الاعطال المقرفه للتلاجات والغسلات واسبابها وطرق التعامل معاها

 لاعطال المقرفه للتلاجات والغسلات واسبابها وطرق التعامل معاها

التلاجات نوعين

تلامسي فروست ودي فروست زي الكريازي ام فليزر ومرايه دي دي فروست وبتكون في سخان خلف المرايه بيسيح التلج من عليها باستمرار عشان يحقق افضل تبريد ممكن وده اسمه دي فروست .

التاني بقي الفروست ده زي التلاجه الايديل العشره قدم فليزر محجوز عليه توزيع التبريد بالباب والدرج بتاع التصافي عشان الثرموثتات يحس بالدرجه وميعزلش بالتلج علي بلب الثرموثتات ....وزي الفليزرات العاديه ام باب فوق سواء صغير للبيوت او كبير فالمحلات ......

ده بقي معظم اعطالها كالتالي

التلاجه متفصلش

وده بقي العيب المتكرر باستمرار للاسف مع اغلبيه التلاجات دي وبيصاحبه تكوين طبقات تلج كتير علي المبخر تاجي تفتح التلاجه الباب واحد تلاقي الفليزر مربي تلج علي جوانبه تزيد عن ١ سنتي وتوصل لانها تملا الحيز كله والباب ميرداش يقفل وحجات من دي والتلاجات البابيين تلاقي التبريد تحت زفت وفي تلج كتير فحجر الكبينه مكان المريايه عامل زي اللي طالعلو كرش بس بالتلج .....

حضرتكم العيب ده ليه اكتر من سبب

الاول ومبيقابلناش كتير بتكون الثرموثتات خرفت او البلب بتاعها مش واصل كويس ولا متثبت صح فيعمل كده

الثرموثتات طرفها طرف البلب اول ٣ سنتي فيه هي اللي بتتزنق جامد فبدن المبخر او المرايه عشان تشعر بالدرجه الحقيقيه ومينفعش يتكون تلج بين البلب والمبخر فلو هوت ولو ربع مللي تعزل علي طول والثرموثتات يفضل قايس الدرجه صفر علي طول وميفصلش ....

العيب التاني بقي بيبقي الباب فالتلاجه البابين نزل ووطي شويه وده بيكون لتحميل ادويه وزجاجات ميه اتقل من الوزن المطلوب للباب فالمفصله بتتني من تحت وتريح فبيهبط مستوي الباب لتحت بالبطئ بيبقي المغنطيس فجلد الباب مش جاي علي الحديد بيبقي علي البلستك فالمغنطيس ميمسكش كويس لا فوق ولا تحت من الجنب بس وتلاقي الزبون جاب فني او هو عملها بنفسه ويركب رزه او عصفوره شباك علي الباب عشان يخليه يقفل اجباري وهو فاكر ان ده صح لا طبعا دي لازم تظبط الباب ميزان صح وتتاكد ان المغنطيس نشط والجلد طري ومرن ودي سهله كام ورده تحت مفصله الباب تحت وتظبطها بالميزان معكش ميزان الباب بيبقي واقف مسطره من تحت لفوق بالنظر بتبان وتجيب حله كبيره اللي بتسلقو فيها اللحمه وتعملو شربه كتير متنسوناش فاللحمه ها .....ههههه..... بتجيب الحله دي وتعبيها ميه وتخليها تغلي علي النار مش ميه من السخان وتقول تنفع لا لازم ميه بتغلي تكون بتطلع فقاقيع من كتر الغليان علي النار وبكبايه بودن وتصب علي الجلد لحد ميطري تاني ويبقي مرن وتقفل الباب وتخلي حاجه تقيله سنداه ليله واحده ابعد بس اللوش فيها ليله واحده بس حتلقيها ظبطت معاك

او بيبقي السبب الجلد نشف والمغنطيس بقي محكوم بقوام الجلد الناشف بردو التلاجه حتطلع تلج ومتفصلش كويس

فده حله ايه ميه بتغلي مش ميه بتصطعبط .......

في بقي نفس العيب لحجات تانيه برضو بسبب الجلد في دغه فالجلد فجنب من الجناب او الجلد مقطوع وملزقينه بسيلكون ده هبل الجلد نشف واتكسر متتعبش نفسك غير علي طول الجلد في حتت مقطوعه غير علي طول متتفزلكش في دغ فالجلد عمره محيرجع زي مكان غير الجلد واخلص مش عايزه افتكاسات دي اساسيات البدن بتاع الجهاز جزء منه وليه عيوبه نخلي بالنا منه من فضلكم ......

