سلسلة الاعطال الخبيثه 10

 سلسلة الاعطال الخبيثه....

ايام ما كنت شغال في يونفيرسال
عميل بيشتكي انه غسالته التوب بتعمل صوت عالي..
راحله فني وطلب سحب للورشه جيربوكس و مساعدين و سير و اطار اتزان للحله الداخليه...
طبعا العميل طلب اعاده معاينه لفني اخر لان تكلفه الاصلاح اكبر من تمن الغساله..
روحتله و جربت الغساله بحمل واكشفت ان الغساله بعد ما تخلص مرحله الغسيل وتدخل مرحله الشطف والغساله تبدا تشتغل لاقيت ان مستوي الميه في الحله بيقل بمعدل خفيف جدا لدرجه ان الغساله لما تخلص الشطف متعملش انذار ان الميه بتفضي في غير ميعادها......
فالغساله مش بتقدر ترتب الغسيل علي الجناب وتدخل عصر و الغسيل مبروم علي بعضه وتقوم مرزعه..
كل المشكله ان العميل حاطط خرطوم الطرد في صرف مسدود وقافل عليه بجبس..
تم اخراج خرطوم الطرد من الصرف و رفع مستوي الخرطوم عن الارض متر وتجربه الغساله
فمستوي الميه مقلش اثناء الشطف و الغساله قدرت ترتب الغسيل علي الجوانب ودخلت عصر زي الحرير بدون تغيير اي قطعه غيار او سحب للورشه ..

منقول من المهندس

طارق جمال
تعليقات



حجم الخط
+
16
-
تباعد السطور
+
2
-