فكرة عمل تبريد لماتور التكييف 

موضوع مهم وهو موضوع القسطرة الي سبق وان تكلمنا عنه في الموسم الماضي ، كثير من الاخوة سالني علي وحب يجربه فهذا الكلام مفصل عن الطريقة تكدر من خلاله تجرب وتشوف النتائج .

بالنسبة الى تعريف مسطلح القسطرة الي اتخذناه بمجال التبريد هو عبارة عن كبلري طولة 200 سم او اكثر او اقل حسب جهاز التبريد . وقطره ثابت (0.31) يتم ايصال بداية الكبلري الاولى في نهاية خط الطرد الخارج من الكنديسر الخارجي اي مجموعة الكبلريات ويتم ايصال نهاية هذا الكبلري في خط السكشن (الراجع) لكي يتم تبريد الضاغط بصورة كافية حيث يكون الفريون في هذه المنطقة على شكل رذاذ لكي تتكون عملية التبريد، يتم وضع او عمل هذه القسطرة في حال ارتفاع امبير الضاغط تدريجيا الى ان يصل الى ١٥ او ١٦ امبير او اكثر ويفصل اوڤر لود، ياتي هذا الارتفاع نتيجة تلف الملفات لعدة اسباب منها عدم استقرار التيار الكهربائي او الكابستر او الحرارة القوية بسبب عدم العناية بنضافة القطعة الخارجية من مايؤدي الى صعوبة الفان الخارجي في تبريد المكثفة وكل هذه الاسباب تقوم برفع درجة حرارة الضاغط الى حد الفصل اوڤر لود هذا الاسباب واحدا منها قد يكون كفيلاً بارتفاع التيار وتلف الملفات بعض الاخوة الفنيين يقوم بتبديل الضاغط انا بالنسبة الي ما ابدله لان الوضع تعبان وبعض العوائل حالتهم متسمح انه تبدللهم الضاغط ف الافضل انه تعمله هذه الطريقة عملها بسيط وبكلفة اقل ونجاحها مضمون لان ناتجة عن عدة تجارب البعض يقول لا متنجح وكذا ومن هذا الكلام حـﮧبيبــﮧي اذا مامجرب هذا الشيء ف 

رجائا اترك اجتهاداتك لنفسك لان مازال تمت التجربة على اكثر من جهاز ونجحت خلاص معناها مضمونة لانه هذا الجهاز المرفقة صوره ادناه كان يسحب الامبير تدريجيا يبدي من ٨ الى ان يصل الى ١٦ او ١٧ امبير ويفصل اوڤر لود اما الان بعد عمل هذه الطريقة يستقر مابين ٩ و ١٠ امبير اذاً التجربة نجحت

طبعا الكلام طويل لكن حبيت افيد واستفيد وايضا ندير بالنه على اخوتنه الزبائن مو كله تبديل حتى لو نميل على انفسنا شوي وخصوصا بهذه الفترة خطية كلها كاعدة لاشغل ولا عمل والناس وراها ايجارات وحوائج وكثير من الامور ف هالله هالله بيهم والكم اجر وثواب ولتضنون يضيع تعبكم عند الله سبحانه وتعالى

وتحياتي لكم جميعا

اخوكم الفني

على رزق 

تعديل المقال