%20-%20Copy.jpg){kind=small}
الثلاجات الانفرتر والديجيتال والميكانيكال وايه مميزاتهم وعيوبهم
1-مقارنة التلاجه الانفرتر أمام الديجيتال والميكانيكال
باختصار تكنولوجيا الانفرتر هي تكنولوجيا تتحكم بشكل ما في تغيير التردد للتيار الكهربي، وفي النهاية بتساعد موتور الثلاجة على إنه يشتغل بس مش بطاقته القصوى، وده يدعم زيادة عمر التلاجة و بيزود نسبة التوفير في فواتير الكهرباء والثبات في درجات الحرارة التي يقدمها أي جهاز كهربائي.
الفرق بين تلاجات الانفرتر و الثلاجات العادية
طبعًا كلنا عارفين طريقة عمل التلاجة العادية، وهي انها تشتغل بكامل طاقتها كل فترة عشان توصل لدرجة الحرارة المطلوبة، وبعد كده تفصل وترجع تشتغل تاني بكامل طاقتها، الفرق هنا مع تلاجات الانفرتر، إنها مش بتخلي الموتور يشتغل بكامل طاقته عشان يوصل لدرجة الحرارة المطلوبة، وده بيخلي التلاجة تصل لدرجات الحرارة المطلوبة من غير ما تستهلك كثير في الكهربا أو تستهلك كتير من طاقة الموتور، وده طبعًا بيميز ثلاجات الانفرتر عن الثلاجات العادية في إن موتورها هيعيش عمر أطول، وكمان هتكون موفرة جدًا في استهلاك الكهرباء، وممكن نسبة التوفير دي تتخطى الـ ٥٠٪ في بعض الثلاجات، كمان هي تتفوق من حيث نسبة الثبات والاستقرار في درجات الحرارة، وده يساعدها تحافظ على درجات الحرارة مظبوطة حتى في حالة انقطاع الكهربا، كمان بتساعد على حماية الموتور من أي تلفيات ممكن تحصل نتيجة تذبذب التيار الكهربي. لكن يظل العيب الوحيد في ثلاجات الانفرتر، إنها بتكون اغلى من حيث الأسعار عن الثلاجات العادية، وده في مقابل التوفير اللي هتقدمه للمستهلك بعد كده.
ومشكلتها ان الكباس الانفرتر نفسو بيكون ليه كارتيه مستقلة بتشغلوا انفرتر يصعب تواجدها في سوق الصيانة
٢-مقارنة التلاجه الديجيتال أمام الميكانيكال
التلاجه الديجيتال هيا هيا الميكانيكال بس الفرق بيكون بدل الثرموستات في الميكانيكال بيكون فيه شاشه بتظبط منها الدرجات المطلوب تحققها بالداخل و يكون بدل بالب الثرموستات سينسور بالداخل
والشاشه مزوده بنظام الارم علشان لو نسيت الباب مفتوح مثلا الشاشة تفضل تصفر ولو فيه عطل في الثلاجة بيظهر كودها على الشاشة
الفرق التاني بيكون مكان حساس الاذابه (الثرموديسك) سينسور هوا اللي بيحس بالثلج
الفرق التالت بيكون بدل التايمر (كارته ) هيا اللي بتتحكم في دخول السخان وخروجه
الفرق الرابع موزع الهواء ( الدمبر) بيشتغل ع ١٢ فولت
بتكون اغلبيه الديجيتال موتور مروحه المبخر ١٢ فولت واللمبات ليد ١٢ فولت
وكل الفروق دي عكس الميكانيكال كل قطعها ٢٢٠ فولت
وطبعا اللي بيديهم ال ١٢ فولت هيا الكارته
والديجيتال من حيث المكونات و الاوبشنات والشكل افضل من الميكانيكال وعيبها الوحيد هوا توفير قطع غيارها ( الكارته و شاشة التحكم ) من خارج الشركة المصنعة