%20-%20Copy.jpg){kind=small}
وسيط التبريد 410a
ولو الموضوع شوية طويل بس اقروه حتى نخصمها....
اليوم نرجع لسالفة وسيط التبريد 410a
الي صار بيها لخبطة وهوسة اكثر من هوسة البرلمان....
ناس تگول يصير نضيف وناس تگول ما غلط الا نفرغ ونشحن من جد وجديد.....
#يابة انتم جماعة الاضافة منين جبتو هذا الكلام؟
#يگولون من التجربة والتجربة خير برهان.....
#زين انتم جماعة التفريغ منين جبتو هذا الكلام...
#يگولون تعليمات الشركات!!!
يابة عيني يا شركات الي انطت هيج تعليمات....
يسكتون ما يجاوبون....
هسة نسولف شوية
جماعة الاضافة اشتغلو علتجربة... وهذا شي حلو ومقبول...
بس محد تعب نفسة وشاف هاي التجربة ليش وشلون نجحت اذا هي خلاف حقيقة الخواص..
وجماعة التفريغ هم ما تعبو نفسهم وگالو خل نحسب شوية ليش ما تصير الاضافة؟؟؟؟
انتبهلي شوية بروح ابوك
#طبعا طرفي النزاع عدهم حق وكلامهم منطقي واثنينهم اجراءهم صحيح....
هسة واحد يگول #شني_هاي
شلون ترهم.... أني اگلة شلون
اتنبهلي بروح خالتك شوية:
فرق بالوزن الجزيئي بين 32a و 125a هو(0.821 غم/سم3(
هذا من ناحية الوزن الجزيئي
خليك وياي شوية بعد
الفرق من ناحية الغليان (3.25) c
هسة شتبين عدكم!!!
اني أگلكم تبين الفرق بين الغازين هو فرق بسيط جدا جدا جدا
يكاد يكون معدوم...
يعني هسة شنو الي نستنتجة؟
نستنتج
بأن جماعة الاضافة كلامهم صحيح
وجماعة التفريغ كلامهم صحيح
لان النسبة الي طلعت كلش قليلة
هذا اذا فرضنا كمية الغاز الي تسرب كبيرة.... وكلما قلت نسبة التسريب قل الفرق بالنسبة المئوية....
هسة شنو شتبين
تبين في الحالتين صحيح... فلحد يگول للثاني غلط....
لان نسبة الفرق قليلة جدا
وانتبهولي لهاي الملاحظة المهمة جدا وخلوها ترجية بأذنكم
هاي نسبة الفرق تكون في الغازات الاستندر يعني الغاز الاصلي الخالي من اي شوائب تماما...
اما الغاز الموجود حاليا في الاسواق فهو فيه شوائب يعني هو اصلا يجي غير مطابق وبيه نسب شوائب اكثر من نسبة الفرق المذكورة....
لذلك هاي النسب ما الها اي اعتبار بالغاز الاستندر فشلون بالغاز الطگ عطية.....
وبعد بكيفكم بعد
وسلامتكم
ولو راح اضوجكم شوية...
ويجوز ادوخون من سوالفي....
عيني گدامكم بالصور خصائص غاز 32
وخصائص غاز125
وهن المركبات الي من تكون منهن غاز 410 (ولو الاصح نگول وسيط التبريد ما نگول غاز) بس ميخالف عبروها الي...
المهم بالصورتين اذا تنتبهون للكثافة فأكو فرق
(الكثافة - الغليان-وزن جزئي)
وهاي معناها ما دام اكو فرق بالكثافة فاكو فرق بالتبخير.... يعني واحد يتبخر قبل الثاني....
هسة شنو رايكم.... اضافة لو تفريغ....
ملاحظة لحد الان بعدني ما منطي الخلاصة....
بس احب اشوف رأيكم....
جماعة الاضافة شنو رأيكم هنا.....
ولا تكيفون جماعة التفريغ بعد وراكم سوالف...
وسلامتكم