سلسلة الاعطال الخبيثه 19

 سلسله الاعطال الخبيثه...

انهارده هاتكلم معاكم عن حاجه مهمه في كارت تشغيل الثلاجه وهي ازاي تعرف انه بايظ وتالف وامتي يتصلح وامتي يتغير....

هاتكلم في نقاط محدده..

** كارت تشغيل الثلاجه بينظم تشغيل الموتور و المروحه ودخول السخانات و تغذيه لمض الكابينه و تغذيه مراوح تبريد قليله في الفولت زي ١٢ فولت او ٩ فولت تيار ثابت DC..

** من اعطال الكارت فصل الثلاجه تماما عن التشغيل ولما تفحص الكارت تلاقيه مفيهوش اي ضرب لكن واصله ٢٢٠ فولت وهنا بيك ن ضارب اي سي باور وممكن يتصلح او تغيره..

** فيه ثلاجات نظام اضائتها ليد وهنا بتاخد ١٢ فولت من الكارت ولو الثلاجه شغاله واللمض لا بتشوف فردتين الكهربا اللي مغذيين اللمض وتقيسهم بالافو علي DC ولو لاقيت الافو مديك ١٢ فولت غير الليد ولو مفيش غير الكارت..

** فيه كروت بيكون مروحه الكابينه و الكباس علي ريليه واحد بالكارت وهنا او لاقيت الثلاجه منوره ومفيش تغذيه للكباس او المروحه اما تغير الرايليه ده او الكارت كله

** الثلاجه بتكون ثلج و بتفصل ثرمستات و بتفصل اثناء الاذابه لكن مفيش تسسيح ثلج والسخانات والثرمو فيوز  سلام وهنا ريليه السخان بيكون ضارب في الكارت او سليم و الكارت مش بيفصل كل ست ساعات لعمل الاذابه وهنا لازم الكارت يتغير وللاسف مفيش فني الكترونيات يقدر يكشف علي الكارت بعد محاولات اصلاح ويلزم تغييره..

** كارت بيدي انذار وكل شيء سليم و الحساسات سليمه يبقي الكارت بيقرا الحساسات غلط وبرضوه يلزم تغييره

** فني ركب مروحه بدل مروحه كانت محروقه والمروحه عملت قافله عند العميل وبعد ما غيرت المروحه لاقيت المروحه مش شغاله وهنا ممكن تغير الكارت او تصلحه او تغذي فرد المروحه من مجموعة الموتور.

** دوايه اللمبه ممكن تعمل قافله في الكارت وممكن تضرب مجموعه الباور

** فيه عميل يسيب كل مميزات الثلاجه ويشتكي من ان الثلاجه مش بتعمل صوت انذار لما تفتح الباب مده اكت. من ٣ دقايق مثلا وهنا الكارت يتغير او جرس الكارت تالف.

** كارت تشغيل يعني فيه حساسات يعني ممكن يكون فيه مروحه دي سي يعني مش بتعوض مكان ساعه التابمر وخلاص.

** بعض الثلاجات بيكون فيها كارت لوحه وكارت تشغيل وهنا كارت اللوحه بينقل داتا فقط وصعب اوي كارت اللوحه ده يتعرض للتلف.

** اغلب الثلاجات الجديده بتشغل كل المكونات وتفصل وبعد عشر دقايق بتشتغل طبيعي جدا

** فيه ثلاجات بتشغل الكباس وبعد التشغيل بخمس دقايق لما الكويل يشمع تلاقي سينسور الكويل اتلسع بالبروده و يدي امر للكارت بتشغيل المروحه يعني لو المروحه مشتغلتش متفكرش في الكارت علي طول اول حاجه فكر فيها سينسور الكول تالف او سليم وهو ملاصق لسطح مواسير الكويل وقافش عليه بافيز بلاستيك  ولا لا.

الموضوع متفرع وكبير لكن اتمني اكون بسطت الامور

منقول من المهندس

طارق جمال

تعديل المقال