تلاجة بوش 559 لتر نوفروست

دي تلاجة بوش 559 لتر نوفروست الكباس الأصلي بتاعها كان جياكسبيرا صيني R600 بقدرة 172 وات تبريدي لما روحت كشفت عليها كان الكباس مفوت .. نضفت الدايرة وركبت كباس صيني كومبتك بقدرة 170 وات تبريدي R134 ... التلاجة إشتغلت كويس لمدة ساعة ووصلت لدرجة ‐2°م وبعدين الكباس صوته بقي عالي جدا وزي ما يكون بيطلع في الروح وحصل سدد ... فكيت الكابللري من الفلتر ونزلت كمية زيت كبيرة جدا من الفلتر ورجعت نضفت الدايرة تاني بالثاوزون وبعده بهواء جاف وبعده بفريون 22 وبعده هواء جاف مرة أخري وتم تعويض الزيت و الشحن مرة أخري بعد عمل فاكيوم عميق لمدة ساعة ونصف ...

التلاجة سدت تاني بعد لما وصلت لدرجة +3°م والكباس صوته بقي عالي مرة تانيه ...

فكيت مرة تانية و برضه نزل كمية زيت من الفلتر بس أقل من المرة إللي فاتت ..

رجعت الكباس للبائع و إستبدلته لأن فيه ضمان ..

ولم أكرر التجربة مع الكباس الكومبتك الصيني .. وتم تركيب كباس سيكوب نمساوي بقدرة 221.8 وات تبريدي و دي كانت أول تجربة ليا معاه ..

وبعد التنظيف الجيد كما شرحنا من قبل وتم الشحن علي العداد( 0 ) PSI في بداية الشغل .. وفي خلال سا عتين أو ازيد قليلا فصلت التلاجة عند تحقيق درجة -24°م وكان الامبير 0.57 A ..

دي التجربة كاملة أمامكم ونأمل ان تستفيدوا منها وتفيدونا بآرائكم ومقترحاتكم

دمتم بخير يا أعزاء

منقول من المهندس عبدالناصر الخواندي

kgn56v130u

secop
gtk70at

qd65h
comptek

تعديل المقال