880297244420632
random

السخان الغاز

الخط
 السخان الغاز



السخان الغاز
وانا جايب ليكوا نظام السخان اللي بيولع شعلته بالكبريت او بالاشعال الزاتي بس في الغالب بنولعه بالكبريت اللي هو سخان المصانع
السخان الغاز بيتكون من
سربنتينة مواسير نحاس – طبق رداغ – مواسير لاي - الشعلة – الحساس – زر تحكم – غطاء
لما نيجي نركبه يفضل ان يكون بجانب شباك الحمام او شباك الطبخ ويتم عمل له مدخنة خمسة بوصة من راس السخان الي الخارج لان السخان طالما اكبر من 5 او 6 لتر لازم يتعمله مدخنة علشان ميخنقش اللي بيستخدم السخان داخل الحمام .
وفكرة عمل السخان هي
---------------------
لما بتفتح الميا السخنة تقوم تدخل المياه الباردة الي طبق الرداغ وطبعا بتتكون الميا مندفعه فا بيساعد ده على ضغط جلدة الرداغ لاعلي وجلدة الرداغ موصلة بطبق وبه اكس فلما تمر المياه الي داخل الطبق الرداغي
يقوم اكس الطبق بالضغط على سوستة لفتح الغاز ومروره على الشعلات فعندما تفتح المياه تجد ان السخان اشتغل ومولع وهذا هو السر
اللي بيبوظ النوع ده من السخانات الركنه فعندما تغادر البيت لفترة كبيرة شهر او اثنين او اكثر قم بغلق محبس المياه الداخل وافتح الخارج من السخان وافتح حنفية الميا السخنة علشان تفرغ الميا الموجود في السربنتينة
السربنتينة النحاس تكون عبارة عن مجري للماء البارد لتسخينه بضرب النار عليه
وتنزل المياه السخنة من الناحية الاخرى ومنها الي الحنفيه
عندما تقفل المياه السخنة فأن الضغط على جلدة الرداغ يخف ويقفل الغاز ويقفل السخان
لكن هنا يوجود سؤال هام :--
السخان بينطفي ازاي والشمعة بتفضل والعة
انا اقولك
الشعلة دي بتفضل والعة نتيجة لوجود الحساس اللي بيعمل عمل مغناطيس لما بيتعرض للحرارة لما بتضغط عليه اول مرة لاشعال تلك الشمعة وتجذب اليها البلف الزي يوصل الغاز بين الشمعة وبين مصدر الغاز
والدليل على ذلك انك لما بتطفي الشعلة دي بالنفخ
بعد دقيقة بتسمع صوت صدة او رقعة خفيفة في السخان وهي البلف لما اترد لمكانه لما الحساس برد وتخلي عن وظيفة المغناطيس الجاذبه ومنها تم اغلاق الغاز الي الشمعة
السخان بطبيعته بيشتغل على انبوبة لكن لما بتحوله لغاز طبيعي لازم توسع الفنيات اللي موجودة بالسخان كلها لان ضغط الغاز الطبيعي اضعف من ضغط الانبوبة
كل الكلام ده السخان الاوتماتيك الجديد وفره واكثر امان واوفر للطاقة من المصانع بس لو نيجي للفرق في الجودة واالشغل هانجد ان السخان المصانع او اي ماركة تانية على نفقس تصميم الشمعة الدائمة افضل بكثير واطول في العمر من الاوتوماتيك ..
بالنسبة للسخان الاوتوماتيك ::::
*******************
يتكون من علبة حجارة و مجموعة مياه و صمام غاز و مجموعة كهرباء و سربنتينة و ميكرو سوتش و ضفيرة سلك وشاشة ديجيتال و حساس حرارة و شمعات اشعال و حساس تشغيل و ثيرموديسك ..
وصف كل قطعة على حدة هايفهموك الدنيا فيها ايه ان شاء الله :::
****************************************
علبة الحجارة :
