تلاجه كريازي 14قدم نوفرست تعمل بنظام الثيرموديجيتال أو ترموستات الكتروني يتحكم في كل جزء في التلاجه

 تلاجه كريازي 14قدم نوفرست تعمل بنظام الثيرموديجيتال أو ترموستات الكتروني يتحكم في كل جزء في التلاجه

العطل كان تنفيس في المبخر تم اللحام داخل الورشه بإستخدام لحام الالومنيوم وسوف اعرض بإذن الله فيديو عن كيفيه لحام الالومنيوم بكل سهوله ويسر
ولاكن عند الشحن لاول مره وجدت أن التلاجه اخدت كميه فريون زياده قرابه ال 200 جرام
والتبريد داخل المبخر يتحرك ببطئ بمعني تصل درجه التبريد داخل المبخر الي -20 بعد حوالي ساعه والمروحه متوقفه
درجه حراره الضاغط مرتفعه
سخونه الربع الاعلي من المكثف فقط وببروده في الفلتر مما يدل علي وجود انسداد في الكابلري أو زيت بالمبخر
تم فك الكويل وكان به كميه زيت لا بأس بها قرابه 70سم3 تم التنظيف بإستخدام فريون 22 وتغيير زيت الضاغط وتم الشحن لتاني مره ولاكن نفس النتائج السابقه
تم نزع الكابلري نهائيا من المبخر ووجد أنه كابلري بطول 270سم وبقطر 031 وشلته عشان حسيت اني فيه سدد جزئي تم عمل اعاقه له ووصلت الي 370psi
وللعلم الضاغط كانت بياناته كالاتي ضاغط دانفوس NL7.3FT بوات تبريدي 185 وازاحه 7.3 وكميه زيت بولي استر 270cm3 تم تنظيفه الكابلري بالثاوزن جيدا وعمل إعاقه مره اخري ولاكن وصلت بعد معاناه الي 320psi
مكنش قدامي غير اني اغير الكابلري نهائي بنفس القطر والطول وعمل إعاقه له والتي وصلت إلي 235psi
تم تركيب الكابلري والشحن مره اخري وكانت كميه الغاز نفس الكميه المدونه علي التلاجه دون أي زياده نهائيا وتم فصل التلاجه وتشغيلها بعد ساعه وضبطها علي درجه 3 في الترموستات وبعد ساعه ونصف تشغيل ووضع ترمومتر عادي وليس ديجيتال لانه أدق بمراحل وصلت درجه التبريد الي سالب25 والتي تصل باستخدام الترمومتر الديجيتال الي سالب 30
علي الرغم من أن كلاهما ماركه ايطاليه اصليه وعندي ترمومتر ديجيتال مشتريه من مصر بيشتغل بمزاجه مره يديني سالب 25 وبعدين اشيله واحطه تاني يديني سالب 33 وكل مره درجه مختلفه وربنا يصلح حاله
المهم كان الغرض من المنشور
مش كل كابلري شغال مفهوش انسداد يبقي سليم ممكن يكون فيه انسداد جزئي ومش هتعرفه الا من خلال الشحن وظهور نتائج غير مرضيه وتأخر وصول درجه التبريد داخل التلاجه وتأثير ده علي الضاغط وكميه الكهرباء المسحوبه وتأخر تجميد المأكولات وخلافه
الحاجه التانيه ندون اي معلومه ولو بسيطه في دفتر خارجي ممكن ارجع ليها في أي وقت زي طول وقطر الكابلري مع بيانات الضاغط المذكوره اعلاه

المهندس Sherif Abd-elhamed
تعليقات



حجم الخط
+
16
-
تباعد السطور
+
2
-