880297244420632
random

الطن تبريد Refrigeration Ton=12000 btu/h

الخط

 الطن تبريد Refrigeration Ton=12000 btu/h



كان ياما كان.. فى سنة 1724 كان فيه واحد ألماني جاب شوية ثلج وزيهم بالظبط شوية ملح وحط فيهم الترمومتر الزئبقي إللى إخترعه وقاس درجة الحرارة واعتبرها درجة الصفر ولما الثلج بدأ يسيح لقى القراءة وصلت 32 والعكس لو المياه سايلة تبدأ تتحول لثلج عند 32.. وبدأ يسخن المياه ولما بدأت تغلى كان القياس وصل عند 212 قام واضع حرف F وسماها على اسم جده فهرنهايت.. الراجل ده كان اسمه دانيال جابريل فهرنهايت..قبل ما الحاج سلزيوس مايخترع الترمومتر المئوى بتاعه..طب ده مقدمة لإيه ؟
فى بريطانيا حوالى 1944 جابوا رطل واحد من المياه (حوالى نص كيلو) وقاسوا درجة حرارتها بالفهرنهايت وعرضوها لحرارة علشان تزيد درجة فهرنهايت واحدة فقط خلال ساعة ولما الترمومتر زاد درجة بفعل شوية حرارة أو كمية حرارة ..قالوا إن كمية الحرارة دى تبقى لها وحدة قياس وتبقى بتاعتنا وسموها وحدة الحرارة البريطانية وبلغتهم اسمها بريتش ثيرمال يونت British thermal unit أو BTU ولما حسبوا كمية الحرارة اللازمة لإنصهار طن ثلج (2000 رطل) فى يوم يعنى فى 24 ساعة لقوها بوحدات القياس بتاعتهم اللى هي ال BTU كانت حوالى 288000 ..فقسموها على 24 ساعة لقوها 12000 لكل ساعة فقالوا ووحدة القياس دى كمان بتاعتنا وسموها طن تبريدي.. ومن هنا جت المعادلة إن الطن تبريد Refrigeration Ton=12000 btu/h


بقلم المهندس Amin Abdelkader

ليست هناك تعليقات
إرسال تعليق

إرسال تعليق

نموذج الاتصال
الاسمبريد إلكترونيرسالة