معلومه علي الماشي

مواقف مختلفه صادفتني نتيجه معاينات خطأ و تحديد قطع غيار بالخطأ في اغلب الموديلات ودي لذياده الخبره للمحترفين اللي شغلهم يومي..

**** عميل اشتكي ان الغساله التوب لودنج بتسحب مياه لغايه ما تطفح وراح ليها فني وحدد كارت تشغيل + ميزان + خرطوم ميزان
تم حل المشكله بدون قطع غيار عن طريق تنظيف غرفه الهوا من وجود وبر في بوز تثبيت خرطوم الميزان او سدد في الصبه البلاستيك لبنز تثبيت الخرطوم او وجود مياه داخل الخرطوم وهنا بتفك خرطوم الميزان وبتثبته في الحله و الميزان بنقطه امير او كوله حمرا او وجود شرخ في غرفه الميزان من داخل الحله وده نادر...
**** مبرد مياه بقاله ٥ شهور عند العميل و العميل اشتكي ان مفيش تبريد وتم تحديد له مجموعه موتور
تم الذهاب للعميل بمجموعه موتور ووجد ان الكباس تالف وقافش وهنا فيه ثوابت اي ثلاجه جديده او مبرد بقاله كام شهر وخصوصا الكباسات R 600 a لو فصلت اوفر لود يبقي الكباس بالسلامه و المجموعه سليمه.
**** عميل اشتكي ان التبريد ضعيف في الكابينه وقال ان لسه متغير ليه مروحه في الفريزر وتم ذهاب فني وتحديد كارت تشغيل و بوابه هوا و سينسور هوا.
تم حل مشكله العميل بدون قطع غيار وعند الكشف وجد ان اتجاه المروحه مقلوب وتم عكس اتجاه المروحه بحيث يكون الهوا دفع للامام و اختبار درجات الحراره وكله تمام.
**** غساله فاصله باور توب لودنج و الفني حدد فيوز
تم الذهاب للعميل بالفيوز و اعاده الكشف وتشعير الفيوز للتجربه قبل تركيب الفيوز الجديد و هنا بقي فيه حالات كتير لتحديد العطل
* الفيوز سليم و الغساله فاصله باور يبقي كارت تشغيل فقط
* الفيوز ضارب و لما شعرنا الفيوز وبمجرد فتح الباور حصلت قافله وهنا الكارت ضارب برضوه فقط
* الفيوز ضارب ولما شعرنا الفيوز الغساله سحبت وطردت عادي وعند الدوران حصل القفله وهنا يحدد فيوز + موتور بالمكثف
* فيوز ضارب ولما شعرنا الفيوز لفت تمام وعند الطرد حصل القافله وهنا يحدد طلمبه + فيوز ولو غيرتهم ولاقيت الطلمبه شغاله علي طول بمجرد فتح الباور يتم الغاء فرده الطلمبه النازله من الكارت وتوصيل فرده الطلمبه مع فرده الموتور الشداد بدل تغيير الكارت معاهم.
**** عميل بيحصل عنده قافله كل ما يشغل السخان في الغساله والفني حدد له كارت تشغيل وهيتر و سنسور سخان
تم الذهاب وحل المشكله بدون ق غ والاطمئنان علي الضفيره تمام ووجد ان المشكله في مفتاح الاوتوماتيك في تابلوه العداد عند العميل + انخفاض الفولت لديه ١٨٠ وكثره الاجهزه اللي بتسحب كهربا عاليه عنده بالمطبخ وتم الاتفاق مع العميل باحضار كهرباءي لتغيير مفتاح اوتوماتيك + تغيير الفازه اللي داخله علي المنزل و الجهاز يعمل جيدا.
**** غساله مش بتطرد الفني طلب طلمبه بالغلاف والفلتر
تم الذهاب ووجد ان الصرف عند العميل مسدود و مثبت خرطوم الطرد بجبس في الصرف
وحاله تانيه وجد ان الكهربا ضعيفه و الطلمبه بتكركر
وحاله ثالثه وجد ان العميل كاسر الفلتر وباقي الفلتر مش موجود لتحضير المياه للطرد
وحاله رابعه وجود زرار قميص واقف بالعرض في خرطوم الطرد وتم نزعه والجهاز بيطرد عادي.
**** ثلاجه لاتبرد والفني حدد ليها كباس وشحن
تم الذهاب ووجد ان الموتور سليم و ماسوره الكبس بتلسع و سخنه و الراجع بين الدافي و البارد يعني الشحنه مظبوطه و عند الكشف وجد ان الكويل مربي ثلج و تم الكشف علي مكونات الاذابه كله شغاله وتم تغيير كارت تشغيل للثلاجه ام كارت او تغيير تايمر و ثرموديسك للثلاجه ام تايمر.
**** فني طلب سخان كويل لديب فريزر و تم الذهاب والكشف عليه وجد انه سليم و الثرموفيوز فاصل وسبب المشكله انه موجود قرب السخان وتم تغييره و بعده عن السخان و الجهاز بحاله جيده
وكفايه كده انهارده
اللي عايز اقوله ان الفني الصح مش اللي يغير بلي و يشق و يغير بودي وغيره انما الفني لازم يحدد المشكله صح الاول ويبتدي ينفذ لعدم ضياع الوقت و المجهود للعميل و للفني.
تحياتي لاخواتي
طارق جمال
تعليقات



حجم الخط
+
16
-
تباعد السطور
+
2
-