التلاجات الباب الواحد بقي نفس العيب بنفس العلاج بس بزياده بسيطه فيه الباب بتاع الفليزر الداخلي والدرج بتاع التصافي بتاعت الفليزر دول لو حاجه منهم مشموجوده التلاجه حتاخر فصل وتربي تلج الباب والدرج مهمين جدا بينظمو توزيع البروده من الفليزر للتلاجه علي قد الفرغه يعني لما بتكون الباب الداخلي مش موجود الفليزر بيعوض فارق التبريد وبيحسب التلاجه كلها فليزر منت كبرت التعويض للتبريد فتلاقي التلاجه شغاله تربي فتلج كتير الباب الداخلي للفليزر والدرج تحت الفليزر مهمين فتصميم التلاجات دي جدا جدا جدا متستهونش بيهم ......

ده بقي العيب ده ايه سببه

سببه قانون فزيا صغير كل مالهواء زاد برودته تقل وتاثر بالجازبيه ونزل للاسفل وكل ما سخن خف وبقي بيطلع لفوق ولما بيبقي في تسريب من الباب او اي خرم فالتلاجه فروق الضغط الهوا جوه التلاجه بيبقي اكبر من بره فبيطلع بره والهوا السخن ليه مرونه اكتر فبيخش جوه كل ده حمل علي الدايره تفضل شغاله لحد متسقع الهوا اللي جواها كمان لولا متفصل فكل متسقع شويه يطلعو ويخش مكانهم هوا سخن كل ده حمل فبيخل بالدايره ... ده شرح بلدي شغل ورش واللي عنده طريقه علميه سهله يتفضل يشرحهلنا بس يراعي اننا مخي تخين مبفهمش كويس فبحتاج تبسيط اكتر عشان افهم اعتبرو مخي تخين زي مخ الاطفال وفهمهاني من المبداء ده .....

في بقي عيوب تانيه فالنوعيه التلامسي دي من التلاجات

ضعف التبريد وعدم الفصل مع عدم تكوين ثلج وده ليه اكتر من سبب

اولا والعطل الشايع المكثف مشواخد تهويه كويس فالفريون داخل الفليزر سخن حيعمل تبريد ازاي لازم المكثف بدايته سخن ونهايته بدرجه حراره الغرفه اقل واجب فده حله سهل امنلها تهويه كويسه بعدها عن الحيطه اكتر من ١٠ سنتي واغسل المكسف بخلقه مبلوله الصيف بيبقي صعب علي المكثف لازم نراعي دي وده بيتعرف بسرعه الفلتر بيبقي سخن اكتر من درجه حراره الغرفه بكتير فده عيب تهويه

في بعد كده التسريب وده كلنا بنشوفه خصوصا فالفليزرات بالزات بكتره وده بسيط جدا تكبس كل قطعه لوحدها وتسيبها ساعه علي العداد لو نزل العداد بيبقي التسريب فالجزئيه اللي حضرتك معلق عليها العداد والكبس مش اقل من ١٥٠ بار ل٢٥٠ بار ......واتبع الصوت لو العداد نزل وارفع الضغط سنه سنه لحد متلاقيه اخرك ٣٥٠ psi وتلحمه لو فالمكثف سهله تصنفر كويس وسلكه فضه وبوري وفلكس لازم فلكس والا الفضه مش حتمسك مع الحديد ...

ولو التسريب فالمبخر لو ظاهر الحم المونيا او اللحم بديفكون زي مهو متوفر عندك بس اهم شي النضافه اختيار ماده مناسبه للحام متجبش ديفكون للبلاستك وتقول منفعش معلش دي غلطتك عشان انت مخترتش النوع الصح للخامه ومتجيش تلحم كده وتقول هو بايظ معلش حضرتك منضغتش اصلا ولا صنفرت البهيه حتمسك وتلحم ازاي العقل حلو ............

والتسريب بيبقي معروف شبكه مش سخنه من فوق والراجع مفكيم ومفيش امبير زايد وفي صوت بخ فالفليزر خفيف ده لو لسه في باقي فربون فاضل ولو مفيش فريون فاضل حتلاقي المكثف بارد والماتور مفكيم ومبيفصلش اوفرلود ولا محمل امبير زايد .... ده اغلب الوقت بيبقي تسريب فالمبخر اما لو تسريب فالمكثف فتلاقي التلاجه خفت تبريد بسرعه وفكيمت كتير وفصل اوفرلود بس بيبقي باين بتفك المواسير تلاقي التلاجه بتشفط هوا جامد ده تسريب فالمكثف .....

والعيب اللي بعده السدد ده بقي رخم التلاجه بتشتغل وتحمل امبير اول متسد وتفكيم لاخر درجه فالعداد وتفتح متلقيش حاجه طالعه تفك الكبلري تلاقي الغاز طالع منه كتير ده كده سدد وده التلاجه تشتغل شويه وتربي تلج وهوب تسيح كل التلج تاني وتكتم والماتور يسخن ويفضل يفصل اوفرلود ده حله غسل بضغط انا بشتغل ببنزين وبعد كده بفريون ٢٢ بعد كده فريون الجهاز وشكرا وبكبس بالعكس بركب البلف فمسوره الراجع واحط فيها البنزبن بحقنه واضغط بخارج الكباس عن طريق العداد عشان البنزين غلط علي الكباس فبخلي العداد وسيط وبضغط فريون منه لحد الكبلري ميرجع كل اللي سادد فالكبلري والمكثف ..........

