880297244420632
random

أدوات الشحن و العدد اللازمة لشحن ثلاجة

الخط

أدوات الشحن و العدد اللازمة لشحن ثلاجة 

 أدوات الشحن و العدد اللازمة لشحن ثلاجة وشرح لكل قطعة منها بطريقة بسيطة على اخواتي اللي داخلين المهنة جديد ....
وطبعا طريقة الشحن مهما اتكلمت فيها لازم تقعد مع صانيعي مرة واتنين وعشرين لغاية ما تفهم بعينك بس انا عايزك تاخد بالك من الصور المرفقة كويس
العدد اللازم توافرها معاك :
** بوري لحام بدماغ تحضن الماسورة أو لمبة اكسجين .
** شاكوش
** سودج توسيع المواسير
** منجلة
** مكنة فرير لتركيب صامولة على اي ماسورة وطبعا الحوار ده مبقناش نستخدمه بعد اخراع بلف الشحن
** بنسة خفاسة لغلق اي ماسورة يدوي مؤقتا
** سكينة قطع مواسير
** بنسة جاز
** ترمومتر حرارة
** وقطع الغيار بقى اللي هي بلف شحن .فضة.بودرة.فريون.مواسير ربع . كابرلي .
** العداد :
وهاتكلم عن العداد ابو عينين الضغط العالي والضغط المنخفض ومهم جدا لعملية كبس الهوا للكشف عن التنفيس أو عمل الفاكيوم للشحن وبيتوصل بيه ثلاث خراطيم كيدج الخرطوم اللي في النص دائما بيتوصل في ماسورة الخدمة اللي انت لحمتها وجهزها للشحن و الخرطوم اللي على اليمين بيستخدم لكبس الهوا عن طريق طلمبة الفاكيوم خط الطرد وفتح مفتاح العداد الاحمر وعند ضغط ٣٠٠ يتم قفل العداد والكشف عن التنفيس
والخرطوم الايسر بيستخدم لعمل الفاكيوم بتوصيلة بطلمبة الفاكيوم خط السحب وعندا يصل العداد ل ٣٠ تحت الصفر يتم قفل العداد وتركه على الاقل نص ساعة للتأكد من عدم ارتفاع الضغط عن ٣٠ تحت الصفر للتاكدمن عدم وجود تنفيس ولو كله تمام وصل فريونك واشحن واسطوانتك مقلوبة وهكذا
** طلمبة الفاكيوم :
عبارة عن حاجة شبه الكباس فيها خط طرد وخط سحب لسهولة عملية الفاكيوم أو كبس الهوا وهكذا
** البنسة الخفاسة :
دي مهمة جدا وجودها معاك لما تعمل فاكيوم ذاتي عن طريق كابرلي توصله في الفلتر وتلحمه في الربع الأقرب الماسورة الكبس بالفلتر ولما تعمل فاكيوم بتلاقي الكابرلي ده بيطلع الهوا اللي جوا الدائرة ولما تلاقي العداد ٣٠ تحت الصفر بتخفس انت بالبنسة الخفاسة دي على الكابرلي وتحط شحنتك
السودج أو خابور التوسيع ::
بنستخدمه علشان توسع ماسورة و وتسهل دخول ماسورة تانية جواها لسهولة اللحام ببعض وياريت تربط الماسورة اللي انت عايز توسعها بالمنجلة وتطلع سم من الماسورة وبلاش تدق مباشر علشان بتخفسش المواسير
بلف الشحن:
بنلحمه في ماسورة الخدمة ومتنساش تشيل الإبرة قبل اللحام وبعد ما الماسورة تبرد تركب الإبرة تاني وتتعامل واوعي تضرب نار على القصير اللي لاحم الصامولة بالماسورة هاتبوظ البلف ولازم يتغير ساعتها
الفضة ::
اللي بنلحم بيه وبنستخدم البودرة الناشفة مع الفضة السخنة في لحام جديد بحديد أو حديد بنحاس وفيه منها نوع مبروم كوري و نوع مبطط امريكي
*************************
حبة نصائح مهمة وانت بتشحن
**************************
* ديما تحط شحنتك والأسطوانة مقلوبة والكباس مفصول علشان لما الكباس يشتغل تعرف النتيجة بسرعة ولما تحب تذود الشحنة والكباس شغال تفتح العداد حاجة بسيطة جدا وتقفل وتفتح وتقفل عل. بسيط علشان بتغبرش زيت الموتور والكباس ينطر زيت في الدائرة بسبب التذويد الخطأ
** بلاش تسيب بلف الشحن في الدائرة واخفس والحم لو اتأكدت أن كله تمام
** استخدم صاجة مصد علشان تحمي القطع البلاستيك وانت بتلحم بالبوري أو اللمبة
** اشحن والمروحة شغالة يعني والببان مقفولة علشان المروحة تفضل شغالة لأنها بتفرق معاك على الراجع جدا
** امسك ديما البوري بايدك الشمال والفضة في اليمين ها ترتاح أن شاء الله










ليست هناك تعليقات
إرسال تعليق

إرسال تعليق

نموذج الاتصال
الاسمبريد إلكترونيرسالة