%20-%20Copy.jpg){kind=small}
منظومه التبريد والتكييف
في بقي حجات تاني تبقي مهمه واعطالها رخمه
جهاز التبريد او التكييف عشان يؤدي وظيفته بكفائه لازم ليه
اولا الفرغه اللي بيكون فيها
التلاجه محتاجه بدن والتكييف برضو وغرف التبريد
البدن او الفرغه ده عباره عن هيكل مصنوع بشكل معين ليتناسب مع الوظيفه المطلوب تاديتها من الجهاز
التلاجات بتتعمل صاج ومقوي من الداخل بفوم او فل علي حسب الشركه المصنعه الفل فالقديم والجديد بقي الفوم الرغوه قطعه واحده وبس
ده ميزته انه بيتسبت اجزاء الدايره فاماكن مخصصه ليه جواها وبيتعمله باب عشان يحجز البروده بالداخل والباب عليه كوتش ممغنط عشان يتماسك فالبدن ويمنع تسريب البروده منه وكمان ميدخلش هوا سخن يزيد من تكثيف الثلج علي المبخر فيخليه يكوم تلج والثرموثتات متقيسش الدرجه الحقيقيه للمبخر وتلاقي الجهاز ميفصلش ويفضل شغال علي طول فتلاجه صغيره قديمه حديثه نظام تلامسي او نوفروست او حتي غرفه تبريد كل ده لازم التقفيل ومنع تداخل الهواء اللي بره الجهاز عن اللي جوه
فبيعملوها كده باب بكوتش ودي مهمه جدا جدا مفيش جزء فالهيكل ملوش لزمه
غرف التبريد لازم يتعملها باب محكم وهو الافضل لضمان فصل الكباس عند التحقق وحفظ درجه الحراره لفترات زمنيه كبيره والجهاز فاصل وده للكل مش للغرف بس وتوفير كهربا لما تفقد الحيز برودته الكباس بيشتغل ويستهلك كهربا اكتر ولما يكون عيب تقفيل الجهاز يبيفضل يشتغل علي طول من غير مايفصل وتلقاه فالغرف بيرمي ميه كتير فالصرف الوحده اكثر من الطبيعي ....
والتلاجات بقي العاديه التلامسي دي تلاقي الفليزر مكوم تلج وفي بعض الاحيان من كتر التراكم بيمنع قفل الباب كويس
التلاحات الباب الواحد باب الفليزر والدرج اللي بيخزن الميه وكوتش الباب لو حاجه منهم معيوبه التلاجه متفصلش كويس وتشتغل اكتر وتركم تلج يعني جلد الباب لازم يبقي طري ومطبع حلو والباب مظبوط فالاتزان وكمان باب الفليزر الداخلي يكون موجود وبيقفل والدرج بتاع التصافي راكب فيدت دول حجز البروده جيد عشان الثرموثتات يحس بيه لان الفليزر لو ربي تلج حيعزل وميسمعش الثرموثتات حيبقي القرايه درجه حراره صفر دايمه فبلب الثرموثتات طرطوفه الثرموثتات يعني حلولها بسيطه وعيبها باين تظبط الباب وتدلق ميه بتغلي علي الجلد يطري وينشط المغنطيس اللي فيه ويطبع حلو والباب والدرج بتوع الفليزر يتظبطو كتركيب ...
بالنسبه للبابين تلامسي تلاقي التلاجه من تحت فيها تلج متكوم علي المرايه كان التلاجه حامل ههههه تولد بالسلامه باذن الله بس بطنها تكبر وتكبر فالتلج وتلاقي التبريد ضعيف والاكل مبيسقعش كويس بعد مكان شويه ويتجمد .......نفس النظام شيك علي وزنه الباب بالبدن وتطبيع الجلد والجلد يكون طري ميه بتغلي .......
التلاجات النوفروست بقي زيها زي التكييف فتاثير الموضوع ده تلاقي التلاجه مربيه تلج كتير علي المبخر ومنزله ميه كتير فالصرف وبعد كام يوم تلاقي التبريد ابتدي يضعف تحت وفوق بالتدريج وتلاقي الفني شغال فحص وتغيير فالقطه ومفيش فايده الميه صرف كتير وتلج كتير علي المبخر ده معناه الباب مش مقفول كويس بس الجلد نشف او لوح فالباب وكده .....نفس التصليح هو هو ......
