-->
U3F1ZWV6ZTExOTE4NDYzNTZfQWN0aXZhdGlvbjEzNTAxOTc4NTcw
random
أخبار ساخنة

دائره التبريد وتصميمها

  دائره التبريد وتصميمها

اولا انت بتختار كنترولر تشتغل بيه وليكن مثلا eliwel عشان تتحكم في الحاجات الجايه :
1-الكباس
2- السولنيد فالف
3- المرواح الموجوده في الغرفه عندك
4 - السخانات لو هي تجميد
5- تبريد ال condenser وده ممكن يبقي مراوح أو مياه علي حسب نوعه
* اهم حاجه لازم تأمن الكباس بتاعك كويس جداا وفيه حاجات اساسيه وفيه حاجات ممكن تستغني عنها ولكن تفضل تبقي موجوده
1- الاوفرلود وده تأمين ضد زياده التيار
2- قاطع ثلاثي عشان لقدر الله لو حصل اي شورت عندك
3-oil switch ده عشان لو زيت الكباس مش مضبوط يفصل الكباس
4- high and low pressure switch عشان تقدر تتحكم في ضغط الفريون الموجود وتتجنب حدث مشاكلهم وتستخدم جهاز واحد بيقوم بالوظفتين مع بعض لراحه دماغك ويبقي توصيل واحد
5- phase sequence ده طبعا حمايه عشان لو فازه سقطت أو ارتفاع وانخفاض الجهد
6 - thermal protection ده بيكون موجود ف الكباس جاهز وانت بس بتوصله في دائره الكنترول معاك
7- flow switch هنستخدمه لو تبريد مياه عشان تتأكد من وجود مياه فعلا
8- timer on delay ده ناس كتير ممكن متستخدموش بس انا بفضل استخدمه في الدائره معايا لمنع فصل وتشغيل الكباس في وقت قليل ويبقي فيه زمن بعد كل فصل للكباس
* كل جهاز حمايه من دول فيه trip فممكن اخدها علي لمبه علي اللوحه من بره لسهوله اكتشاف العطل جاي منين ليك وللعميل حتي لو انت مش موجود من خلال لمبات البيان هو هيعرف المشكله فين بالظبط .
* طبعا وانت بتصصم الدائره في اجهزه منهم بتتركب في اللوحه ده نفسها ودي مفيش فيها مشكله ... وفيه اجهزه منهم خارج اللوحه فيفضل تعمل روزتات في اللوحه ليهم بحيث كل جهاز يبقي ليه كابل خاص بيه ومكان خاص بيه ف اللوحه وبلاش تجمعهم كلهم مع بعض بره اللوحه لان مع الوقت هتعملك مشاكل ولسهوله الصيانه معاك بعد كده .. يفضل وانت شغال برده نبقي عامل ترقيم مظبوط وراسم الدائره معاك بحيث أي حد ياجي بعد من ميلاقيش فيه مشاكل في الصيانه لان مش شرط انت الي تعملها صيانه بعد كده
* جهاز الزيت لو جات ليه اشاره كهربه وبعد 120 ثانيه الكباس لسه مشتغلش بيفصل معاك وبالتالي هيفصل الدائره كلها ... فلو انت عامل وقت كبير للتايمر لازم تراعي النقطه دي وعشان تتجنبها نهائي اشاره الكهرباء توصله من نقطه مفتوحه من كونتاكتور الكباس وبالتالي طالما الكباس مش شغال فهو كمان مش شغال ومش هيخرج معاك من الدائره .
* وانت بتصمم الدائره تراعي عمليه ال pump down ..يعني الكباس بيفصل مش مع المفتاح الي حضرتك عامله مباشره او مع الدرجه مباشر لا .. سواء المفتاح أو الكنترولر الي حضرتك مستخدمه لازم الاول يفصل السولنيد وعن طريق جهاز ال low pressure حضرتك تظبطه بحيث لما الضغط ينزل هو الي يفصل كنترول الدائره عشان تتجنب الكباس أنه يقوم معاك علي حمل لما يرجع يشتغل تاني .
* لو التبريد عندك هواء فهيبقي كونتاكتور بيشغل مراوح وبيشتغل مع كونتاكتور الكباس وبلاش تعملهم الاتنين علي كونتاكتور واحد
طب لو مياه فطبعا كده هتحتاج طرمبه وممكن تشغلها مع تشغيل التايمر عادي وهتستخدم طبعا فلو سويتش عشان تتأكد أنها فعلا شغاله وتراعي أن السلونيد ميشتغلش الا من خلال الفلو سويتش عشان زي ما قولنا ال pump down .
احنا في البوست ده اتكلمنا عن كل جهاز لوحده .. أن شاء فيه بوست تاني هيبقي في الدائره كلها مرسومه وهنشرح فيها خطوات التشغيل والتتابع في التشغيل .



الاسمبريد إلكترونيرسالة