random

فرق الارقام علي المساعدين

فرق الارقام علي المساعدين

كلام كتير اتقال علي ان فرق الارقام علي المساعدين ده حاجه وهميه وغير صحيح وعايز اوضح النقطه دي وياريت تتقبلوا الفكره بصدر رحب..

الحوار كله في الغسالات لما بتصدر صوت عالي وانت هاتغير مساعدين
بص انت علي المساعدين التالفه وهاتلاقيها فعلا مرقمه اللي ناحيه الموتور او اتجاه العصر قيمتها عاليا واللي ناحيه خرطوم الميزان قيمتها اقل
وانت بتغير المساعدين بتشتري جوز العبودي او زي اللي في الصوره فوق مفرد وبتركب والدنيا بتظبط وانا شغال كده عادي
انما لو جبت جوز اصليين ايجيل مثلا هاتلاقي فرق الارقام موجود وشد انت كل مساعد بايدك واضغطه وهاتلاقي فرق العزم واضح واللي اشد بيركب ناحيه اتجاه العصر والاخف بيركب الناحيه التانيه
علشان يتم مص الصدمات احسن واضمن ومص حمل او وزن الموتور اثناء العصر .

انما مش معني انننا بنشتغل عادي باي مساعدين بنلاقيها يبقي صح واحنا صح والباقي غلط كل الحوار اننا اتعودنا علي كده وفاكر ين ان ده الصح من كتر ما العميل مش بيتصل بيك تاني والغساله بتظبط..

بس الاصل مش كده
وطبعا الحوار ده مع اغلب الغسالات اللي موتورها واخد جنب شويه و المواتير اللي في وسط الحله عادي مش هاتفرق..

ذي بالظبط في المساعدين التوب لودنج لو لاقيت الموتور واخد جنب او زاويه هاتلاقي المساعد اللي بيكون ناحيه الموتور اللي عزمه اقوى او سوسته طويله علشان يتحمل وزن الموتور في العصر ولو الموتور في نص الحله هاتلاقي الاثنين مساعد الاماميين سوستهم اطول بس نفس طول الاسياخ وعزمهم اعلي..

ومرفق موضوع من منتدي دردشه فنيين للتوضيح اكتر

اتمني تكون الفكره وصلت


تحياتي
طارق جمال








google-playkhamsatmostaqltradent