880297244420632
random

Transformerless Power Supply

الخط

هنتكلم عن Transformerless Power Supply
 
.
ببساطة هوا دايرة كهربية بتحول ال 220 فولت لاي فولت DC انا محتاجه لكن بدون ترانسفورمر. وده معناه حجم اقل ووزن اخف وسعر ارخص.
طيب تعالو نشوف الدايرة في اول صورة. هوا بيعتمد علي سعة المكثف انها تعمل Voltage Drop من المصدر الي هوا 220. ومن قانون السعة نقدر نقول ان معاوقة المكثف Xc=1/(2*pi*50*c) والخمسين دي الي هيا التردد. 
يبقا وظيفة المكثف فقط انه يعمل سقوط في الجهد. طيب المقاومة الي معاه علي التوازي؟ دي فيمتها 470 كيلو لغاية 1 ميجا اوم. يعني مقاومة عالية جدا تقريبا Open Circuit من وجهة نظر ال AC لكن بنستخدمها عشان نضمن تفريغ المكثف بعد عزل المصدر.
المقاومة الي متوصلة علي الطرف التاني من المصدر اختلفت فيها الاقوال. نستخدمها ولا لا؟ ولو استخدمتها وظيفتها ايه؟ اولا قيمتها بتكون معتمدة علي جهد الخرج الدي سي الي انا محتاجه. يعني نقدر نقول اني عامل بيها مع المكثف Voltage Divider قبل ال bridge وفي نهاية البوست هحط قيم عملية لكل مكون من دول.
طبعا ال bridge عشان تحولي الجهد المتردد لمستمر والمكثف للتنعيم والفلترة. الزينر عشان يثبت الجهد عند القيمة الي انا عايزها. يعني الي بيحددلي جهد الخرج بتاع الدايرة هوا الزينر ولازم يكون 1 وات مش زينر عادي.
طيب احسبها ازاي؟؟
عندي مكثف 1 مايكرو فاراد 400 فولت تبقا المعاوقة بتاعته تقريبا 3.2كيلو اوم. وعندي مقاومة 200اوم علي الطرف التاني من المصدر. لو وصلتهم علي التوالي مع المصدر هيكون فرق الجهد علي المقاومة يساوي 200/3400*220 هيساوي 13 فولت. لو حولناهم ل تيار مستمر هيدوني 18.3 فولت. يبقا انا عندي 18.3 فولت دي سي بعد المكثف. المقاومة الي قبل الزينر عشان الزينر هدفها تكسر الجهد الزايد علي جهد الزينر. مثلا لو عندي زينر 9 فولت يبقا هشوف فرق جهد عليه 9 فولت بالظبط وعلي المقاومة 9.3 فولت. وبكده اصبح عندي باور سبلاي 9 فولت بدون ترانسفورمر.
المثال العملي هوا لمبة اضاءة. زينر 10 وات 12 فولت. 
المكونات هي:
C1= 2.2 uF 630 volt
R1= 470 k ohm 2 watt
R2= 100 ohm 2 watt
bridge 1A
C2 100uF 100V
R3=100 ohm 2 watt
zener 12V 1W
Led 10 watt
المكثف لازم يكون زي الي في الصورة او مثف مروحة "اهم حاجة يكون بدون قطبية و X-rated" وده موجود عند انور الجمال والنخيلي في القاهرة وحمادة عبد الرازق في اسكندرية سعره حوالي اتنين جنيه
المقاومات موجودة عند نفس المحلات الي فاتت دي اما الليد ال 12 فولت انا مشفتوش غير عند حمادة في اسكندرية. لو ملقيتوهوش ممكن تستنخدم ليدات من العادية ال 3 ميللي زي الي في كشاف الطواريء. وكل المكونات دي في الصورة التانية. اما الصورة التالتة لمكقفين مختلفين القيمة. المكثفات دي بنفس القانون الي فوق هقدر احدد القيمة الي محتاجها والمتاح في مصر بيتراوح بين .1 مايكرو الي 2.2 مايكرو.


ليست هناك تعليقات
إرسال تعليق

إرسال تعليق

نموذج الاتصال
الاسمبريد إلكترونيرسالة