%20-%20Copy.jpg){kind=small}
ضغوط اسطوانات النيتروجين والفريون
الموضوع بخصوص ضغوط اسطوانات النيتروجين والفريون والناس اللى بتحب تعبى اسطوانه من اسطوانه ومعلومات هامه للحفاظ على حياتك .....
اولا .....
اسطوانة النيتروجين الكبيره بيكون ضغطها من (١٣٨-١٥٠ بار) او بمعنى دقيق والناس اللى ماتعرفش يعنى ايه بار (البار الواحد يساوى ١٤.٥ PSI) يعنى اسطونة النيتروجين بيكون ضغطها ( حوالى ٢٢٠٠psi) وطبعا الضغط ده مابيهزرش ولا بيهرج عشان تتعامل معاه باستهتار والكلام ده لما تعمل فلاشينج او تنظيف للدايره سواء تكييف او شيلر
ندخل على اسطوانة الفريون سواء ال كبيره او التلاته كيلو
الضغط فى الاسطوانتين ثابت على حوالى (٢٠ بار) او ( ٣٠٠ psl)واختلاف الحجم يعنى اختلاف كميه مش اختلاف ضغط
وبالمعنى الاصح ممكن نفتح اسطوانه كبيره مليانه على اسطوانه صغيره فارغه بدون مخاطره بس بدون تدخل منا يعنى موضوع نحط الصغيره فى تلاجه والكبيره فى ميه سخنه يبقى احنا كده بنعلى الضغط فى الكبيره عشان الصغيره تاخد ضغط اكتر وده قمة الخطر والغلط
لاننا لو فتحناهم على بعض واتدخلنا فى درجة الحراره اللى هيا بالتالى هاترفع الضغط فى الصغيره زياده عن اللازم وبالتالى يحصل مالا يحمد عقباه وهو ان الاسطوانه فى حالة تعرضها بعد ذلك للجو الطبيعى او الشمس فاهيعلى ضغطها وتنفجر وقبل ماتنفجر مش هاتقولك انا هانفجر
....................
نرجع لواحد كان بيسال انه يعبى اسطوانة فريون من النيتروجين طبعا بعد الموضوع ده يبقى استحاله بعد ماعرضنا ضغوط كل اسطوانه ومش معقول هناخد اسطوانه الفريون اللى بتشيل عشرين بار وتنفجر عند خمسه وعشرين بار ( دى معلومات من الشركه المصنعه للاسطوانات ) ونديها ضغط ميه وخمسين بار يعنى احنا بنقول لها نبوس ايدك انفجرى وضيعينا معاكى
واليكم طريقة تعبئه اسطونه صفيره من كبيره من مهندسنا الكبير م أحمد الطباخ
اول حاجة تسمى الله الرحمن الرحيم ثم يتم عمل فاكيوم جيد للاسطوانة الصغيرة لمدة ربع ساعة على الأقل ثم يتم وزن الاسطوانة الصغيرة على الميزان و هي فارغة لتحديد وزنها الصافى و هى فارغة و لنفترض ان وزنها 1.5 كجم
ثم بعد ذلك يتم توصيل الاسطوانة الكبيرة بالاسطوانة الصغيرة بواسطة عداد الشحن و يتم فتح الاسطوانة الكبيرة و عمل بيرج للخراطيم لطرد الهواء من الخراطيم ثم يتم وضع الاسطوانة الصغيرة على الميزان بالوضع العدل و ليست مقلوبة ثم يتم قلب الاسطوانة الكبيرة و فتح الاسطوانات و مراقبة الميزان حتى يصبح وزن الاسطوانة الفعلى على الميزان 4.5 كجم و يفضل أن يكون 4.3كجم ثم يتم إغلاق الاسطوانات تماما و لا داعى لتبريد أو تسخين اى أسطوانة طالما الاسطوانة الكبيرة مملوءة و ضغطها جيد و هذه الطريقة تعتبر الأفضل من حيث الأمان حفظكم الله جميعا و دمتم سالمين و عذرا للإطالة
ياريت اكون قدرت اوضح موضوع الضغوط وتعبئة الاسطوانات من بعضها
حسام عوده
