طول وقطر الكابللري المناسب للتطبيق

  طول وقطر الكابللري المناسب للتطبيق



دي تجهيزة انا عاملها علشان أحدد بيها طول وقطر الكابللري المناسب للتطبيق إللي هاشتغل عليه سواء كان قميص لديب فريزر أو فريزر ومراية لتلاجة او كويل جديد لتلاجة عرض أو كويل لمبردة زجاجات أو مبردات ألبان أو ... أو...

الماسورة جوة الدايرة الحمراء بتتلحم في نهاية المكثف مكان الفلتر .. والماسورة جوة الدايرة الخضراء بيتلحم فيها الكابللري بطول أطول من المتوقع بشوية ... و وصلة الشحن جوة الدايرة الصفراء بيتربط فيها خرطوم علي عداد الضغط العالي ... وبنشغل كباس التطبيق بتاعنا (( إللي هانشتغل عليه )) وبيبقي طرف الكابللري التاني حر مش ملحوم في أي حاجه ووصلة الشحن والراجع في الكباس مفتوحين (( يعني ضغط الراجع صفر )) وبنشغل الكباس ونستني من( 3:5 )دقايق حتي يستقر المؤشر في العداد ولو القراءة عالية بنقصر من الكابللري 10سم وننتظر مرة أخري 5 دقائق ونشوف القراءة هاتستقر عند كام .. ولو لسه عالية نقصر تاني .. وهكذا حتي نصل للضغط المطلوب ..
ولو الضغط منخفض عن المطلوب هانزود طول الكابللري بمسافة لا تقل عن 50 سم ثم نكرر عملية القياس والتقصير حتي نصل للضغط المطلوب .. وبالنسبة للضغوط المناسبة هي التكييف في حدود 110 psi
التلاجات من 200 : 220 psi
الفريزرات من 220 : 240 psi
و بعد لما نحدد الطول والقطر المناسب للتطبيق بتاعنا نسجله في الأجندة بتاعتنا علشان علشان يبقي عندنا أرشيف كامل لشغلنا والتطبيقات إللي عملناها علشان اما نيجي نعملها تاني نشتغل علي أساسه وما نبدأش من اول السطر ...
منقول من المهندس

عبدالناصر الخواندي




تعليقات