الديفكون او الارنديد 

اللحام ده مهم جدا تواجده للحام البلاستيك او حديد في بلاستيك

وهو عبارة عن انبوبتبن يتم خلطهم مع بعد بكمية صغيرة ومتساوية من الانبوبتين للحصول على عجينة مناسبه للطبقة المراد لحامها

افضلهم هو المادة الرمادي الفاتح و الاسود

الامير ..

وده بتاع الحلول السريعة وشنطتك متخلاش منه وطافية السجائر مع الأمير بتعطي لحام صلب جدا ولو مفيش سجائر

ممكن تضيف الكاربوناتو مع الأمير وبيعمل لحام قوي جدا مع البلاستيك بالذات

ممكن تضيف شوية مسحوق ناعمين مع الأمير او تراب من الشارع

السيلكون الحراري ..

وده فيه نوعين منه

فيه نوع احمر يتم استخدامها في التقفيل على صواميل و محابس و لاواكير البوتوجازات

والاحسن منه هو السيلكون الحراري العضم وده بيتباع منه أنبوبة صغيرة سهلة الحمل في الشنطة

وده بنستخدمه في الغسالات والتقفيل بين الخراطيم و بين نصين الحلة الامامي والخلفي ولونه رمادي او ابيض وبصراحة ممتاز وفيه منه الرمادي والابيض

الجوملاكة..

وده بيتباع عند بتوع ق غ العربيات و الكامليات

وده مادة قوية جدا لأحكام اغلاق جوانات ببعض والخراطيم اللي جزء منه بيكون غاطس في الحلة وهي عبوة صغيرة والغطاء بتاعها به فرشة لسهولة الاستخدام

شحم ..

خلي علبتين شحم معاك ديما صغيرين

واحدة لزوجتها عالي جدا علشان تشحم منطقة تحميل الحلل من السوست او منطقة تحميل المساعدين في الغسالات التوب من فوق

والتاني لزوجتها خفيفة

لتشحيم الاويل سيل و استخدامك العادي

حقنة زيت مكنة خياطة ..

الزيت ده خفيف جدا وممكن تحل بيه مشاكل بتحتاج ليها لزيت فورا ويستخدم للبلي و الجلب و خصوصا الجلب

قفيز بلاستك مقاسات ..

اشتري كيس قفزان بلاستك صغيرة لتجميل الضفيرة و كيس متوسط للخراطيم و غيره

وكيس كبير للحلول الفورية

زي مثلا تثبيت الطلمبة بالبودي جيدا مثلا علشان البودي فيه مشاكل

شريط اللحام ..

اشتري احسن نوع وهات بكرة كبيرة انت متعرفش ظروفك ايه والاحسن انك تجيبه حراري علشان تلحم السلك اللي بيمر به امبير عالي وبيعرض سلكله للتسخين باحكام .

كولة ..

كولة الشعلة لتستخدم لتثبيت الخراطيم الثابته والدايمة وهو مفعولها سريع جدا وفعال وفيه أنبوبة بتتباع منها ب خمسة جنيه سهلة الحمل

تعديل المقال