%20-%20Copy.jpg){kind=small}
الثرموديسك thermodisc
الثيرموديسك thermo disc
ومعناها لغويا- قرص حرارى
--------------------------------------------------------------------------------
حضرتك اول ماتشوف كلمة thermo او thermal تعرف انها ليه علاقه بالحراره لان معنى الكلمه اصلا حرارى ---- زى مثلا كلمة thermal protect اللى بتكون مكتوبه على اغلب المواتير --- يعنى حمايه حراريه اى من ارتفاع الحراره او حمايه عن طريق شىء يتفاعل بالحراره
مكوناته ----
يتكون من قرص من ماده معينه تتفاعل بالحراره والقرص ده بيضغط على قطعه بلاستيك او (بنايه )-- وف حالة تقوس القرص بيضرب البنايه دى والبنايه بتضغط على الابلاتين وتفصله من بعضه --- هى هى نفس فكرة الاوفرلود
وللاسف نظرا لان الثيرموديسك هو عنصر فعال ف دايرة الاذابه ولا يمكن الاستغناء عنه --- فان تلفه بيعمل مشكله كبيره او حتى انه يلخبط ف درجات الدخول والخرووج
---- درجات الخروج والدخوول --- وما هو الاهم -----
--بالنسبه لاى قطعه بتتفاعل وتشتغل بالحراره ك فتح وقفل لازم يكون ليها درجات دخول وخروج --- بمعنى دخول ف الدايره وخروج منها -----
طيب هنتكلم عن درجة الدخول ---
ف العاده يجب ات تكون درجة الدخول لا تتعدى ال 0 بالموجب ---- وكل ماكانت بالسالب بيكون افضل - لكن لاتتعدى ال 15 تحت الصفر لان فى الصيف الشديد ممكن بعض التلاجات متقدرش تجيب اكتر من كده ع الكويل نظرا مثلا لضعف العزل او غيييره -- طيب هنفرض ان فيه قطعه دخلت مثلا على 5 فوق الصفر او حتى 10 فوق الصفر مش هتعمل ربكه ولا حاجه لكن المهم ان تكون درجة الخروج اعلى من كده ع الاقل ب 10 دررجات -- لييه لان لما يخرج ويفصل السخان الكويل هيبدا يبرد واحده واحده نسبيا فممكن لو مدة مابين فصل السخان وتشغيل الموتور طويله الى حد ما ---- ممكن ساعتها الثيرموديسك يقفل تانى ويشتغل السخان وده غلط لان كده الموتور هيقوم وحرارة الكويل مرتفعه ---
بالنسبه لدرجة الخرووج ----
هنا الوضع بيختلف ولازم يكون فيه رنج معين لتفاوت الخروج بين الانواع المختلفه
او بالاصح ----- على حسب مكان تركيب الثيرموديسك وعلى حسب المسافه بين الشرايح للكويل وكمان على حسب بعد الثيرمو نفسه عن السخان ---
يعنى مثلا لو جبنا ثيرمو شغال على توشيبا واخر على كريازى وعملنا تبادل بينهم ف نفس الامكنه -- هنلاقى لخبطه الى حد ما واللى هتتاثر اكتر هى الكريازى لان الثيرمو هيخرج بدرى جدا لان درجاته مختلفه واقل من ثيرموا الكريازى ولانه قريب من السخان ---- وهتلاقى الحوض والصرف اتملى تلج بعد فتره قلييله
طيب لو هنفرض انى عاوزه يشتغل كويس يبقى لازم تبعده عن السخان ويكون بعيد عن الكويل تماما لان سخان التوشيبا بيسيح التلج من تحت الى فوق ولكن الكريازى بيعمل اذابه افقيا مش راسيا زى التوشيبا ----- لذلك تلاقى درجات خروج الثيرمو توشيبا مثلا ف رنج من 10 الى 16 -------- لانه هناك خالص عند المجمع ف الاعلى وعقبال ماتوصل الحراره ليه ل 10 موجب ---- هتكون اكييد ع الكويل عدة ال 20 وتمت الاذابه تمام ----- لكن ثيرمو الكريازى بيخرج مابين ال 15 وال 25 ووالله لقيت ثيرموا خرج على 30 وكتير مش واحد بس
وده قلنا عشان مكانه بيختلف وطريقة الاذابه بتتم افقيا مش راسيا ---- ولو خرج اقل من الدرجات دى هيتسبب ف سد حوض الصرف
الخلاصه ----
المهم عندنا هو درجة الخرووج وهى اهم من درجة الدخوول ---- والاهم من الاتنيين هو الدفرنشن او الفرق بينهم ---
الشرح مقدم من المهندس مصطفى عبد الكريم جزى الله كل خير