تابع

ثلاجة سامسونج موديل RT38 , كمبرسر انفرتر

  ثلاجة سامسونج موديل RT38 , كمبرسر انفرتر

دردشة مع حبايبنا المهندسين و الفنيين ، في ثلاجة سامسونج موديل RT38 , كمبرسر انفرتر ، المشكلة ان الثلاجة تشتغل وبعدين تفصل و الكمبرسر ميرجع يشتغل، طبعا نزلت مانوال الثلاجة وكان ترتيب الكشف كالأتي :
١- الكشف على مخارج دايرة الباور في الكارتة الرئيسية وكانت تمام ٥ و ١٢ فولت.
٢- الثلاجة فيها ٣ ثيرمستر ( ١ للفريرز، ١ للكابينة ، وواحد لحرارة الغرفة الخارجية) وبعد الكشف كله تمام.
٣- الكشف على السخان وطلع تمام.
٤- الكشف على الاشارة الخارجة من الدائرة الرئيسية لكارتة الانفرتر ، في اشارة اسمها (٥فولت) واشارة تشغيل الكمبرسر واسمها (RPM) ودي اللي كان فيها المشكلة ، الاشارة دي لما الكارتة تدي امر الكمبرسر يقف بتكون ٤،٥ فولت ولما بيدي امر تشغيل الكمبرسر بتكون ٢ فولت ، وهنا كانت المشكلة الدايرة الرئيسية مبتديش لدائرة الانفرتر يشغل الكمبرسر على الرغم ان شروط التشغيل كلها صحيحة.
الحل ان طلعت البوردة وسخنت على رجل الاشارة الخارجة من البؤردة الرئيسية RPM وراجعت على لحامها وبعدها اشتغلت الثلاجة تمام ولله الحمد.






تعليقات
ليست هناك تعليقات
إرسال تعليق



    وضع القراءة :
    حجم الخط
    +
    16
    -
    تباعد السطور
    +
    2
    -