيوزع طول مهو ماشي فالبراح بروده هوب يخرج من المبخر يتشفط جوه الضاغط الضاغط يمسكه يديله العلقه التمام ويسخنه تاني ويشجعه ويحشره من تاني وتلقيه زي اللي بيقله مهي وكاله ابوك هي مسدقت خرجت فالبراح طب لاربيك تاني يلا يكلب تعالي يضغطه ويرميه فالمكثف تاني وهكذا ........
وحيفضل كده مقاول الفريون ده كل شويه شغال بالكرباج علي الفريون مش لازم نديله نفسه فعيناله مراقب وقت ميتم العمل المطلوب يقطع الطعام عن الكباس الكهربا يعني الكباس يتعب يبطل بقي خشر فالغلبان الفربون لحد مدرجه حراره الحيز تفقد برودتها علي درجه ملحوظه يروح ماكل الكباس الكباس يروح قايل بعلو صوته ياعبدو الكرباج وكربج الاوباش اللي نامو فوق بعض هنا جوايا دول يلا يجزم اشتغلو لفو التراك ....... مين بقي بجلاله قدره اللي بيتحكم فالماتور ويقدر يوقف كل الحوارات دي اخر واحد تتوقعه اقلهم حجما لكن اكثرهم عقلا الثرموثتات
الثرموثتات يعتبر العقل المدبر للجهاز يتحكم في تشغيل وفصل الضاغط علي حسب الوصول لدرجه حراره معينه وفقد درجه حراره معينه ده من غيره الضاغط ينفرد بالفريون ويفضل يحشر فيه لحد ميموت خالص عادي ولا تفرق معاه .....
ادي دوره الثلاجه بمكوناتها
استخدام الاجهزه دي بقي ايه فاكتر من استخدام استخدمات يوميه عاديه واستخدامات عسكريه وطبيه وخلافه ولكن احنا يهمنا الاستخدام المدني اليومي استعمال الشعب يعني
حفظ الماكولات وتجميد الماكولات ايضا والمياه والعصائر وغيره حفظ الادويه فالمنزل كالتتي تفسد فدرجات الحراره العاليه تبريد الغرفه الجالس فيها وهكذا ......
كل ما هو خاص من الاجهزه بالتبريد والتجميد تلاجه فليزر تكييف غرفه تبريد كل ده بيقع تحت الشرح ده بدون نقاش نفس الدايره فكل الاجهزه دي الاختلاف فحجم المكونات بس كبيره او صغيره وطريقه تشغيل الضاغط والتحكم فيه غير كده كله واحد نفس الاجزاء اللي يمشي علي التلاجه ال٤ قدم يمشي علي اكبر غرفه تجميد او اكبر تكييف حتي نفس المكونات نفس فكره العمل الاختلاف فالتيار المسحوب وقدره الضاغط والتحكم فالضاغط ليؤدي وظيفه معينه
ونظام العمل تلامسي ولا نوفروست التلامسي دايره بسيطه اخرها ثرموستات وحتت سخان صغير فبعض الموديلات لتفادي تراكم الثلج .... والنظام التاني النوفروست مزود مروحه لعمل الازاحه الجبريه علي المبخر لعدم تكوين الثلج علي المبهر فاجهزه التجميد بيحط سخان ومفتاح فصل وتشغيل ليه الثرموديسك وفيوز للامان وتايمر او كرته للتنسيق بين الازابه والتجميد انما الازاحه الجبريه للتبريد تختلف مفهاش سخان لان الفربون غرضه التبريد فقط وليس التجميد فبيزوب الثلج بمجرد مرور الهواء عليه ويندمج مع الهواء في الحيز وينزل درجه الحراره من ١٠ ل٢٠ درجه مئويه او ٣٠ درجه في بعض الاماكن ذات درجات الحرارهوالعاليه جدا ....
ها يجماعه عرفت اشرح التلاجه ولا لا علي قد فهمي سمحوني علي الرغي الكتير اتمني اكون افدتكم واللي عنده اضافه يتفضل
تعليقات



حجم الخط
+
16
-
تباعد السطور
+
2
-