الماتور ضعيف ده بقي اعرفه ازاي من الضغط والامببر طب لو شحنه مصنع بحط ايدي علي المكثف من فوق لو اول خط مش سخن اوي والامبير ضعيف فالسحب يبقي الكباس مفوت بسيطه جدا ولو علي عداد تلاقي الضغط فالخدمه اكتر من ١٨ psi

اللي يخلي الكباس يفوت حجات كتير سدد جزئي ضعيف بيحمل علي الضاغط ولفترات طويله او تصليح غلط يعني مثلا حد لغي اليودر وراح معوض بدايره كواسير اكبر من حجم اليودر معلش عقلا ومنطقيا تور بيجر ساقيه وزنها طن ينفع اخليه يجر ساقيه اتنين طن محيزير ويتعب

الكباس قطعه مهمه لازم نراعي التهويه والفصل والضغوط وتكون الدايره سليمه ..............

في بقي مشاكل من نوع تاني بتقابل الفنيبن تلاجه حد راح صلحها وغير مكثف او ماتور او عوض او قصر فالكبلري والزبون بيشتكي مشعايزه تبرد كويس تعمل ايه

مثلا تلاجه مكتوب عليها r600 وتروح تلاقي كباس ١٣٤ او تلاقي كباسها اتحرق وحتغيرو ب١٣٤ لازم تعمل اعاقه وتغير الكبلري وتظبط طول المكثف بس علي حجم القدم للتلاجه ...

..................................................................................

اولا طول مالتلاجه اتعمل فدايرتها اي صيانه قبل كده معلش ارمي لوحه البيانات اللي عليها فالزباله مبقاش ليها لزمه لام اللوحه مكتوبه طبقا لمقسات ابمصنع مش التعديلات المعموله

اولا في فنيين بيشتكو اخدت منهم فالاعاقه طول اكتر من ٣ متر بكتير والنتيجه مش كويسه وفي اللي بيقول اخدت فالاعاقه متر واحد بس ومظبطتش معاه معلش حضرتكم كلكم غلط وفاهمين الاعاقه غلط .....

الاعاقه ليها معني تاني

اولا الاعاقه هي موازنه اطوال واقطار المكثف بالكبلري مع الضغط المتفق عليه لتناسب قدرت الكباس طبقا للفريون ...

ايه الكلام المجعلص ده دنا معرفتش نفسي هههه ..نبسطها اكتر

الاعاقه مش انك تعرف طول الكبلري وبس لا معلش الاعاقه بتحددلك طول وقطر المكثف والكبلري مع بعض علي اساس الفريون المستخدم وقدره الكباس

وكل قدره للكباس بيركبلها كبلري قطر وطول مختلف وكل نوع فريون بيفرق برضو فلازم تخلو بالكم من ده انا حشرح علي ١٣٤ بس نفس طريقه العمل بس بالارقام الخاصه بكل فريون وكل كباس وحجم الدايره .........

مثلا

تلاجه ١٤ قدم معدل اللي هي كبيره فالحجم شويه عن ال١٤ الطبيعي عدد ليتراتها اكبر بعمل ايه

برجع لكرت تعريف التلاجه باخد منه حاجه واحده بس مقاس التلاجه بالليتر واقسم الرقم ده علي ٢٨.٣ اللي هو قيمه القدم بالليترات يعني مثلا تلاجه لقيت مكتوب عليها ٤٣٠ لتر حقسم الرقم ده علي ٢٨.٣ واشوف حتديني كام قدم ١٥ قدم ايه التلاجه دي رخمه طيب يشتغل عليها ماتور كام

