880297244420632
random

دائرة تبريد وتكييف

الخط

دائرة تبريد وتكييف



زى ما إحنا عارفين إن أى دايرة تبريد او تكييف بتتكون من أربع أجزاء أساسية الكباس - الكوندنسر - أداة الإنتشار - المبخر..يبقى فيه سبعة مراحل للفريون وهى: سحب وضغط الغاز - تبريد للغاز - تكثيف وتحول لسائل - صب كولينج - تمدد ونزول الضغط ودرجة الحرارة - تبخر وتحول لغاز - سوبر هيت..وبعد معرفتنا لمرحلتين(السوبر والصب) عند الحمل الكامل سنعرف ماذا يحدث فى الباقى..بعد قياسنا لهما حسب نوع الفريون اللي عندنا نقارنها مع إيه عشان نعرف إحنا فين من تحديد العطل..شوف ياسيدى..أولا: السوبر هيت
فى أنظمة التبريد والتكييف القديمة العادية اللي بتشتغل بإكسبنشن عادى TXV أو متعددة الكابلرى قيمة السوبرهيت (8ºF إلى 20ºF) لو عايزها بالدرجة المئوية تقسم على 1.8 لأنها قيمة فرق درجات حرارة ..وفى النظم الحديثة اللي بتشتغل بإكسبنشن اليكترونى EXV او سوليد Solid State قيمتها (5ºF إلى 10ºF)..وممكن كل شركة مصنعة تحددها برقم خاص بوحداتها خاصة مع وجود الفريونات الجديدة المخلطة
طيب لو القيمة المقاسة كانت اقل أو صفر يعنى الفريون لم يأخذ حرارة أزيد من التشبع وده يرجع سائل للكباس يخبط فيه ويخفف الزيت ويهيجه ويقلل التزييت للميكانيكا وممكن يدمره مع الوقت..
كده فى احتمال الإكسبنشن معلق على الفتح أو مروحة الكويل تقيلة أو معكوسة أو سدد بين زعانف الكويل أو فلاتر الهواء مسدودة أو زيت مجبن داخل المبخر أو حمل ضعيف أو شحنة زيادة..ولو القيمة المقاسة اعلى من 20 ده معناه إن الفريون بيتبخر كله قبل مايكمل سريان فى المبخر
كده فيه إحتمال الإكسبنشن خانق أو مظبوط لكن مسدود برطوبة أو مصفته مسدودة أو مش واصل له فريون بسبب سدد الفلتر أو الحمل الحرارى عالى جدا أو شحنة ناقصة..طيب نعمل حاجة؟..الإجابة لأ..لازم نعرف الأول الصب كولينج إيه ظروفها
عادة الصب كولينج عند مخرج الكوندنسر
بتكون (10ºF إلى 20ºF) وبرضه ممكن كل شركة مصنعة تحددها برقم خاص بوحداتها خاصة مع وجود الفريونات الجديدة المخلطة من كذا فريون
طيب لو القيمة المقاسة اقل ده معناه الفريون مانزلتش درجة حرارته عن التشبع داخل الكوندنسر..وكده احتمال مفيش تبريد كويس للكوندنسر(عيب مروحة أو نضافة) أو الإكسبنشن معلق على الفتح أو شحنة ناقصة
ولو القيمة المقاسة أعلى معناها الفريون بيبرد ازيد من اللازم..وكده احتمال الإكسبنشن خانق أو شحنة زيادة أو الجو بارد جدا
ومن السوبر والصب وملاحظة الأمبير نحصر أهم الأعطال من هذا الجدول ..شكرا

منقول من المهندس Amin Abdelkader جزاه الله كل خير 


ليست هناك تعليقات
إرسال تعليق

إرسال تعليق

نموذج الاتصال
الاسمبريد إلكترونيرسالة