تحويل اي ديب فريزر وثلاجة من نظام الكارت لنظام التايمر

تحويل اي ديب فريزر او ثلاجة من نظام الكارت لنظام التايمر

** اول حاجة ها تلغي اطراف الكارت وتعزلها بشريط لحام وتركب علبة الكارت في مكانها عادي..

** تشتري تايمر اذابة أربعة طرف كوري او نوعه نضيف + ثرم وديسك + ثرمو فيوز ..

** لو هاتركب التايمر على ثلاجة المروحة بتاعتها 12 فولت dc اشتري انت مروحة 220 فولت ac واقلب الكويل بتاعها بحيث اتجاه المروحة والدوران يضرب هوا في وشك لما تحطها في مكانها..

** قسم ضفيرتك بأطوال سلك مناسبة وبراحتك برة الثلاجة حسب الرسومات المرفقة او دائرة انت حافظها او رسمتها في ورقة معاك ..

** استخدم سلك شعر ملي و نص محمل

** عشان تعوض عن سنسور الفصل والتشغيل بشتري ثرموستات هوائي وبتحته في الكابينة من تحت جنب مكان اللمبة او تخترع انت علبة بلاستيك تحط بألب الثرموستات في اتجاه بوابة الهواء الدامبر بشياكة ..

** او ركب ثرموستات جنب ساعة التايمر برة الثلاجة ودخل البلب بس في الخرم اللي ها تعدي منه اسلاك الضفيرة باتعتك ..

** يبقى انت كدة ها تخرم من ضهر الثلاجة خرم من ضهر الفريزر بتاع اطراف المروحة و ثرم وديسك وسخانات وثرموفيوز وخرم تانئ من الكابينة بتاع بلب الثرموستات الهوائي

** اتأكد أن السخانات سليمة ولو سليمة وصل عليها عادي بحيث سخانات الحوض والكويل يكونوا متصلين توازي مع بعض وتوالي مع الثرم وديسك والثرمو فيوز...

** ثبت الثرم وديسك علي الراجع في الكويل او المصيدة او الانتفاخ في نهاية الكويل بالا فيزان البلاستيك

** ثبت الثرموفيوز في وسط الكويل بالافيزان بردوه

** الاخرام اللي خرمتها وعديت منها سلكك احكمه بالسيلكون العضم وسد الفتحات جيدا

** مكان الساعة او التايمر يفضل يكون جنب الموتور لو السربنتينة مدفونة في بودي الثلاجة.

** لو السربنتينة هوا عادي حطها زي الكريازي فوق يمين وحطها بعلبة بلاستيك بمسمارين..

** فردتين الموتور اللي هات نزلهم من التايمر لفهم واعزلهم كويل لانهم هاينزلو بالقرب من المكثف.

** لو حبيت تستفاد بظهور درجة الحرارة على الشاشة هاتدخل فردتين 220 على كارت اللوحة ده و تشوف سنسور الهوا موصل لغاية فين بالكارت وها تخليه مكانه وباقي السكوتات هاتت لغي

** خلي كابل الفيشة خارج من مكان تثبيت التايمر فو او تحت و السلك نفسه اعمله مثبت بحتة صاج ومسمارين..

تعديل المقال