ده لو مشعارف حاجه فاي حاجه بحسب علي قاعدت الورش بتاعتنا

التلاجات ٤ و٦ بتاخد عشر وتمن التلاجات ٨ و١٠ تاخد سدس

١٢ و١٤ تاخد خمس و١٦ و١٨ تاخد ربع و٢٠ ٢٢ تلت

طيب المقاس الرخم اللي معانا ده اكيد فيه ان ايه هي ايه اللي يعرفني ده خمس ولا ربع حجم المبخر والمكثف لو حجمهم مقارب لل١٤ قدم بياخد خمس لو حجمهم اكبر بكتير من ١٤ بياخد ربع اظن ساهله نقول مثلا المكثف كبير والفليزر عادي زي بتاع ١٤ نعمل ايه انا دخلت لقيت مكثف كبير وفليزر عادي ١٤ والماتور اللي راكب لقيته خمس اعمل ايه مهو كده عمرو محيدي تبريد كويس فنعمل ايه نركب بلف علي اخر المكثف ونركب عداد الفرده اللي فالنص اللي بنركبها علي الاسطوانه نحطها علي نهايه المكثف ونحط العداد ضغوط عاليه علي بلف راكب فالكبلري والكبلري متساب مش راكب واشغل الكباس هوب اول ميثبت علي قرايه اتصرف بناء عليها اداك قرايه قريبه من ال٢٥٠ psi يبقي تعديلات خفيفه لو القرايه ازيد من ٢٥٠ يبقي الكبلري قصير او المكثف اقصر من اللازم لو لقيت طول الكبلري معاك اطول من المفترض بتاعه يبقي المكثف قصير وعايز يطول لو لقيت الكبلري اقل من المفروض ليه بكتير يبقي المكثف اطول من اللازم فتقصر المكثف حيظبط معاك طول الكبلري ...بالنسبه للاستخدام اللي تعوزه فحاله التلاجه والفليزر تجميد يبقي ٢٥٠ psi لطول الكبلري وبالنسبه لكباس خمس يبقي القطر للفريون كمان ٠٣١ اما لو ربع بيبقي القطر ٠٣٦ والطول الكبلري ميزيدش عن ٣ متر وميقلش عن ٢٥٠ سنتي .....اظن كده الاعاقه بانت ايه فايدتها بتظبط طول المكثف مع طول وقطر الكبلري المناسبين للكباس ونوع الفريون وحنزلكم صور الضغوط للاعاقه للغازات المختلفه الاخوه كانو منزلينها

يعني طول مالتلاجه تبريد مش مظبوط ومفهاش سدد ولا تسريب ولا ضعف فالماتور يبقي الاعاقه حتظبطلك الدنيا حتظبطلك طول المكثف علي الكبلري وتديك افضل اداء للكباس مع الفريون فااتلاجه ......

في بقي مفاهيم انا راجل متعلم فورشه علي لمبه ثريا فالافو مبعترفش بيه كتير عشان غلطاته كتير خصوصا ان انا مش ماهر فيه اوي وبحمد ربنا علي كده

الماتور بنقيسه بطريقه سهله بالافو بنقيس الاطراف بتاعته نفس طريقه قياس مروحه السقف طرف بيدي قرايه كبيره تساوي القريتين التانيين مم الاطراف التانيه وده بتحط السلك بتاع الافو علي الطرفين اللي تحت وتحفظ الرقم فدماغك وتقيس ايمين مع اللي فوق وتحفظ الرقم وتقيس الشمال مع اللي فوق وتحفظ الرقم وتراجع حساب بسيط الرقمين الصغيرين ادوك الرقم الكبير يبقي تمام ده كويس كقيم كهربا ولو اداك نسب مختلفه متعفرش الماتور الله يرحمه بايظ ولو الماتور حاطط طرف الافو علي الاطراف بتاعته والطرف التاني علي ماسوره نحاس راكبه فيه وصفر بزر يبقي الماتور بيكهرب مينفعش يشتغل بيتغير محدش فينا يتحمل زنب موت عيل او حد فالبيت عشان يخلي ماتور بيكهرب شغال حرام فبنقول بايظ حتي لو الزبون معفن ونتن وليك عليه تار بفصل الاوفرلود والريليه بكسرهم واقول الزبون الماتور بايظ وده للامان الزبون لو قلتله بيكهرب حيفتكر لسعه عادي انما عمرو محيسدق انها ممكن تموته او تموت حد فبيته اخرها بالنسباله لسعه وخلاص فبلاش والنبي ده زنب كبير قدام ربنا يركن التلاجه لحد متفرج عليه ويغيرلها الماتور افضل ما حد تحصله حاجه لانك متضمنش الماتور ده امتي حيخرج فولتيه عاليه مفاجئه ولو بمكثف يبقي العن ....اللهم بلغت اللهم فاشهد .....

لما تكون شاكك فسلك قيسه بالسريا افضل من الافو لو فيه عيب حتلاقي اضائه السريا خفيفه او معدومه وافضل من البظر بتاع الافو

الثرموثتات بقي طريقه قياسها سهل بتحط طرفين الثرموثتات علي اطراف ااافو وتحط البلب فكبايه ميه بتلج كتير علي اقل درجه حتلاقي طلع قرايه انما بره مبينطقش الافو ....... وتلاقي ليه تكه فالقفل والفتح بتتسمع ......اه الثرموثتات البايظ مبيوصلش كهربا للماتور نهائي

النوفروست المره الجايه والتكييفات وباقي الاجهزه تباعا الغسلات كل نوع لوحده بالترتيب هو هو

تعديل المقال