شحن الثلاجة من قواعد نجاح الشحن

 شحن الثلاجة من قواعد نجاح الشحن 

١..تنظيف الدايره جيدا بالفريون او انبوبه الغاز بس التنظيف يكون سائل

٢ ..لحام المواسير وهنا نقف شويه ليه..بص هتلحم ماسوره الطرد وبعدين تشغل الكباس وعينك وصابعك علي ماسوره خارج الشبكه تشوف ضغط الهوا مظبوط ولا ضعيف لو ضعيف يبقي اللحام سد منك عند ماسوره الطرد..بعد كدا نلحم الفلتر ونشغل الكباس نشوف الفلتر بيخرج هوا ولا لا..وبعد كدا نلحم الكابلري وبعدها عينك وصابعك مع ماسوره الراجع تشغل الكباس وصبعك علي ماسوره الراجع لازم يكون ضغط الهواء الخارج من الراجع معقول..بعد كدا تلحم الراجع وبعدها تشغل الكباس وتبطله تاني وتشوف ماسوره الشحن بتاخد هوا وترجعه تاني ولا لا لو مكنش يبقي ماسوره الراجع سدت منك وبعد كدا تلحم وصله الشحن بس تبقي تشيل الابره منها لان جوان الابره ممكن يسيح من السخونيه

٣...هتعمل فكيوم تمام لازم العداد يجيب 30 تحت الصفر وتسيب العداد بعد الفكيوم نص ساعه وتشوف العداد هيتحرك ولا هيفضل زي ماهو لو اتحرك يبقي عندك تنفيس.....عملت فكيوم وكله تمام ادي جرعه فريون واعمل فكيوم تاني الجرعه دي هتسحب اي رطوبه لسه في الدايره
٤... هتشحن وهنا نقف شويه هندي فريون والكباس بطال لحد 50 او 60 علي العداد بعد كدا نزود شويه فريون ونمشي مع الكويل او الفريزر والمرايه حتي يتم التشميع بالكامل
٥....لو بتشحن بالوزن برده ماشي
٦...قيس امبير الكباس وانت بتشحن واطمن ان الامبير تمام..
٧...اتاكد من فصل الثلاجه وشغلها تاني طبيعي من الثرموستات مش من الافرلود
منقول من المهندس ياسر حسونه
تعليقات