مبرد مياه

مبرد مياه

اهم الأمور التي يجب مرعتها في مبرد مياه بالنسبة لأمانة الضمير أو الاختيار الفني لأن مبرد المياه بيكون في الغالب سبيل لله بيكون في المساجد و الشوارع العامة والناس بتشرب منه ولو مافيش أمانة وضمير ها يكون خطير جدا.
١ الخامات لازم تكون استالستين 304 الصحي لانه يحتوي علي نسبة نيكل و كروم قليل جدا في ورش كتير تستخدم النيكل كروم وده بيسبب أمراض لأنه قابل للصدا.
٢ بالنسبة للحوض الداخلي لازم يكون قميص استالستين للمياه فقط لأن في ناس كتير بتغطس المواسير داخل الحوض وده طبعاً أكبر خطأ سواء نحاس أو الموانيوم تسبب الأمراض ويكون في صعوبة في تنظيف الحوض.
٣ بالنسبة للجانب الفني اختيار اطوال المواسير بالنسبة للتبخير و الكوندنسر مناسبة واختيار الضاغط المناسب للحفاظ علي عمر الضاغط.
اي استفسار معاكم في التعليقات
بالنسبة للاستفسار الإخوة بخصوص مواصفات دائرة التبريد
المبرد مقاس ٦٠ سم ٢ حنافية
سعة المبرد ٦٠ لتر تقريبا
الضاغط ١/٣ حصان
اطوال مواسير الحوض لفة كاملة ٣/٨ (١٥ متر)
اطوال مواسير الكوندنسر ٩ كورب ١٨ مسورة في ٣٥ سم = ٦.٥ متر تقريبا ٣/٨
مروحة ١٠ وات طول الكباري ١٨٠ الي ٢٠٠ سم ٠.٤٤. الغاز المستخدم ١٣٤




تعليقات