880297244420632
random

ظبط ضغوط (فصل التشغيل cut-out) و (إعادة التشغيل cut-in) لجهاز اللوبريشر Low Pressure للوحدات اللى مكثفها تبريد هواء مع مراعاة نوع الفريون وأن درجات حرارة المبخر بالفهرنهايت

الخط

ظبط ضغوط (فصل التشغيل cut-out) و (إعادة التشغيل cut-in) لجهاز اللوبريشر Low Pressure للوحدات اللى مكثفها تبريد هواءمع مراعاة نوع الفريون وأن درجات حرارة المبخر بالفهرنهايت 

فى الصورة التدريج أقصى اليمين على 20psi وده الضغط اللى عنده الوحدة ترجع تشتغل cut in
وتدريج الفرق Diff على 10psi وده لو طرحناه من ال cut in نعرف الضغط اللى عنده الوحدة تتوقف cut out وهنا يكون 20 طرح 10 تساوى 10 وهذا الناتج لايكون مكتوب فى الصورة ولكن إحنا بنحدده من الجدول تحت cut out فنظبط ال Diff علشان يكون مجموعهم هو ضغط ال cut in اللى الوحدة ترجع تشتغل عنده 
ونلاحظ على الشمال فى الصورة تدريج الهاى مظبوط على 250psi وليس له Diff لأن الوحدة لو فصلت بسبب الهاى بريشر لازم نعمل إعادة تشغيل يدوى لمعرفة سبب الفصل إذا تكرر هذا الفصل
مثال آخر : لو درجة الحرارة بالفهرنهايت 40ºF حوالى بالمئوى 4.5ºC وهذه درجة حرارة مبخر التكييف ولو الفريون 22 ممكن نظبط اللو بريشر يفصل عند 20psi (وهذا أقل ظبط لكن ممكن يكون 30 ) فيتوقف الكمبريسور وعندما يرتفع الضغط الى 55psi فيقوم اللو بريشر بالتوصيل تانى فيشتغل الكمبريسور نفهم من كده إن ال Diff هو الفرق بين قيمة الفصل وقيمة التشغيل واللى هنا قيمتها 35
ملحوظة: القيم فى الجدول ممكن تزيد او تقل قليلا حسب ظروف كل وحدة 
مرة تانية الدرجات فى الجدول بالفهرنهايت وليست مئوى وفى الصورة التانية جدول للتحويل
خد بالك من الكلام الصغير المكتوب تحت الجدول بيقولك:
* تظبط الهاى بريشر على كام : 
لفريون 22 على 360psi ولفريون 404و507 على 400psi ولفريون 134 على 225psi
وممكن زيادة قليلة لو المناخ حار 
* البامب داون يفضل فصل اللو بريشر يكون عند 4psi والتوصيل عند 15psi وطبعا لن تعمل الوحدة إلا بعد توصيل الثرموستات
* الكباسات الاسكرول موديل ZB يفضل الفصل عند 17psi والتوصيل عند 25psi لفريون 404 و 507

بالنسبة لفريون 410a
هنا ال cut in مظبوط على 115psi يعنى ده الضغط اللى الوحدة ترجع تشتغل عنده
وال Diff مظبوط على 30psi يبقى الوحدة تفصل cut out عند 85psi وهذا الرقم لايظهر فى الصور واللى هو نتيجة طرح ال 30 من ال 155
والهاى هنا فى الصورة مظبوط على 515psi وده الضغط اللى تفصل عنده الوحدة حماية
يبقى اللى نظبطه بإيدينا هو الضغط اللى عايز الوحدة ترجع تشتغل عنده بعد مافصلت لوبريشر وده ال Cut in
وتفصل Cut out عند كام لو الضغط انخفض؟
ده بقى نحدده من ظبط قيمة الفرق Diff
فمثلا محتاج الوحدة فريون 410a تفصل عند 70psi وترجع تشتغل لما يعلى الضغط الى 110psi نعمل إيه؟
1- نظبط ال cut in على 110
2- نظبط ال Diff على 40 اللى هى الفرق بين 110 و 70 .. وبس خلاص

منقول من المهندس ‏‎Amin Abdelkader‎‏
ربنا يبارك فية ويجازية كل خير 







ليست هناك تعليقات
إرسال تعليق

إرسال تعليق

نموذج الاتصال
الاسمبريد إلكترونيرسالة