معلومات مهمة من خبرات سابقة:

معلومات مهمة من خبرات سابقة:

** خرطوم الدودة في الغسالة الاكواتيك بيكون فيه رواسب كتير ولازم يتنضف وانت بتعمل صيانة عدم نضافة او بتغير بلي علشان غرفة هواء الميزان متتعرضش للسدد او تلاقي ريحة كريهة بالملابس.

** اي ثلاجة بتعمل ماس كهربي اقلب الفيشة ولو مرحش اقطع فردة الارضي في الكابل ولو مرحش جرب الكباس لواحده بكابل خارجي علشان بيكون انهيار عزل من الكباس ويلزم تغييره وبتحصل كتيرالماس يكون بسبب كسر السخان الزجاجي بالذات ..

** ممكن وانت بتفاكيم ثلاجة ذاتي كانت مشحونة ب r 600 بعد التشغيل ب عشر دقايق كدة تولع على طرف الكابرلي اللي انت مخرجه من الفلتر وهاتلاقي الغاز اللي خارج عمل شمعه نار خفيفة واول كا الشمعة تنضفي تخفس وتشحن

** الثلاجات اللي كارتها بيكون داخل كابينة الفريزر لو اتركنت فترة كبيرة والباب مقفول بتسبب الباكتريا المتكونة انها تبوظ الاذابة الاوتوماتيكية في الكارت وملوش حل غير تغييره باخر

** لاختبار بوابة الهواء ممكن تخطها في الفريزر ربع ساعة لو لاقيتها اتقلت تبقى سليمة ولو زؤ ما هي تبقى تالفة

** لفك قفشة كباس ممكن تستخدم مكثف ٨٠ ميكرو تركبه على مجموعة الكتروني كمكثف تقويم ولو مشتغلش متتعبش نفسك وغير الموتور علشان بيكون قافش جلبة نص..

** في الثلاجات الجديدة اول ما تحط الفيشة كل المكونات بتشتغل وبتفصل وبعد ربع ساعة بتقوم طبيعي ولو مقامتش تاني بيكون سينسور الهواء في الكابينة تالف

** خود بالك من استخدام مفك تشيل بيه الثلج من كويل ثلاجة لان مواسير الاومنيوم خفيفة جدا وممكن تخرم الكويل وانت مش واخد بالك

** لو لاقيت ثلاجة شغالة ب مراوح 12 فولت ولاقيت المروحة مش شغالة بعد ما اتأكدت من سوتشات الببان غيرها وانت مطمن علشان صعب اوي النوع ده من المراوح يضرب مكانه في الكارت

** ديما لو لاقيت التجميد كويس و الثلاجة التبريد ضعيف في الموديلات ذات تبريد منفصل عن الفريزر يعني تبريدها معتمد علي مراية مدفونة ومروحة بتنقل التبريد ديما بيكون العطل تسريب شحنة او عدم تهوية جيدة في الخلف

** مش معني ان السربنتينة عليها مروحة هوا جبري يبقى ندفن الثلاجة في مطبخ بلتي ان ولكن نفهم العميل ان لازم يكون في مسافة شبر عن الحيطة

** لو لاقيت صرف ثلاجة بيتسد كتير بص على نهاية الخرطوم من ناخية الموتور لو لاقيته مفتوح اخنقه انت باي خرطوم او اخترع اي حاجة تخرج مية ومتدخلش هوا علشان منطقة الموتور سخنة وغصب عن الثلاجة الهوا السخن هايدخل للمنطقة الباردة وهايربي ثلج

** اسرع طيقة لتسييح اي ديب فريزر هو فتح الباب ومروحة تضرب على الكويل وساعتين بس وكله هايبقى تمام

** حاول اي ثلاجة او ديب نوفروست تميله لورا شوية بفك الرجلين اللي ادام شوية بحيث الباب لما تسيبه يقفل لواحده علشان تحدد اتجاه المية اللي بتنزل اثناء الاذابة على راس الموتور

** ممكن تعمل كبري على لوك ٣ طرف وممكن كبري على لوك ٧ طرف انما اللوك الاربعة طرف لازم يتغير ومينفعش عليه كبري

** حاول بعد ما تدي شحنتك في الثلاجة و الكباس مفصول تصبر عشر دقايق قبل ما تشغل الكباس علشان في الغاز يدخل في المواسير كلها لان في كباسات ممكن تفصل اوفر لود ولو حست ان ضغط الشحنة على راسها ثقيل...

** انا ضد اضافة سخان زجاجي تحو كويل الكريازي لكن مع وضع سخان فرش حاتم سيف توازي على الدرين

** اتأكد المروحة واخدة سرعتها مش بطيءة علشان لو بطيئة شوية هاتسد درين وخصوصا في الكريازي

** لو ثلاجة اتجاه المروحة بيكون اتجاه اله اء ناحية باب الفريزر ولو فريزر الكويل بتاعه فوق بيكون اتجاه المروحة سحب هوا للخلف ولو الكويل تحت بيكون اتجاه المروحة للامام زي الثلاجات

** كنت بركب مروحة 220 فولت جنب الموتور وبغزيها من اطراف الكباس في التوشيبا و الايليت علشان تبرد الموتور وكانت بترفع من كفائة الثلاجة وخصوصا في السربنتينة المدفونة

بقلم المهندس طارق جمال جزاة الله كل خير 

تعديل المقال