880297244420632
random

قطر الكابلري

الخط

قطر الكابلري

من المعروف و الشائع استخدام قطر ضيق في الثلاجات المنزلي لأنها منظومة تجميد و كذلك الفريزر
كمثال عندي ضاغط نص حصان وتم تركيب كابلري ٠.٥٥ بطول ٢ متر ونص ووجدت ان المنظومة جيدة الشفط غير مرتفع و غير منخفض المتوسط الطبيعي علي عداد الشحن وليكون١٢ psi ولكن الدرجات غير جيدة الدرجة
- 10 وتم الشحن ولكن الدرجات ضعيفة كده محتاج كابلري أقل في القطر ٠.٤٤
تم تركيب كابلري ٠.٤٤ بطول اتنين متر ونص
و الدرجات ارتفعت معايا من ١٠- الي ٢٥- لكن وجد انخفاض كبير في الشفط و انخفاض الشفط يجعل زيت الضاغط يهاجر يبقا القطر عندي تمام لكن عندي مشكله في الطول طول زيادة ببدا بقص ٥٠ سم علي الاقل من الكابلري من اتنين متر ونص الي اتنين متر أو ١٨٠ سم سوف ألاحظ ارتفاع الضغط بصورة جيدة و تحقيق درجات جيدة
الاستنتاج الشفط ضعيف جدا الطول زيادة تبدأ بقص من الكابلري حسب انخفاض الضغط لكي لا يهاجر الزيت من الضاغط
عندي ارتفاع ملحوظ و عدم تحقيق الدرجات يبقا الكابلري قصير محتاج يكون طويل
و طبعاً الاستخدام بالنسبة للقطر بيكون للتبريد القطر كبير و التجميد صغير و الاطوال يتم اختياره وتحديدها من خلال ارتفاع الشفط أو انخفاض الضغط
ومعا العمل والشغل يتم تسجيل القطر والطول المناسب بقدرة الضاغط و نوع الفريون هايكون عندك قاعدة بيانات خاصه بك
وانا شغال بقاعدة خلاصة التجارب الا معا الشغل هاتكون بسيطة وسهلة و ممتعة لأنك بتعمل لنفسك كاين خاص وده سبب اختلاف الجداول و الجدال الكبير بالنسبة للموضوع الكابلري
و طبعاً أثناء العمل والتجربه لازم تتابع وتسجل جميع الملاحظات الآتية
الامبير بعد اكتمال الشحن
قطر و طول الكابلري
حرارة الكوندنسر
الدرجات داخل الثلاجة أو الفريزر عن طريق تيرمومتر
الوبرشر أو الشفط عن طريق عداد الشحن
هذه الطريقة المتبعة الزي اعمل بها بدون اي جدول أو أي معلومات خاطئة
وطبعا معا الوقت خرجت بمعلومات مهمة و هي تعمل علي منظومة ثابت في شغلي كا مقاس الكوندنسر و نوع الضاغط و نوع غاز الفريون
ضاغط ١/٣ دانفوس غاز ١٣٤
قطر ٠.٤٤ طول ١٨٠سم يعمل تبريد
علي مبرد مياه ثلاجة عرض بأنواعها
ضاغط ١/٢ دانفوس غاز ١٣٤ قطر ٠.٥٥ طول ١٨٠ سم يعمل تبريد علي مبرد مياه ثلاجات عرض بأنواعها
في حالة التجميد يتم تغير القطر ٠.٤٤ بنفس الطول
ضاغط ٣/٤ دانفوس غاز ١٣٤ قطر ٠.٥٥ طول ١٨٠ سم يعمل تبريد علي مبرد مياه ثلاجة عرض بأنواعها في حالة التجميد يتم تغير القطر ٠.٤٤ بنفس الطول أو اتنين فرده ٠.٣٦ اقصر في الطول
ضاغط ٣/٤ تيكومسيه فرنسا غاز ٤٠٤ تبريد عن طريق مبخر تبخير بدون مراوح و أيضا تجميد ٠.٣٦ بطول متر و ونص عدد اتنين فرده
ضاغط ١ حصان تيكومسيه فرنسا غاز ٤٠٤ تجميد فريزر راسي أو افقي ٠.٤٤ بطول ٢٥٠ سم
ضاغط ١ حصان تيكومسيه فرنسا غاز ١٣٤ تبريد مبرد مياه مبرد لبن ثلاجات عرض بأنواعها عدد اتنين فرده ٠.٥٥ بطول ١٣٠ سم


المهندس Wael Farid

ليست هناك تعليقات
إرسال تعليق

إرسال تعليق

نموذج الاتصال
الاسمبريد إلكترونيرسالة