تابع

أشهر اعطال ديب فريزر كريزاي النوفروست الذي يعمل بنظام الكارت

أشهر اعطال ديب فريزر  كريزاي النوفروست الذي يعمل بنظام الكارت


اولاً كلمة dnte
معناها بالبلدي ضعيف او ميت او متوقف
يعني التبريد توقف على درجة حرارة لفتره زمنيه طويله ولا يستطيع الوصول لدرجة حرارة الضبط وده ليه اسباب كتير
منها
1_ تلف سخان الكويل
2 _ تلف سخان الارضية
3 _ تلف الثرموديسك 40
4 _ ضعف الفان او تلفها او الريشة معكوسة او توقفها بالثلج
5 _ تلف الحساسات او في غير موضعها
6 _ تراكم ثلج على الكويل
7 _ تشغيل اعلى درجة ضبط او السوبر والجوان مفارق
8 _ تهنيج الكارت وكل حاجة سليمة
الخطوات
لو روحت والجهاز شغال إفصل كهرباء عن الفريزر ثم اعد التشغيل المفروض يدخل تسخين وتقيس سخانات وطبعاً
هتقيس كل قطعة وتتأكد من سلامتها
طبعاً لو فيه حاجة تالفة هتغيرها طيب كله تمام افصل
الفريزر 24 ساعة ثم اعد التشغيل
هيشتغل كام شهر ويعمل تاني وده عادي في النوع ده
*** بعض ملحوظات فنيه
** ممكن تسترشد بدليل الأعطال
E1 مفتاح فاليوم
E2 سنسور حرارة
É6 سنسور كويل
E4 تبريد ضعيف
E 888 كارت تالف
dnte تبريد ضعيف او متوقف
door باب مفتوح
** لو الموضوع تكرر وبقى اوفر ممكن تعدل لدايره اخرى
** وانت بتقييس الحساسات قيسهم بجهاز أوم ميتر او بجهاز مالتي وكويس لأن ممكن بنسه الامبير او الجهاز اللي معاك مداه لا يقيس بالكيلو اوم فلا يعطي قراءة فتتوهم انه تالف وتقريبا بيكون الحساس 5 ك اوم
** الحساس بسوكت ازرق بيركب على الكويل
** الحساس بسوكيت ابيض عريض بيركب في الكابينة
** اتاكد ان اتجاه ريشة الفان سحب الهواء على الكويل وده في جميع النوفروست
** تحت كل درج للفريزر مربع المونيوم للفصل بين الادراج
بيكون مع كل مربع اربع قطع بلاستيك مشرشرة لتثبيتها جيدا في الفريزر عشان ماتتحركش كل ما تسحب الدرج للخارج فلو ضاعت البلاستيكات نبه على العميل يحافظ على تهوية الادراج ولو تسحبت مع الدرج هتفل الدرج اللي تحته والتبريد يضعف فيه لانك قفلت ممرات الهواء
** دايما تخلى ميل الفريزر او الثلاجة ناحية الصرف لسهولة التصريف مع مراعاة إن علبة الموتور سليمة ولا يتساقط منها ماء على الكباس فيتلف


تعليقات
ليست هناك تعليقات
إرسال تعليق



    وضع القراءة :
    حجم الخط
    +
    16
    -
    تباعد السطور
    +
    2
    -