مشكلة سخونة الكباس وارتفاع الامبير

مشاركة من المهندس شريف عبد الحميد 

الصوره الاولي لتلاجه كريازي ٢ باب راكب عليها كباس egm75af مشكلتها كالتالي تشتغل لمدة ٧ دقايق وبعدين الكباس يخبط ويرزع جامد ويفصل اوفر لود

مع سخونه في الكباس وارتفاع الامبير ليصل الي ٢،٣ امبير تدريجيا وتشميع في الجزء العلوي للفريزر فقط ،وصل اكتر من فني حسب قول العميل وجميعهم أكد تلف الكباس خاصه وان صوته عالي وامبيره ايضا

وقال لي العميل ان الكباس راكب من شهر بس والفني اللي ركبه مش راضي يجيله ولا يرد علي تليفونه

فكيت الشحنه من عند الكابلري وكان سالك ، والشحنه كانت زياده بشكل غير عادي

وعند اختبار ضغط الكباس باليد حسيت ان الموتور مخنوق جامد نضفت الشبكه وما زالت الخنقه موجوده وامبيره نزل ل ١ امبير ، ولما فكيت اول ماسوره الشبكه من الكباس لقيتها زي ما حضراتكم شايفين مخنوقه ازاي ومصور جمبها ماسوره مقصوصه بشكل صحيح

قصيتها صح وركبتها تاني وشحنت التلاجه واصبح كل شئ علي ما يرام من تبريد في التلاجه وسخونه الشبكه والفلتر وامبير الكباس ما عدا صوت الكباس ما زال عالي

الصوره التانيه لديب فريزر راسي عند واحد صاحبي فني

بيقولي عمل فيه كل البدع وتبريده لا يتعدي سالب ٤ بعد فتره عمل متواصله لمده ست ساعات لانه مبيفصلش تبريد ودا طبيعي ومغيرله كباس جديد اليوم اللي قبله وروحت عنده لقيته مشغله وبعد الكشف عليه تبين الاتي للعلم الكباس الجديد egm75af ايضا

سخونه غير عاديه بالكباس وامبيره يصل الي ١،٥ امبير

الشحن علي ١٨ psi

سخونه في نص الشبكه والنص التاني لا ، وتبريد ضعيف جدا

اول حاجه شكيت فيها انسداد لان دي اعراضه ولقيت

الشبكه نضيفه جدا وكذلك المبخر خاليين من اي شوائب علي الاطلاق

وعلي الرغم من ان الكابلري سالك الا اني تسرعت وقمت بتغييره وبدأت بالشحن ولاكن ما زالت المشكله قائمه بجميع اعراضها ، وفجأه افتكرت التلاجه الكريازي اللي حكيت عنها فاول البوست ولاكن الاعراض مختلفه حبتين بس قولت اكيد عشان دا كباس جديد فمازال مستمر في العمل دون توقف

وبعد ما فكيت اول ماسوره الشبكه من الكباس لقيتها بالشكل اللي في الصوره التانيه

وعشان مطولش اكتر من كدا ، قصيت اول جزء من الماسوره وركبتها صح ، وشحنت واصبح كل شئ علي ما يرام

تعديل المقال