880297244420632
random

فكرة تشغيل النوع ده من السخانات اللي من غير جلدة رداغ

الخط

فكرة تشغيل النوع ده من السخانات اللي من غير جلدة رداغ


** السخان بيتكون من اثنين كويل غاز + مجموعة كهربا + بيت حجارة + سربنتينة + مجموعة مياه + ثرموديسك سربنتينة + حساس حرارة + شاشة ديجيتال + ميكروسوتش مغناطيسي
** فيه منه بنظام بكرتين متداخلتين واحدة ضغط مياه وواحدة ضغط غاز
** فيه منه نظام بكرتين جنب بعض منفصلتين واحدة ضغط مياه وواحدة ضغط غاز على الشعلان
** نظام السخان الأوتوماتيك اللي من غير جلدة رداغ ديما بيكون في السخانات ال ستة لتر الصغيرة ..
** اللعبة كلها في تصميم مجموعة المياه في مدخل المجموعة بيكون فيه بلية بتتحرك داخل ماسورة مجموعة المياه ومثبت على الماسورة دي من برة ميكروسوتش مغناطيسي بقفيز بمسمار والبلية اللي بتتحرك جوة لما بتتحرك بتيجي في المجال المغناطيسي المسبب من الميكروسوتش فالبلية بتخلي طرفين الميكروسوتش أما في حالة توصيل لما البلية تترفع أو في حالة فصل لما البلية تنزل
** اول ما البلية بتتحرك للأعلى وتيجي أمام الميكروسوتش يتم توصيل الطرفين ومجموعة الكهربا تقوم بعمل شرز الاشعال ثم فتح كويل الغاز الاول ثم فتح كويل الغاز الثاني لدخول الغاز لمشط الشعلات ولما النار تولع الحساس يتلسع و مجموعة الكهرباء تبطل شرز ويفضل السخان شغال ..
** بمجرد غلق المياه ترجع البلية و تفصل أو تفتح طرفين الميكروسوتش ويتم غلق كويل الغاز الثاني لغلق النار ثم الأول للامان
** السخان ابو جلدة رداغ بيكون فيه كويل غاز واحد وعند مرور المياه الميكروسوتش يوصل ويفتح كويل الغاز ثم إبرة الرداغ تضغط على طبة الغاز في نفس الوقت يعني نقطتين امان للغاز هما قلدوا الحوار ده بكويلين غاز في السخان اللي بنتكلم عنه
** اسوء نوع سخان على فكرة لانه بيشتغل تمام اول سنتين واول ما البلية تملح أو تضقر تخلي السخان عمال يخرج نار من الشعلات حتي لو المية مقفولة و بيؤدي لذوبان قصدير السربنتينة و حريق السخان وحدوث كارثة لا قدر الله ..


ليست هناك تعليقات
إرسال تعليق

إرسال تعليق

نموذج الاتصال
الاسمبريد إلكترونيرسالة