سلسلة الاعطال الخبيثه 18

 

سلسلة الاعطال الخبيثه...
عميل عنده ديب فريزر زانوسي الانتاج الجديد وبيدي Sr وانذار باستمرار و التجميد ممتاز..
راحله فني وطلبله كارت تشغيل و سينسور كويل + سينسور هوا بالتكلفه.. حوالي ٢٤٠٠ جنيه
روحت انا بقطع الغيار وتم الكشف علي المكونات وهنا فيه وقفه....
SR يعني service
كأن الديب فريزر بيقولك اتصل بالخدمه او التوكيل
ظهور الانذار ده معناه وجود قطع او شورت او فصل في اي مكون اساسي في الجهاز زي سينسور او كباس او سخان او ثرموفيوز او شحن..
نرجع للمشكله..
تم الكشف علي كل المكونات ولا يوجد اي مكون مفصول او تالف والكارت سليم والسناسر سليمه..
كل المشكله ان فيه حاجه في الديب فريزر اسمها سينسور الهواء الخارجي وبيكون راكب علي سقف الديب فريزر والعميل كان حاطط حجات فوق الديب ومن غير ما ياخد بالك خبط السينسور ده وخلعه من مكانه هو والغطا بتاعه ووقعه ورا الديب...
السينسور ده بيبعت تقراير مستمره لكارت التشغيل علشان تقول للكا ت درجه الهوا الخارجي كام وبناء عليه ممكن الجهاز يشتغل مده اطول او اقل او يعمل اذابه طويله او قصيره الوقت يعني بيخلي الكارت نظامه زكي مش حافظ تشغيله معينه وخلاص..
نرجع للعطل..
كل اللي عملته اني جبته كان واقع علي السربنتينه وركبته في مكانه والانذار اختفي بمجرد تركيبه بدون تغير اي قطعه غيار...
العطل هايف وحله اهيف بس ممكن اللي مش عارفه يروح في سكه تانيه خالص
منقول من المهندس

طارق جمال
تعليقات



حجم الخط
+
16
-
تباعد السطور
+
2
-