U3F1ZWV6ZTExOTE4NDYzNTZfQWN0aXZhdGlvbjEzNTAxOTc4NTcw
random
أخبار ساخنة

تسريب مياه على فريون فى مبخر (كولر) شيللر


تسريب مياه على فريون فى مبخر (كولر) شيللر:

عندما يحدث ثقب فى الكولر (المبخر) اثناء التشغيل ويدخل به الماء فإن الكباس يسحب من هذه المياه من خلال خط سحبه ويطردها فى الدائرة قبل أن يتوقف وأول شيئ تطمئن على الكباس ولازم يخرج من الدائرة ويتفتح ويتكشف عليه ويتغسل ويتجفف ويتحط له زيت جديد ويتم فصل الدائرة اجزاء.. وكسح كل جزء بالنيتروجين بعد فك الفلتر ورميه وضغط النيتروجين فى الكولر من سكة الفريون بعد فك فلانشات دخول وخروج المياه بحيث تشوف مواسير المياه(التيوبات) كلها أمامك ومع ضغط النيتروجين ستخرج مياه من احدى المواسير وممكن تستخدم ماء وصابون لتحديدها وبعدين توقف النيتروجين وتفك طبة بطن الكولر من تحت لكسح الشيل نفسه بالنيتروجين وكل شوية تسد بإيدك وتسيب لغاية ماتتأكد إنه جاف ثم تعيد ربط الطبة
وخللى بالك قبل البدء فى كل ده تكون مجهز عزل وجوانات و أورنجات O-ring وفلاتر فريون وفريون وزيت وطقم عدة فك وتركيب بالبوصة او المللي حسب مقاس المسامير خصوصا لما تربط رباط شغل بعد اللى يبرد يبرد واللى يسخن يسخن..وبعد تحديد مكان الماسورة او المواسير المسربة ومعرفة قطرها تقوم بتفصيل طبات plugs عند ورشة خراطة بمقاسات محددة (حسب الجداول) وتسد بها الماسورة المسربة من الناحيتين وبعدين تعيد الإختبار بالنيتروجين وبعدين تجمع دايرتك وتغير الفلتر مرتين تلاتة وبعد فترة تغير زيت الكباس وده علامته سخونة الكباس أزيد من المعتاد والأمبير أعلى من الطبيعى..
وبعد كده تحرص على عدم انخفاض ضغط الفريون داخل المبخر وتفحص الوتر فلو سويتش ..او انسداد فى سكة المياه بعد الشيللر بيرفع ضغطها داخل الكولر او وجود هواء مع المياه...وعذراً لو نسيت حاجة...
إحدى المواقع بها أنواع وجداول مقاسات الطبات plugs





الاسمبريد إلكترونيرسالة