التكيفات بقي الهيكل بيكون مناسب ليها انها تبقي وحده لغرفه لتبريدها بحدود معينه لصحه وسلامه العملا
فدرجات الحراره مفيش جهاز ببنزل عن ١٨ درجه ولا يعلي عن ٣٠ درجه
والتسريبات بتخلي الجهاز يطلع ميه كتير فالصرف وميفصلش كويس يفصل ومتعديش وقت طويل ويشتغل فتره كبيره علي ميفصل ودايما الجهاز اللي الاوضه بتاعته مشمتقفله كويس حتلاقي تراب كتير متكوم علي الفلاتر والسربنتينه وريشه المروحه ودول يتغسلو ويتنضفو كويس وتتاكد من تقفيل الغرفه جيدا .............
ده البدن والهيكل .....
الشق التاني والمهم جدا نظام التشغيل والتحكم
التلاجات التلامسي اوفرلود وريليه وانواع كباسات بكبستر تقويم واوقات باتنين تقويم وتشغيل ودول لتشغيل الماتور وحميته من سحب الامبير اااوفرلود يفصل كهربا عاليه يفصل الاوفرلود وهكذا وثرموثتات للتحكم فتشغيل وفصل الكباس بناء علي درجه الحراره بس دايره بسيطه ....
وفي التلاجات تلتمسي بس دي فروست ودي بتزيد سخانات للمرايه عشان متكومش تلج وتوفر تبريد للماتور من الميه اللي بتنزل فالعلبه اللي فوقيه وتخلي التجميد والتبريد ممتاز لاحسن درجه ممكنه والثرموثتات يحس اكتر بالتجميد والتحكم فالسخانات بيتم عن طريق الثرموثتات برضو ....
اه افتكرت ولمبه صغنططه عشان عشاق الاكل جوه التلاجه يبقو شايفين ببلوشو فايه ويتاكدو ان التلاجه مفهاش غير قرن الفلفل الدبلان والخيارتين والطمطمايه ويقفلها ويعتقها لحال سبيلها .....
التلاجات النو فروست بقي نفس اللي فاتت بس باختلافات مروحه للازاحه الجبريه للمبخر عشان يقلب الهوا ويسقعه عشان يجمد فالفليزر والتلاجه تسقع والمروحه لو عطلت تلاقي تراكم تلج وعدم تبريد فالكبينه وضعف تبريد فالفليزر وكمان في سخان عشان يسيح التلج المتراكم علي المبخر بانتظام وكمان فيوز حمايه وثرموهيتر او ثرموديسك اي كان التسميه وده وظيفته تشغيل وفصل السخان فتكون الثلج والازابه التامه يفصله عشان السخان ميولعش التلاجه ويحرقها زي بعض الاخوه اللي بيستغلو القطع او بيستهونو بيها وبيلغوها ..... دول من العاشر وارميهم احسن ....هههه
وتايمر او كرته للتحكم فالتنسيق بين دايره التبريد الضاغط ومرحله الازابه عشان الاتنين مينفعوش يشتغلو مع بعض واو سخن جامد وتلج متجدد ياه تبقي غابات ضبابيه من الشبوره جوه التلاجه والتلج مش حيسيح كله والتلاجه مش حتشتغل كويس ..... والثرموثتات فيها هوائي .........
التكيبف بقي كباس اكبر من تلاجه البيت فلازم تتحطله حاجه تتحمل الامبير بتاع التشغيل بتاعه فتلاقي الكباس كبير وعليه اوفرلود واتنين كبستر وبياخد الامر من الكرته وسنسورات قياس للتحكم فيه .....
يفضل غرف التبريد والشلرات مشكلت الغرف الكباسات بقي كبيره وتقيله وبتسحب جامد فلازم يبقي ليها قطع مناسبه قياس ضغط عالي وواطي ولوحه تشغيل للكباس والتحكم فيها بثرموثتات او الحديث كرته وده بيتم عن طريق لوحه تلاته فاز ويكون فيها مفتاح فصل عمومي ومفاتيح فرعيه وفازسكونز وارسيليكش للامان للمعده الفولتيه تبقي مظبوطه لزياده ولا اقل وكندكتورات ودي بقي عشان تاخد امر التشغيل والفصل من الثرموثتات العاديه الصغيره او التيامر وتحولها للكباس او السخانات عشان هنا بيبقي قدره سحبهم كبيره .... وتوالت الايام ونزلت حجات حديثه للتحكم كرتات وخلافه واجهزه hvac درايفر والحجات الحلوه دي والبتاع ده بيتحكم فالماتور من السرعه والامبير والعزم وعدد اللفات علي حسب سنسوراته والقيم اللي مظبطها عليه ........
اعتقد كده غطيت معظم الجهاز واي حد عنده تصحيح لمعلومه او اضافه يتفضل يقولها ويشاركنا بيها ....
اتمني اكون افدتكم ........