غسالة بتفصل بعد أول عصر وتدي إنذار موتور – التشخيص الحقيقي كان بسيط جدًا

 

🧺 غسالة بتفصل بعد أول عصر وتدي إنذار موتور – التشخيص الحقيقي كان بسيط جدًا

عميل اشتكى إن الغسالة بتشتغل عادي، وتعصر في الشطفة الأولى،
لكن بعد ما تسحب مياه تاني مش بتلف وبتدي إنذار.

---

🔧 التشخيص الأولي:

فني راح وشاف الإنذار،
وكان مكتوب "عطل في الموتور"
وبناء عليه طلب من العميل:

• كارت تشغيل

• موتور جديد

---

🧠 المعاينة الحقيقية:

روحت أنا بقطع الغيار، وبدأت أختبر الجهاز بحمل فعلي.
ولقيت الآتي:

• الجهاز لما بيبدأ يعصر، بيهتز طبيعي زي أي غسالة.

• لكن أول ما تهتز، الجهاز يفصل ويدي إنذار موتور أو ترياك كارت.

يعني العطل بيظهر بعد الهزة اللي بتحصل وقت العصر.

---

🛠️ السبب الحقيقي:

المشكلة طلعت مش في الكارت ولا في الموتور، لكن في:

• سوكيت الموتور الواصل إلى الكارت

• التلامس بين السوكيت والجاك في الكارت ضعيف جدًا

• وأي اهتزاز بسيط زي اللي في العصر بيفصل التوصيل مؤقتًا ويظهر إنذار موتور

---

✅ الحل البسيط:

• تم تنظيف السوكيت جيدًا

• استخدمت الزوار لتقريب وتضييق اللامات النحاسية داخل السوكيت بحيث:

  • تمسك كويس في جاك الكارت

  • تمنع أي فصل حتى مع الاهتزاز

---

🔄 بعد التجربة:

✅ الغسالة اشتغلت بشكل طبيعي
✅ عصرت بدون فصل أو إنذارات
❌ بدون ما أغير لا موتور ولا كارت

---

📝 الخلاصة

مش كل إنذار "موتور" معناه موتور بايظ أو كارت ضارب.
مرات كتير بيكون توصيل بسيط أو سوكيت مهزوز هو السبب.

تعديل المقال