يركب بها 2 بطارية طورش كل بطارية 1.5 فولت ولازم لما نركبهم نتأكد من الاقطاب يعني الموجب بالموجب والسالب بالسالب ونتأكد ان الطرف الموجب مدبب مش غاطس او الجزء المدبب منه قصير زي الحجر الانرجيزر ولو عايز تركب الانرجيزر ابقى طول لامات اللامسة للحجر بالمفك التيست .
والبطاريات بتعطي كهربا لمجموعة الكهرباء و الشاشة. علشان كدة لما تلاقي السخان مش شغال غير الحجارة الاول وبعد كدة لو مشتغلش ابقى اتصل بالصيانة
مجموعة المياه:
مثلها زي اللي في المصانع بس الفرق ان وضعها في السخان الاوتوماتيك يكون ر أسيا وفي السخان المصانع يكون افقيا وكل اللي هي بتعمله انها بدفع بزراع الميكروسوتش و بعد كدة الدايرة الكهربية تقوم بالباقي
صمام الغاز :
يسمح بمرور الغاز عند فتح الميكروسويتش لدخول الغاز الي مشط الفواني .
مجموعة الكهرباء :
هي العقل الكتروني للسخان ومنها تعطي كهرباء لصمام الغاز و موصلة بالميكروسوتش و الثيرموديسك و الشاشة و يخرج منها ثلاث اطراف اسود اللون يكون موصلين بالشمعات التي قصاد مشط الفواني فيه من الثلاثة واحد حساس وواثنان اشعال و عند تشغيل السخان يقوم شمعات الاشعال ب اشعال مشط الفواني وعندما يحس الحساس بالحرارة يقوم بألغاء وظيفة الشعال المستمرة بعد تشغيل السخان اللي هي صوت التكتكة
السربنتينة :
مثلها زي اللي في المصانع من النحاس و بها زعانف الومنيوم من الاعلى لتوزيع الحرارة اسرع وموضل بها الثيرموديسك
الميكرو سوتش:
بيكون ملامس لابرة الرداغ ويكون في طبيعته وهو مضغوط عليه في وض الفصل ةعند دخول المياه الي مجموعة المياه تقوم ابرة الرداغ بفتح زراع الميكروسوتش لقفل الدائرة و تشغيل الجهاز
ضفيرة كهرباء:
بتوصل جميع اطراف واجزاء السخان ببعض لذلك اي سلكة تنقطع تؤدي الي توقف السخان
شاشة ديجيتال :
توضح درجة حرارة المياه عن طريق بتوصيها بحساس الحرارة الزي يكون مربوط في الماسورة الخارجة من السخان
شمعات الاشعال :
تقوم بأشعال مشط الفواني بدلا من الكبريت و الطريقة اليدوية
حساس الحرارة :
يكون مربوط في الماسورة الخارجة من السخان وكل وظيفته انه بيعطي اشارات للشاشة الديحتال وتقولكط السخان دلوقتي درجته كام في بعض الاحيان اللي قابتلني تكون الشاشة ثابتة على درجة واحدة ولا تتغير والاقي ان المشكلة في الشاشة دائما وليس الحساس
ثرموديسك :
ده بقى اللي بيه يكون السخان كله في وضعيه امنة وعمره اطول لانه بيكون ملاصق لمواسير السربنتينة من الاعلى ويقوم بفصل السخان كله اوتوماتيكيا عندما توصل درجة حرارة السخان اكبر من 75 درجة وده بيؤدي الي عندم اتلاف النار للسربنتينة وطول عمر السخان ..
..........
نصيحة اخيرة لما يكون العميل بيشتكي ان السخان فاصل واتأكد ان الحجارة سليمة ووصلات سليمة وضغط مياه جاي من دتحلة واحدة و الميكروسوتش سليم وكله تمام وبرضوه مش شغال اعمل قافلة على فردتين الثيرموديسك فلو اشتغل غير الثيرموديسك ولو مشتغلش غير مجموعة الكهرباء بس قبل التسرع اتأكد ان الحجارة اللي انت شاريها جديدة مش فاضية 
ليست هناك تعليقات
إرسال تعليق

إرسال تعليق

نموذج الاتصال
الاسمبريد إلكترونيرسالة