سلسلة الاعطال الخبيثه 17

 سلسلة الاعطال الخبيثه...

في ٢٠١٤
عميل بيشكي بعدم دوران الحله اثناء التشغيل.. غساله 7m زانوسي
فني راحله طلبله سير لانه كان مقطوع
راحله فني وغيرله السير
والعميل اشتكي تاني
وغيروله سير تاني
وثالث و رابع
الغريبه ان الفنيين بتجرب بحمل غسيل وعصر وكله تمام وبرضوه ينقطع تاني بعد ٢٠ يوم كحد اقصي..
العميل اتغيرله اربع مرات سير في اربع شهور لغايه ما شاط وطلب فني تاني.
روحتله بسير و كشفت علي الطاره تمام وكشفت علي رفه بالحله تمام و كله تمام قمت خلعت الهيتر وراقبت الحله اثناء الدوران لاقيت شراب عيل صغير واخد ركن في الحله في جيب من جيوب الحله قمت شلته و قفلت وجربت والعميل مشتكاش لوقتنا هذا
الشراب ده كان بيقفش الحله و الموتور بيلف والحله تقف تقوم طنبوره الموتور بقطع السير..
الخلاصه..
المهنه مش فك و ركب ومفيش عطل ملوش سبب فلازم تحل سبب المشكله ثم المشكله نفسها
منقول من المهندس

طارق جمال
تعليقات



حجم الخط
+
16
-
تباعد السطور
+
2
-