ذراع اتزان

ده اسمه ذراع اتزان ..

بيركب ورا الحلة ومثبت في الفريم العلوي وبيكون اثنين طرف

الذراع ده

فيه جزءين بيعمله عمل السوتش جزء بلاستيك اعلى الذراع و جزء حديد اللي هو الصاجه المدلدلة منه

النوع ده من الذراعات لما بيركب بيكون أغلبه في موديلات البودي الصاج وفي بعض البودي البلاستيك

الجزء العلوي منه بيقفل أو بيفتح الدائرة لما الباب بيضغط عليه أو يرفع البنز البلاستيك ده لاعلي فبيقول الكارت أن الباب مقفول تقدري ياغسالة تدخلي عصر بامان ولما الباب ينفتح أثناء العصر تلاقي الغسالة وقفت وعملت انذار و تفرمل الحلة فورا للامان ..

الجزء السفلي ده بيكون قريب من الحلة لو الحلة رجت جامد أو فيه عطل في المساعدين او اطار الاتزان أو الغسيل كتير أو غير متزن أو الجيربوكس بايظ تلاقي الحلة خبطت الدراع ده بس خطف يعني يدوس على الدراع لحظة صغيرة من ضغط دائم

اول ما الكارت يحس أن الدراع ده اتخبط وفتح الدائرة بتاعته لحظة تلاقي الغسالة عادت دورة الشطف والارقام اتقلبت مثلا من ٨ دقائق الي ١٥ دقيقة مثلا ولو اتكرر الخبط في إعادة الشطف يقوم يعطي انذار على الشاشة فيما معناه عدم اتزان ..

طبعا من الخطأ إلغاءه لأن فيه عملا قابلوني اللي صباعه اتقطع من الحلة وهي بتعصر و اللي ابنه الصغير وقع في الغسالة وهي بتعصر وغيره وغيره فبرجاء معالجة المشكلة ومتعملش كبري عليه ..

ولو قابلك غسالة فيها ذراع لواحده و سوتش لواحده اعمل كبري على الذراع بس لكن سيب سوتش الباب علشان الجهاز يقف بمجرد فتح الباب أثناء العصر ...

تحياتي لاخواتي

تعديل المقال